Մարգարիտը թագի մեջ
«Մարգարիտը թագի մեջ» (լեհ.՝ Perła w koronie), լեհական դրամատիկական ֆիլմ, որը նկարահանել է ռեժիսոր Կազիմեժ Կուցը, 1972 թվականին։ Նույն թվականին այն ներկայացվել է Կաննի կինոփառատոնին[3]։ Ֆիլմը լեհական կողմից ներկայացվել է նաև Օսկարի 45-րդ մրցանակաբաշխության Լավագույն օտարալեզու ֆիլմ անվանակարգին, սակայն մասնակցության հայտը մերժվել է[4]։
 լեհ.՝ Perła w koronie | |
|---|---|
| Երկիր |  Լեհաստան |
| Ժանր | դրամա |
| Թվական | 1972 |
| Լեզու | լեհերեն |
| Ռեժիսոր | Kazimierz Kutz?[1][2] |
| Սցենարի հեղինակ | Kazimierz Kutz? |
| Դերակատարներ | Olgierd Łukaszewicz?[1], Յան Էնգլերտ, Ֆրանտիշեկ Պեչկա և Մարիան Օպանյա[1] |
| Օպերատոր | Stanisław Loth? |
| Երաժշտություն | Վոյցեխ Կիլյար |
| Մոնտաժ | Irena Choryńska? |
| Տևողություն | 111 րոպե |
| Նախորդ | Salt of the Black Earth? |
| Հաջորդ | The Beads of One Rosary? |
Սյուժե
խմբագրելՖիլմի գործողությունները տեղի են ունենում 1934 թվականի օգոստոսին, Վերին Սիլեզիայի լեհական հատվածում։ Ֆիլմը պատմում է հորինված «Զիգմունտ» հանքում գործադուլի պատմության մասին։ Երիտասարդ հանքափոր Յասն ապրում է կնոջ ու երկու փոքրիկ տղաների հետ։ Մի անգամ նա իմանում է, որ որոշվել է հանքը փակել՝ այն ջրով հեղեղելու միջոցով։ Գործադուլ է սկսվում։ Ընտանիքներն օգնում են ցուցարարներին, չնայած նրան, որ հանքը շրջապատված է ոստիկանական ուժերով։ Կառավարությանն ուղղված դիմումներն առանց պատասխան են մնում, հանքի ղեկավարությունը դիմադրում է, ինչի արդյունքում հանքափորները դիմում են հացադուլի։ Ի պատասխան դրան՝ ոստիկանությունը բռնի ուժով ցրում է ցույցը։ Վճռական հանքափորները որոշում են շարունակել գործադուլը հողի տակ՝ չնայած հանքի փլման անխուսափելի վտանգին, ինչը նախատեսված էր նախնական պլանով։ Ի վերջո, ղեկավարությունն ու աշխատակիցները համաձայնության են գալիս, հանքափորները դուրս են գալիս ու վերադառնում են իրենց ընտանիքների մոտ։
Դերասանական կազմ
խմբագրել- Լյուցիա Կովոլիկ՝ Վիտկա
- Օլգերդ Լուկաշևիչ՝ Յաս
- Յան Էնգլերտ՝ Էրվին Մալինոկ
- Ֆրանցիշեկ Պեչկա՝ Խուբերտ Սերշա
- Եժի Ցնոտա՝ Ավգուստ Մոլ
- Բերնարդ Կրավչիկ՝ Ֆրանցիշեկ Բուլա
- Տադեուշ Մադեա՝ Օհման
- Հենրիկ Մարուշիկ՝ Ալոյզ Գրուդնեկ
- Մարիան Օպանիա՝ Ալբերտ
- Յեժի Սիվի՝ Միլենդա
Ծանոթագրություններ
խմբագրել- ↑ 1,0 1,1 1,2 http://stopklatka.pl/film/perla-w-koronie
- ↑ http://www.imdb.com/title/tt0069078/
- ↑ «Festival de Cannes: Pearl in the Crown». festival-cannes.com. Արխիվացված օրիգինալից 2012 թ․ սեպտեմբերի 25-ին. Վերցված է 2009 թ․ ապրիլի 14-ին.
- ↑ Margaret Herrick Library, Academy of Motion Picture Arts and Sciences