Յոհան Բատիստ Ենգեր
Յոհան Բատիստ Ենգեր (գերմ.՝ Johann Baptist Jenger, մարտի 23, 1793, Էրենկիրհեն - մարտի 30, 1856, Վիեննա, Ավստրիական կայսրություն), ավստրիացի երաժիշտ, կոմպոզիտոր։
| Յոհան Բատիստ Ենգեր | |
|---|---|
| Ծնվել է | մարտի 23, 1793 Էրենկիրհեն |
| Երկիր |  Ավստրիա |
| Մահացել է | մարտի 30, 1856 (63 տարեկան) Վիեննա, Ավստրիական կայսրություն |
| Մասնագիտություն | կոմպոզիտոր և դաշնակահար |
| Գործիքներ | դաշնամուր |
Ֆրանց Շուբերտի ընկերն է։
Կենսագրություն
խմբագրել
Շնորհիվ իր հայրիկի ծանոթ՝ ավստրիացի ֆելդմարշալ Կարլ Ֆիլիպ ցու Շվարցենբերգի միջնորդության, 1818-1825 թվականներին ընդունվում է աշխատանքի Գրացի Կայսերական դաշտային գրասենյակում՝ որպես պետական պաշտոնյա (չինովնիկ)[1]։
Վիրտուոզ-դաշնակահարը և երգեհոնահարն իր ողջ ազատ ժամանակը նվիրում էր Ավստրիայում ժամանակակից երաժշտության զարգացմանը[1]։
Ակտիվ մասնակցություն է ունենում Շտիրի հերցոգության երաժշտական գործունեության մեջ՝ լինելով քարտուղարը[1]։
Վիեննա տեղափոխվելուց հետո ղեկավարել է տեղական երաժշտական ակումբի գործունեությունը։ Ավելի ուշ դարձել է վիեննացի երաժշտասերների համայնքի (գերմ.՝ Gesellschaft der Musikfreunde) անդամ[1]։
Նվագակցությամբ հանդես է եկել Շուբերտի ընկեր, նրա երգերի լավագույն կատարող բարոն Կարլ ֆոն Շոյնշտեյնի (1797—1876) հետ[1]։
Լինելով Ֆրանց Շուբերտի երաժշտության երկրպագուն՝ Էնգերը, Վիեննայում գտնվելու ժամանակ, հանդիպել է նրան ու դարձել վերջինիս ընկերը։ Շուբերտի վաղաժամ մահից (1828 թվական) հետո Էնգերը Վիեննայի Սուրբ Ավգուստին եկեղեցում կազմակերպել է հոգեհանգստի արարողություն։ Կոմպոզիտորի գերեզմանի վրա հուշարձան կառուցելու նպատակով կազմակերպել է ստորագրահավաք[1]։
Իր մտերիմ ընկեր, կոմպոզիտոր Անսելմ Հյութենբրեների կենսագրական ակնարկի հեղինակն է[1]։ Նրանց ընկերական շրջապատից էր պատկերազարդող Յոզեֆ Թելչերը[1]։