Փիփերթազգիներ

Փիփերթազգիներ
Դասակարգում
Թագավորություն	Բույսեր (Plantae)
Ենթաթագավորություն	Viridiplantae
Ինֆրաթագավորություն	Streptophyta
Վերնաբաժին	Բարձրակարգ բույսեր (Embryophytes)
Տիպ/Բաժին	Անոթավոր բույսեր (Tracheophytes)
Ենթատիպ	Սերմնավոր բույսեր (Spermatophytes)
Կարգ	Փիփերթածաղկավորներ (Malvales)
Ընտանիք	Փիփերթազգիներ (Malvaceae) Juss., 1789

Փիփերթազգիներ կամ մոլոշազգիներ (լատին․՝ Malvaceae) ծածկասերմ բույսերի երկշաքիլավորների ընտանիքից։

Ձևաբանություն

Խոտաբույսեր են, թփեր և ծառեր։ Տերևները պարզ են, ամբողջական կամ բլթակավոր, ունեն տերևակիցներ։ Ծաղիկները ծոցային են և մեկական կամ գագաթնային ծաղկաբույլերով, կանոնավոր, երկսեռ, երբեմն կոկոնը պատող խոշոր ծաղկակիցներով (ենթաբաժակով)։ Բաժակը հաճախ ձուլաթերթ է, պսակը՝ հնգաբաժան, պսակաթերթերը կոկոնի մեջ ոլորված են։ Առէջները շատ են, 2 շրջանով, արտաքին շրջանը քիչ առէջներից է կազմված, ներքինը՝ ընդհակառակը, իրենց թելիկներով՝ փնջերով միաձուլված է բազմաթիվ առէջներից։ Պտղաթերթերը 5-ն են կամ շատ, միաձուլված, կազմում են վերնադիր սերմնարան։ Պտուղը բազմասերմ տուփիկ է, կամ պտղաթերթերն իրարից անջատվելու հետևանքով տրոհվող են։ Մեծ ընտանիք է, գործնականապես շատ արժեքավոր է։

Ցեղեր

Ցեղերից են՝

• Փիփերթ Malva։ Բազմամյա և միամյա խոտաբույսեր են։ Պտուղը բազմաբաժան կուտ է։ Որոշ տեսակներ մոլախոտեր են։
• Բաղրջուկ Hibiscus - Միամյա և բազմամյա խոտաբույսեր են և թփեր։
• Բամբակ Grossypium: - Ծառեր և թփեր են։ Մշակության մեջ օգտագործվում են միայն կյանքի առաջին տարում և այդ պատճառով էլ սխալմամբ համարվում են միամյա։

Վիքիցեղերն ունի նյութեր, որոնք վերաբերում են «Փիփերթազգիներ» հոդվածին։

Վիքիպահեստն ունի նյութեր, որոնք վերաբերում են «Փիփերթազգիներ» հոդվածին։