Մալե

Անվան այլ կիրառումների համար տե՛ս՝ Մալե (այլ կիրառումներ)

Մալե (մալդ.՝ މާލެ), Մալդիվների մայրաքաղաքն ու երկրի խոշորագույն քաղաքը։ Բնակչությունը 2014 թվականի դրությամբ եղել է 150,000 մարդ։ Տարածքը 6 քառ. կմ է։

Քաղաք
Մալե
މާލެ
Երկիր	Մալդիվներ
Ենթարկում	Մայրաքաղաք
Համայնք	Kaafu Atoll?
Մակերես	6 կմ²
ԲԾՄ	2 մետր
Բնակչություն	150 000 մարդ (2014)
Խտություն	17401 մարդ/կմ²
Ժամային գոտի	UTC+5
Մալե (Մալդիվներ)
Մալե Վիքիպահեստում

Անվանում

Անվանումն առաջացել է महालय (Mahaalay), բառից, որը ծագել է սանսկրիտից։ Թարգմանվում է որպես «մեծ», «հսկա»։ Սովորաբար «Մահաալայ» անվանել են թագավորական պալատը․ այստեղից էլ անվանումն անցել է քաղաքին։

Պատմություն

Նախկինում քաղաքը շրջապատված էր պատով։ Միապետության վերացումից հետո՝ նախագահ Իբրագիմ Նասիրի կառավարման ժամանակ, թագավորական պալատը ավերվել է գեղատեսիլ ամրոցի և ամրոցապատի աշտարակի հետ միասին։

Աշխարհագրություն

Գտնվում է Մալե և Վիլինգիլե կղզիների վրա։ Այն ավանդաբար եղել է թագավորական կղզի, որտեղ գտնվում էր Մալդիվյան դինսատիաների պալատը։ Վերջին տարիներին կղզին ընդլայնվել է գրունտային տեղատվության հետևանքով։

Կլիմա

Մալեն գտնվում է ենթահասարակածային գոտում, որին բնորոշ է երկու եղանակների առկայություն՝ անձրևների և չոր սեզոններ։ Անձրևոտ սեզոնը տևում է մայիսից դեկտեմբեր, չորը՝ մնացած 4 ամիսներին։ Ջերմաստիճանը ամբողջ տարվա ընթացքում փոփոխվում է ընդամենը 1-2 °C աստիճանով՝ պահպանվելով 25-30 °C։

Մալեի կլիմայական տվյալները
Ամիս	հունվ	փետ	մարտ	ապր	մայ	հուն	հուլ	օգոս	սեպ	հոկ	նոյ	դեկ	Տարի
Միջին բարձր °C (°F)	30.0 (86)	30.4 (86.7)	31.2 (88.2)	31.5 (88.7)	31.0 (87.8)	30.5 (86.9)	30.4 (86.7)	30.2 (86.4)	30.0 (86)	30.0 (86)	30.1 (86.2)	29.9 (85.8)	30.4 (86.7)
Միջին ցածր °C (°F)	25.4 (77.7)	25.6 (78.1)	25.8 (78.4)	26.4 (79.5)	26.2 (79.2)	25.8 (78.4)	25.6 (78.1)	25.5 (77.9)	25.1 (77.2)	25.2 (77.4)	25.3 (77.5)	25.1 (77.2)	25.6 (78.1)
Տեղումներ մմ (դյույմ)	75.2 (2.961)	49.7 (1.957)	72.8 (2.866)	131.6 (5.181)	215.7 (8.492)	171.9 (6.768)	147.2 (5.795)	187.7 (7.39)	242.8 (9.559)	222.0 (8.74)	201.0 (7.913)	231.7 (9.122)	1949,3 (76,744)
Միջ. տեղումների օրեր (≥ 1.0 mm)	4.6	3.5	6.1	9.1	14.3	12.9	11.9	12.8	15.8	14.6	13.3	11.8	130.7
% խոնավություն	78.0	77.0	76.9	78.1	80.8	80.7	79.1	80.5	81.0	81.7	82.2	80.9	79.7
Միջին ամսական արևային ժամ	248.0	259.9	279.0	246.0	223.2	201.0	226.3	210.8	201.0	235.6	225.0	220.1	2778,2
աղբյուր: NOAA

Բնակչություն

Քաղաքի կենտրոնական մասը տեղակայված է Մալե կղզու վրա, որը չափազանց բնակեցված է․ կառուցված մասն ընդգրկում է համարյա ամբողջ տարածքը։ Բնակչության մոտավորապես մեկ երրորդն ապրում է մայրաքաղաքում։ Բնակչության թվաքանակը 1987 թվականին 20 000 էր, իսկ 2006 թվականին՝ 104 403։

Վարչական բաժանում

Բաղկացած է 6 շրջանից, որոնցից 4-ը տեղակայված են Մալե, 5-րդը՝ Վիլինգիլե, իսկ 6-րդը արհեստական Հուլումալե կղզիների վրա։ Վիլինգիլի կղզում նախկինում գտնվում է բանտ, որն այժմ քաղաքի առողջարանային շրջանն է։

Բացի այդ, քաղաքը ներառում է նաև Մալե միջազգային օդանավակայանը, որը տեղակայված է Հուլհուլե կղզու վրա։

№	Շրջան	Տարածք, հա	Բնակչություն, (2006)	Տեղակայություն
1	Հենվեիրու	59,1	23 597	Մալե
2	Գալոլհու	27,6	19 414	Մալե
3	Մաչանգոլհի	32,6	19 580	Մալե
4	Մաաֆանու	75,9	29 964	Մալե
1-4	Մալե	195,2	92 555	Մալե
5	Վիլինգիլե	31,8	6 956	Վիլինգիլե
6	Հուլումալե	200,9	2 866	Արհեստական կղզի
-	Հուլուլե	151,9	1 316	Մալե միջազգային օդանավակայան
-	Գուլհի Ֆալհու	-	-	Մոլորակ նավահանգստային կղզի
	Մալե	579,8	103 693

Էկոլոգիա

Մալեում բացակայում են քաղցրահամ լճակները, այդ իսկ պատճառով խմելու ջուր ստանում են ստորերկյա ջրերի աղազրկման միջոցով։ Առհոսող ջրերը առանց մաքրման լցվում են ուղիղ օվկիանոս։ Կոշտ թափոնները տեղափոխվում են հարևան կղզիներ, իսկ այնտեղ դրանցով լցնում են ծովալճակները։ Էլեկտրաէներգիա արտադրվում է դիզելային գեներատորների օգնությամբ։