Մարգարտե ականջօղով աղջիկը

Անվան այլ կիրառումների համար տե՛ս՝ Մարգարտե ականջօղով աղջիկը (այլ կիրառումներ)

«Մարգարտե ականջօղով աղջիկը» (հոլ.՝ Het meisje met de parel), հոլանդացի հայտնի նկարիչ Յան Վերմերի յուղանկարը։ Կտավում աղջիկ է, որը կրում է գլխաշոր և բավականին մեծ մարգարտե ականջօղ։ Նկարն ընդգրկված է եղել Մաուրիցհեյսի հավաքածուում սկսած 1902 թվականից։ 2006 թվականին հանրային ընտրությամբ այն համարվել է Նիդերլանդների ամենագեղեցիկ կտավը։ Նկարը հաճախ անվանում են «Հյուսիսային կամ հոլանդական Մոնա Լիզա»։

Մարգարտե ականջօղով աղջիկը
տեսակ	գեղանկար
նկարիչ	Յան Վերմեեր
տարի	մոտ 1665
բարձրություն	44,5 սանտիմետր
լայնություն	39 սանտիմետր
ուղղություն	հոլանդական գեղանկարչության ոսկե շրջան և բարոկկո
ժանր	tronie?
նյութ	յուղաներկ և կտավ
գտնվում է	Մաուրիցհեյս
հավաքածու	Մաուրիցհեյս
սեփականատեր	Մաուրիցհեյս
մակագրություն	IVMeer
պատկերված են աղջիկ, մարգարիտ, ականջօղ, շարֆ և գեղեցկություն
https://www.wga.hu/html/v/vermeer/03b/22pearl.html, https://www.wga.hu/html/v/vermeer/03b/22pearl1.html, https://www.wga.hu/html/v/vermeer/03b/22pearl2.html, https://www.mauritshuis.nl/en/our-collection/artworks/670-girl-with-a-pearl-earring/, http://www.essentialvermeer.com/catalogue/girl_with_a_pearl_earring.html կայք
Ծանոթագրություններ
Girl with a Pearl Earring by Johannes Vermeer Վիքիպահեստում

Նկարագրություն

Կտավը համարվում է թրոնի։ 17-րդ դարի հոլանդական «գլխի» տարբերակը, որը չպետք է լիներ դիմանկար։ Նկարում պատկերված է եվրոպացի աղջիկ, որը կրում է էկզոտիկ հանդերձանք, գլխաշոր և անհավանական մեծ մարգարտե ականջօղ։ 2014 թվականին հոլանդացի աստղաֆիզիկոս Վինսենթը առաջ է բերել վարկած, որ աղջկա ականջօղը ոչ թե մարգարտե է, այլ անագե , ելնելով նրա չափերից և փայլից։ Ըստ որոշ աղբյուրների կտավը պատկերվել է 1665 թվականին։

1994 թվականին աղջկա հայացքը և գունային գամմաները շտկվել են, որի ընթացքում կտավի վրա աշխատողները նկատել են, որ կտավի ֆոնը ոչ թե պետք լիներ սև, այլ մուգ կանաչ։

Նկարի սեփականատիրություն

Վիկտոր դը Ստյուարի խորհրդով, ով խուսափում էր նկարը Նիդերլանդներից դուրս վաճառելուց, առաջարկում է նկարը հանել աճուրդի Հաագայում 1881 թվականին։ Առնոլդ Անդրե դես Թոմբը նկարը ձեռք է բերում աճուրդում, սակայն հետագայում ընդամենը երկու գիլդերով և երեսուն ցենտով։ Դը Թոմբը ժառանգներ չուներ և կտավը կտակում է Մաուրիցհեյսին 1902 թվականին։ 2012 թվականին մաս կազմելով ցուցադրության կտավը տեղափոխվում է Ճապոնիա, ապա ԱՄՆ՝ Ատլանտա, Սան Ֆրանցիսկո և Նյու Յորք, ապա ցուցադրվում Բոլոնյայում։ 2014 թվականի հունիսին կտավը վերադառնում է թանգարան և հայտարարվում է, որ մոտ ապագայում այն չի լքի Մաուրիցհեյսը։

Մշակութային ազդեցություն

1999 թվականին Թրեյսի Շեվալիերը գրում է պատմական նովել, որտեղ ներկայացնում է պատմություն Յան Վերմեր և իր սպասուհու Գրետայի կապի մասին։ Յանը վարձում է Գրետային, որպեսզի նա հանդիսանա կտավի բնորդը, իր հագին կրելով Վերմերի կնոջ մարգարտյա ականջօղերը։ Նովելի հիման վրա 2003 թվականին նկարվում է կտավի համանուն ֆիլմը, որտեղ Գրետային մարմնավորում է Սքարլեթ Յոհանսոնը։ Ստանձնելով Գրետայի դերը Սքարլեթը նոմինացվել է Ոսկե Գլոբուսի և ԲԱՖՏԱ-ի հեղինակավոր մրցանակներին։ Իսկ 2008 թվականին նովելի հիման վրա ներկայացում է ցուցադրվում։

Ծանոթագրություն

Վիքիպահեստն ունի նյութեր, որոնք վերաբերում են «Մարգարտե ականջօղով աղջիկը» հոդվածին։