Մահվան աշտարակ (ֆիլմ, 1975)
«Մահվան աշտարակ» (անգլ.՝ The Deadly Tower 1975 թվականին ամերիկացի կինոռեժիսոր Ջերի Ջեյմսոնի նկարահանած հեռուստատեսային ֆիլմը, որտեղ գլխավոր դերի կատարմամբ հանդես է եկել Կուրտ Ռասելը։ Ֆիլմը հիմնված է իրական դեպքերի վրա. Չարլզ Ջոզեֆ Ուիթմանը 1966 թվականի օգոստոսի 1-ին սպանել է 16 և վիրավորել 32 մարդու, մինչև ոստիկանները կարողացել են գնդակահարել նրան։
 անգլ.՝ The Deadly Tower | |
|---|---|
| Երկիր |  ԱՄՆ |
| Ժանր | դրամա |
| Թեմա | Չարլզ Ուիթմեն |
| Թվական | 1975 |
| Լեզու | անգլերեն |
| Ռեժիսոր | Jerry Jameson? |
| Դերակատարներ | Կուրտ Ռասել, John Forsythe?, Նեդ Բիթի, Pernell Roberts?, Քլիֆթոն Ջեյմս և Paul Carr? |
| Օպերատոր | Մեթյու Ֆ. Լեոնետի |
| Երաժշտություն | Don Ellis? |
| Տևողություն | 100 րոպե |
Դիպաշար
խմբագրելՉարլզ Ուիթմանը սովորում է Օսթինի Տեխասի համալսարանում։ Հաճախ տառապելով անտանելի գլխացավերից՝ ուսանողը դրանց նոպաների ժամանակ չի կարողանում հսկել իրեն և զսպել բռնություն գործադրելու տենչը։ Մի օր էլ, չդիմանալով, Չարլզը սպանում է կնոջն ու մորը, հավաքում զենք ու զինամթերք ու բարձրանում համալսարանի աշտարակը։ Այնտեղ դիրքավորված՝ նա սկսում է կրակել շարժվող ամեն բանի վրա և վիրավորում կամ սպանում է տասնյակ մարդկանց։
Դերերում
խմբագրել- Նեդ Բիթի - Ալլան Կրամ
- Կուրտ Ռասել - Չարլզ Ուիթմեն
- Ռիչարդ Ունիգես[1] - սպա Ռամիրո Մարտինես
- Ջոն Ֆորսայթ - լեյտենանտ Էլվուդ Ֆորբս
- Փերնել Ռոբերթս - լեյտենանտ Լի
Դատական գործեր
խմբագրել1976 թվականին սպա Ռամիրո Մարտինեսը հասավ արտադատական ոչ բաց կարգավորման[2][3] այն բանից հետո, երբ ֆիլմի պրոդյուսերներին դատի տվեց իր կնոջը բացասական, ռասիստական հատկանիշներով պատկերելու համար[4]։
Ուիթմենին սպանած ոստիկաններից մեկը՝ Հյուստոն ՄաքՔոյը, 1990 թվականին դատի տվեց ֆիլմի սեփականատերը համարվող Turner Broadcasting System-ին՝ պահանջելով $14 միլիոն ամերիկյան դոլար՝ որպես փոխհատուցում իրեն պատճառված հուզական սթրեսի և հեղինակությանը հասցված վնասի, հայտարարելով, որ ֆիլմում իբրև վախկոտ ներկայացվելու պատճառով ինքը ալկոհոլամոլ է դարձել ու հարգանքն ու արժանապատվությունը կորցրել[5]։
Ծանոթագրություններ
խմբագրել- ↑ «Sniper (1975)». AllMovie.
- ↑ Cox, Mike (1978 թ․ մարտի 16). «Lawman to get cash in settlement of Whitman film suit». Austin American-Statesman.
- ↑ Paul Mavis |The Deadly Tower : DVD Talk Review of the DVD Video | http://www.dvdtalk.com/reviews/42081/deadly-tower-the/
- ↑ Kendall R. Phillips (2004). Framing public memory. University of Alabama Press. էջ 81. ISBN 978-0-8173-1389-0. Վերցված է 2010 թ․ հունիսի 21-ին. «Both policemen who shot Whitman sued MGM after the made-for-TV movie was released. Martinez received a settlement; the other policeman, Houston McCoy, whose name was not used in the film, received nothing, even though the film portrays him standing by passively as the actor playing Martinez fires the fatal shot. Whitman's autopsy showed that it was McCoy's bullet that killed the sniper.»
- ↑ «Former Police Officer Sues Over Tower Sniper Movie». AP News. 1990 թ․ նոյեմբերի 30.
Արտաքին հղումներ
խմբագրել- «Башня смерти»(անգլ.) ֆիլմը Internet Movie Database կայքում
- {{AllRovi|45350|Башня смерти