Յուրի Մեչիտով
Յուրի Միքայելի Մեչիտով (մայիսի 10, 1950, Թբիլիսի, Վրացական ԽՍՀ, ԽՍՀՄ), վրացահայ լուսանկարիչ, վավերագրող, մանկավարժ։ 12 տարի եղել է Սերգեյ Փարաջանովի կողքին և լուսանկարել այն ամենը, ինչ առնչվել է կինոռեժիսորին։
| Յուրի Մեչիտով | |
|---|---|
| Ծնվել է | մայիսի 10, 1950 (74 տարեկան) |
| Ծննդավայր | Թբիլիսի, Վրացական ԽՍՀ, ԽՍՀՄ |
| Քաղաքացիություն |  ԽՍՀՄ և  Վրաստան |
| Կրթություն | Վրաստանի տեխնիկական համալսարան |
| Մասնագիտություն | լուսանկարիչ |
| Կայք | mechitov.net |
Կենսագրություն
խմբագրել
Յուրի Միքայելի Մեչիտովը ծնվել է 1950 թվականի մայիսի 10-ին Թբիլիսի քաղաքում։ Լուսանկարել սկսել է 8 տարեկանից[1]։
1972 թվականին ավարտել է Վրաստանի պոլիտեխնիկական ինստիտուտը, լեռնային ինժեներ է։
Առաջին ցուցահանդեսը տեղի է ունեցել Թբիլիսիում 1979 թվականին։ Աշխատել է հիմնականում վավերագրական ժանրում։ Նրա ուսուցիչներն էին նկարիչ Մարկ Պոլյակովը, ռեժիսոր Սերգեյ Փարաջանովը, Վլադիմիր Պիչխաձեն[2]։
Յուրի Մեչիտովը մեծ կինոռեժիսոր Սերգեյ Փարաջանովի բազմաթիվ դիմանկարների հեղինակ է։ Նա աշխատել է որպես լուսանկարիչ ֆիլմերի նկարահանման հրապարակում, 12 տարի նկարահանել է ռեժիսորին և ստեղծել «Սերգեյ Փարաջանով։ Երկխոսության քրոնիկոն» գիրք-ֆոտոալբոմը։ Մեչիտովը լուսանկարել է նաև Փարաջանովի բազմաթիվ ընկերներին և հյուրերին, այդ թվում՝ Անդրեյ Տարկովսկուն, Մարչելո Մաստրոյանիին, Տոնինո Գուերրայինն, Մայա Պլիսեցկայային և այլոց[3]։
Յուրի Մեչիտովը Վրաստանում լուսանկարչության պատմության վերաբերյալ ալբոմի հեղինակներից ու կազմողներից է, իսկ նրա լուսանկարչական դպրոցը Թբիլիսիի այցեքարտ է[3]։
«Հին Թբիլիսիի» Շարդեն փողոցում տեղադրված Սերգեյ Փարաջանովի հուշարձանը քանդակագործ Վաժա Միքաբերիձեն կերտել է Յուրի Մեչիտովի լուսանկարի հիման վրա[4]։
2012 թվականին Յուրի Մեչիտովը եղել է Վրաստանի մշակույթի և հուշարձանների պահպանության նախարարի տեղակալ[5]։
Ցուցահանդեսներ
խմբագրելՅուրի Մեչիտովն անցկացրել է 20 անհատական և 50 խմբակային ցուցահանդեսներ Վրաստանում և արտերկրում[1]։
Պատկերասրահ
խմբագրել- Սերգեյ Փարաջանովը՝ Յուրի Մեչիտովի լուսանկարներում
-
-
Ծանոթագրություններ
խմբագրել- ↑ 1,0 1,1 «Мечитов Юрий Михайлович».
- ↑ «101 портрет в объективе Юрия Мечитова». Эхо Кавказа (ռուսերեն). Վերցված է 2021 թ․ հուլիսի 24-ին.
- ↑ 3,0 3,1 «Юрий Мечитов. «Параджанов – территория свободы»». Ельцин Центр (ռուսերեն). Վերցված է 2021 թ․ հուլիսի 24-ին.
- ↑ «Параджанова в Тбилиси не "сберегли", или Как улетел сумасшедший гений».
- ↑ «იური მეჩითოვი (1950)». www.nplg.gov.ge. Վերցված է 2021 թ․ հուլիսի 25-ին.
Երկեր
խմբագրել- Мечитов Юрий "Сергей Параджанов. Хроника диалога". Тбилиси 2009. ISBN 978-9941-0-1754-4