Մանչեսթեր Սիթի

Մանչեսթեր Սիթի (անգլ.՝ Manchester City), անգլիական ֆուտբոլային ակումբ Մանչեսթեր քաղաքից։ Ակումբը հանդես է գալիս Անգլիայի Պրեմիեր լիգայում։ Կազմավորվել է 1880 թվականին որպես «Ուեստ Գորդոն Սենտ Մարկս», այնուհետև 1887 թվականին վերանվանվել է «Արդվիք Ըսոշիեյշն Ֆուտբոլային ակումբ» և միայն 1894 թվականին՝ «Մանչեսթեր Սիթի»` սկսելով հանդես գալ իր երկնագույն տնային մարզաշապիկներով։

Մանչեսթեր Սիթի
Ամբողջական անուն	Manchester City Football Club
Հիմնադրում	1880, որպես Ուեստ Գորդոն Սենտ Մարկս 1894, ապրիլի 16` որպես Մանչեսթեր Սիթի
Երկիր	Միացյալ Թագավորություն
Մարզադաշտ	Սիթի օֆ Մանչեսթեր
Տարողունակություն	53,400
Նախագահ	Խալդուն Ալ Մուբարակ
Մարզիչ	Խոսեպ Գվարդիոլա
Կայք	Պաշտոնական կայք
Լիգա	Պրեմիեր Լիգա
2023-24	1-րդ
Տան դաշտ Մրցակցի դաշտ Երրորդ համազգեստ

2003 թվականից ի վեր ակումբը խաղում է Սիթի օֆ Մանչեսթեր մարզադաշտում, իսկ մինչ այդ՝ 1923 թվականից խաղացել է Մեյն Ռոուդ մարզադաշտում։

«Մանչեսթեր Սիթին» միացել է Ֆուտբոլային լիգային 1892 թվականին և նվաճել իր առաջին մեծ պարգևը՝ Անգլիայի գավաթը 1904 թվականին: Ակումբի առաջին ամենահաջող շրջանը եղել է 1960-ականների վերջին և 1970-ականների սկզբին, երբ այն նվաճել է ՈՒԵՖԱ Գավաթակիրների գավաթը, Անգլիայի գավաթը, Անգլիայի Լիգայի Գավաթը։ Թիմն այդ ժամանակ կառավարում էին Ջո Մերսերը և Մալքոլմ Էլիսոնը։ Պարտվելով 1981 թվականի Անգլիայի գավաթի եզրափակիչում՝ ակումբը հայտնվել է անկման եզրին, իսկ 1998 թվականից 3 տարի շարունակ խաղացել է Անգլիայի երրորդ դիվիզիոնում։ Նրանք 2001-2002 մրցաշրջանում վերականգնել են առաջխաղացումը բարձրագույն խմբի առաջնությունում և 2002-2003 թվականներ Պրեմիեր լիգայից հետո շարունակում են լինել դրա անբաժան մասը։

2011 թվականից «Մանչեսթեր Սիթին» հաղթել է 5 մեծ տիտղոս՝ ներառյալ Պրեմիեր Լիգան 2011-2012 և 2013-2014 մրցաշրջաններում։

Ակումբը նվաճել է Անգլիայի 10 լիգայի տիտղոս, յոթ Անգլիայի գավաթ, ութ լիգայի գավաթ, վեց Ֆուտբոլի Անգլիայի Սուպերգավաթ, մեկ ՈՒԵՖԱ Չեմպիոնների լիգա, մեկ Եվրոպայի գավաթակիրների գավաթ, մեկ ՈՒԵՖԱ Սուպեր գավաթ և մեկ ՖԻՖԱ-ի Աշխարհի ակումբային առաջնություն:

2008 թվականին Շեյխ Մանսուր բին Զայեդ Ալ Նահյանը ակումբը գնել է Abu Dhabi United Group ընկերության միջոցով, որի արդյունքում ակումբը դարձել է համաշխարհային ֆուտբոլի ամենահարուստ ակումբերից մեկը և սկսվել է ակումբի աննախադեպ հաջողության նոր դարաշրջան: «Մանչեսթեր Սիթիի» ներկայիս գլխավոր մարզիչը Խոսեպ Գվարդիոլան է։

«Մանչեսթեր Սիթին» հաղթել է Պրեմիեր լիգան 2018 թվականին՝ դառնալով մրցումների պատմության միակ թիմը, որը մեկ մրցաշրջանում վաստակել է 100 միավոր։ 2018-2019 մրցաշրջանում նրանք նվաճել են չորս տիտղոս՝ կատարելով Անգլիայի բոլոր ներքին տիտղոսների աննախադեպ ամփոփումը և դառնալով անգլիական տղամարդկանց առաջին թիմը, որը նվաճել է ներքին թրեբլը։ Դրան հաջորդել են Պրեմիեր լիգայի չորս անընդմեջ տիտղոսներ 2020-2021, 2021-2022, 2022-2023 և 2023-2024 մրցաշրջաններում, ինչպես նաև ակումբի պատմության մեջ առաջին Չեմպիոնների լիգայի եզրափակիչը 2021 թվականին, որը նրանք պարտվեցին «Չելսիին»։ 2022-2023 մրցաշրջանում «Մանչեսթեր Սիթին» նվաճել է իր առաջին Եվրոպական գավաթը և ավարտել մայրցամաքային թրեբլը, դառնալով երկրորդ անգլիական ակումբը, որը դա անում է։ Ակումբը զբաղեցնում է առաջին տեղը ՈՒԵՖԱ-ի վարկանիշային աղյուսակում 2023 թվականի դրությամբ:

2022 թվականին Ֆորբսի գնահատմամբ ակումբը վեցերորդն է աշխարհի ամենաթանկարժեք ակումբների շարքում:

Նվաճումներ

Ազգային

• Անգլիայի առաջին դիվիզիոն/Պրեմիեր Լիգա
  • Հաղթող (10). 1936–37, 1967–68, 2011–12, 2013–14, 2017-18, 2018-19, 2020-21, 2021-22, 2022-23, 2023-24
  • Փոխչեմպիոն (6). 1903-04, 1920-21, 1976-77, 2012-13, 2014-15, 2019-20
• Անգլիայի երկրորդ դիվիզիոն/Չեմպիոնշիպ
  • Հաղթող (7). 1898–99, 1902–03, 1909–10, 1927–28, 1946–47, 1965–66, 2001–02
• Անգլիայի երրորդ դիվիզիոնի փլեյ օֆֆ
  • Հաղթող (1). 1998–99
• Անգլիայի գավաթ
  • Հաղթող (5). 1903–04, 1933–34, 1955–56, 1968–69, 2010–11
• Անգլիայի Լիգայի գավաթ
  • Հաղթող (4). 1969–70, 1975–76, 2013–14, 2015–16
• Անգլիայի սուպերգավաթ
  • Հաղթող (4). 1937, 1968, 1972, 2012

Միջազգային

• ՈՒԵՖԱ Գավաթակիրների գավաթ
  • Հաղթող (1). 1969

ՈւԵՖԱ Չեմպիոնների լիգայի հաղթող (1) 2022֊23

Արտաքին հղումներ

• «Մանչեսթեր Սիթիի» պաշտոնական կայք (անգլ.)
• Մանչեսթեր Սիթիի մասին տեղեկություն Պրեմիեր Լիգայի հայալեզու կայքում (հայ.)
• Ակումբի երկրպագուների կայք Արխիվացված 2018-04-11 Wayback Machine (անգլ.)

Վիքիպահեստն ունի նյութեր, որոնք վերաբերում են «Մանչեսթեր Սիթի» հոդվածին։