Մարդու միայնակ ձայնը
«Մարդու միայնակ ձայնը» (ռուս.՝ «Одинокий голос человека»), գեղարվեստական ֆիլմ[1][2][3], որը նկարահանել է ռեժիսոր Ալեքսանդր Սոկուրովը Յուրի Արաբովի սցենարով 1978 թվականին (էկրան է բարձրացել 1987 թվականին)։ Ֆիլմը նկարահանվել է ՎԳԻԿ-ի ուսումնական ստուդիայում և ինստիտուտի ղեկավարության կողմից դատապարտվել ոչնչացման։ Սակայն օպերատոր Յուրիզդիցկին գաղտնի փոխել է ժապավենը և այն հանել ՎԳԻԿ-ի ֆիլմապահոցից, ինչի շնորհիվ այն փրկվել է և ի վերջո էկրան է բարձրացել նկարահանումներից տասը տարի անց[4]։ Ալեքսանդր Սոկուրովի և Յուրի Արաբովի դեբյուտային կինոնկարն է։
 ռուս.՝ Одинокий голос человека | |
|---|---|
| Երկիր |  ԽՍՀՄ |
| Ժանր | դրամա |
| Թվական | 1978 |
| Լեզու | ռուսերեն |
| Ռեժիսոր | Ալեքսանդր Սոկուրով |
| Սցենարի հեղինակ | Յուրի Արաբով |
| Դերակատարներ | Lilya Yacovleff? և Նիկոլայ Կոչեգարով |
| Օպերատոր | Սերգեյ Յուրիզդիցկի |
| Երաժշտություն | Քշիշտոֆ Պենդերեցկի |
| Կինոընկերություն | Լենֆիլմ |
| Տևողություն | 87 րոպե |
Ֆիլմի սցենարը ստեղծվել է Անդրեյ Պլատոնովի «Պոտուդան գետը», «Սրբազան մարդը» (ռուս.՝ «Сокровенный человек»), «Վարպետի ծագումը» (ռուս.՝ «Происхождение мастера») ստեղծագործությունների հիման վրա։
Սյուժե
խմբագրելԿարմիրբանակային Նիկիտա Ֆիրսովը Ռուսաստանի հեռավոր նահանգից քաղաքացիական պատերազմի ավարտից հետո վերադառնում է տուն։ Պատերազմի սարսափներից հետո վերադառնալով կյանք՝ տղան սիրահարվում է բժշկական ինստիտուտի ուսանող Լյուբային։ Նիկիտան փորձում է ամեն ինչ անել Լյուբայի բարօրության համար։ Բարոյական, բայց շատ միայնակ մարդիկ դժվար ուղի են անցնում սիրո ճանապարհով։ Ֆիլմում տեսարան է հայտնվում Անդրեյ Պլատոնովի մեկ այլ ստեղծագործությունից՝ «Չևենգուր» վեպից․ դա ձկնորսի՝ Սաշա անունով տղայի հոր մահացու փորձի տեսարանն է, որի ընթացքում ձկնորսը կապում է իր ոտքերը և խեղդվում։ Ձկնորսի դերը խաղացել է ինքը՝ Սոկուրովը. կերպարը չի հայտնվում էկրանին, միայն լսվում է նրա ձայնը։
Դերերում
խմբագրել- Անդրեյ Գրադով[5] – Նիկիտա, կարմիրբանակային
- Տատյանա Գորյաչևա – Լյուբա
- Վլադիմիր Դեգտյարյով – Նիկիտայի հայրը
- Նիկոլայ Կոչեգարով – գրանցման գրասենյակում աշխատող (նորամուտը կինոյում)
- Սերգեյ Շուկայլո – երիտասարդ վանական
- Վլադիմիր Գլադիշև – ձկնորս
- Լյուդմիլա Յակովլևա – Լյուբայի մայրը
- Իվան Նեգանով – շուկայի պահակ
- Եվգենիա Վոլկովա – պահակ
- Իրինա Ժուրավլյովա – Ժենյա, Լյուբայի ընկերուհին
- Դմիտրի Իվանովիչ (Ալեքսանդր Նիկոլաևիչ Սոկուրովի ձայնը կադրից դուրս)
Նկարահանող խումբ
խմբագրել- Ռեժիսոր՝ Ալեքսանդր Սոկուրով
- Սցենարիստ՝ Յուրի Արաբով
- Օպերատոր՝ Սերգեյ Յուրիզդիցկի
- Նկարիչներ՝ Վ. Լեբեդև, Լուցիա Լոչմելե
- Երաժշտություն Քշիշտոֆ Պենդերեցկու, Օտմար Նուսիոյի, Ա. Բուրդովի, Գ. Սոմերսի ստեղծագործություններից (դիրիժոր՝ Գենադի Նիկոլաևիչ Ռոժդեստվենսկի)
- Հնչյունային օպերատոր՝ Իրինա Ժուրավլյովա
- Մոնտաժող՝ Լիդիա Սեմյոնովա[6]
Մրցանակներ
խմբագրել- Լենինգրադի կինոակումբների մրցանակ «Լենինգրադի երիտասարդ կինո» կինոփառատոնում (1987)
- «Բրոնզե ընձառյուծ» գրան պրի Լոկառնոյի 40-րդ միջազգային կինոփառատոնում, Շվեյցարիա (1987)
- Դիպլոմ Տորոնտոյի և Օնտարիոյի փառատոններում, Կանադա (1988)
Ծանոթագրություններ
խմբագրել- ↑ «The Lonely Voice of Man (aka The Lonely Human Voice). 1978–87. Directed by Aleksandr Sokurov | MoMA». The Museum of Modern Art (անգլերեն). Վերցված է 2023 թ․ մայիսի 13-ին.
- ↑ «Одинокий голос человека». Արխիվացված է օրիգինալից 2001 թ․ օգոստոսի 28-ին. Վերցված է 2023 թ․ մայիսի 29-ին.
- ↑ Anastasia Leshchenko (2004). «Мне интересна жизнь сама по себе» (ռուսերեն). Киноведческие записки. Վերցված է 2016 թ․ հունվարի 17-ին.
- ↑ Анастасия Лещенко (2004). «Сергей ЮРИЗДИЦКИЙ: Мне интересна жизнь сама по себе» (ռուսերեն). журнал «Киноведческие записки». Արխիվացված օրիգինալից 2017 թ․ հունվարի 29-ին. Վերցված է 2016 թ․ հունվարի 17-ին.
- ↑ «Մարդու միայնակ ձայնը» ֆիլմը kino-teatr.ru կայքում
- ↑ «Մարդու միայնակ ձայնը» ֆիլմը kinopoisk.ru կայքում
Գրականություն
խմբագրել- Российский иллюзион / Л. М. Будяк;. — Москва: ООО «Издательская фирма Материк», 2003. — С. 567—572. — 732 с. — ISBN 5-85646-100-2
Արտաքին հղումներ
խմբագրել- Ֆիլմը YouTube-ումԱրխիվացված 2016-03-09 Wayback Machine