Մատրյոշկա (ֆիլմ)

Անվան այլ կիրառումների համար տե՛ս՝ Մատրյոշկա (այլ կիրառումներ)

Մատրյոշկա (գերմ.՝ Matrjoschka), ռեժիսոր Կարին Հյորլերի 2006 թվականի վավերագրական ֆիլմ։ Ֆիլմը երեք տարի շարունակ կինեմատոգրաֆիայի պատմության մեջ եղել է ամենատևականը (5700 րոպե՝ 95 ժամ), մինչև որ 2009 թվականին թողարկվեց «Սինեմատոն» ֆիլմը։ «Մատրյոշկան» չունի հնչյունավորում։

Մատրյոշկա գերմ.՝ Matrjoschka
Երկիր	Գերմանիա
Ժանր	վավերագրական ֆիլմ
Թվական	2006
Ռեժիսոր	Կարին Հյորլեր
Տևողություն	5700 րոպե

Դիպաշար

Ֆիլմն իրենից ներկայացնում է լուսանկարների հերթագայություն։ Նկարներում պատկերված են հեծանիվով ընթացող տղա, փողոց, տներ, ավտոտնակներ և երկինք։ Ժամանակի ընթացքում նկարները փոքր-ինչ փոխվում են, բայց դրանց փոփոխությունն անզեն աչքով աննկատելի է։

Ցուցադրություն

Առաջին ցուցադրությունը կայացել է Գերմանիայի Մայնի Ֆրանկֆուրտ քաղաքի «Լյումինել 2006» փառատոնի ընթացքում։ Ցուցադրությունն սկսվել է 2006 թվականի ապրիլի 23-ին առավոտյան ժամը 6-ին և ավարտվել ապրիլի 28-ի գիշերվա ժամը 1-ին (ընթացքում արվել է ընդմիջում գիշերվա ժամը 1-ից մինչև առավոտյան 6-ը)։ Ցուցադրությունն անցկացվել է բացօթյա 100 մ² մակերեսով լուսակիսահաղորդչային էկրանով։ Ներկայումս ֆիլմը հասանելի է միայն DVD-ի wmv ձևաչափով։

Տես նաև

• Ամենաերկար ֆիլմերի ցանկ

Արտաքին հղումներ

• «Մատրյոշկա»(անգլ.) ֆիլմը Internet Movie Database կայքում
• Կայացած ցուցադրության մասին faz.net կայքում
• Ֆիլմը ծրագիրը «Լյումինել 2006» փառատոն ժամանակ Արխիվացված 2011-07-20 Wayback Machine
• Իր ֆիլմի մասին պատմում է ռեժիսոր և պրոդյուսեր Կարին Հյորլերը
• http://light-building.messefrankfurt.com/frankfurt/de/fakten_bilder-detail.html?guid=mf_ddsp147_8178 Արխիվացված 2008-10-12 Wayback Machine
• http://light-building.messefrankfurt.com/frankfurt/de/fakten_1744.html Արխիվացված 2008-10-12 Wayback Machine