Նանա (ֆիլմ, 2011)
«Նանա» (ֆր.՝ Nana), ֆրանսիական գեղարվեստական ֆիլմ, դրամա՝ նկարահանված 2011 թվականին։ Ռեժիսոր Վալերի Մասադյանի առաջնելույթն է։ 2011 թվականի լավագույն առաջնելույթներից է[1]։
 ֆր.՝ Nana | |
|---|---|
| Երկիր |  Ֆրանսիա |
| Ժանր | գեղարվեստական ֆիլմ դրամա |
| Թվական | 2011 |
| Լեզու | ֆրանսերեն |
| Ռեժիսոր | Վալերի Մասադյան |
| Պրոդյուսեր | Սոֆի Էրբս |
| Սցենարի հեղինակ | Վալերի Մասադյան |
| Կինոընկերություն | Gaïjin |
| Տևողություն | 68 րոպե |
| Պարգևներ | «Արծաթե ծիրան» |
| Անվանակարգ | «Հայկական համայնապատկեր» անվանակարգում |
Ֆիլմի մասին
խմբագրել«Նանա» ֆիլմը լուսանկարիչ Վալերի Մասադյանի առաջին ռեժիսորական աշխատանքն է։ 2011-2012 թվականներին ֆիլմը մասնակցել է մի շարք միջազգային կինոփառատոնների, որոնցում արժանացել է մրցանակների և պարգևների։ Լոկարնոյի փառատոնում ֆիլմը հաղթող է ճանաչվել «Լավագույն առաջնելույթ» անվանակարգում[2]։ 2012 թվականի «Ոսկե ծիրան» միջազգային կինոփառատոնում ֆիլմը ներկայացվել է «Հայկական համայնապատկեր» անվանակարգում և շահել «Արծաթե ծիրան» երկրորդ մրցանակը։ Ռեժիսորը խոստովանել է, որ ողջ ֆիլմը դերասանների իմպրովիզացիա է, իսկ սցենարը, որպես այդպիսին, գրված է եղել բավականին սեղմ, և հիմնական նպատակը եղել է ֆինանսավորման ապահովումը։ Ֆիլմի մասին խոսելով Վալերի Մասադյանը նշում է[3]։
|
Ես ուզում էի, որ ֆիլմը նկարահանվի այնպիսի տեղերում, որտեղից և ես եմ։ Գյուղում, որտեղ երեխան պաշտպանված է ոչ ավելի, քան քաղաքի երեխաները։ Երեխաները, որոնք մեծանում եմ գյուղական շրջաններում, կյանքի մասին իմանում են ավելին, քան քաղաքի երեխաները։ Բացի դրանից, ես ուզում էի նկարահանել հողը և մարդկանց, որոնք ապրում ու աշխատում են այնտեղ։ Նրանց բոլորի համար, ի տարբերություն քաղաքաբնակների, դեռևս կա ընդհանրության զգացողություն, ինչը շատ կարևոր է ինձ համար։ | 
|
Սյուժե
խմբագրելՖիլմի սյուժեն ծավալվում է Նանա անունով 4 տարեկան փոքր աղջնակի շուրջը, որն ապրում է մայրիկի հետ, պապիկի խոզաբուծարանում։
Դերասաններ և դերեր
խմբագրել| Դերակատար | Դեր |
|---|---|
| Կալինա Լեկոմտե | Նանա |
| Մարի Դելմաս | Մայր |
| Ալեն Սարբաս | պապիկ |
Մեկնաբանություններ
խմբագրելՔննադատները ֆիլմին դրական են վերաբերվել։ «Նյու Յորք Թայմս» օրաթերթի տեսաբան Ժանետա Կացուլիսը գրախոսությունն ամփոփելիս՝ նշում է[4]։
|
|
Իր տեսախցիկի լռության և ընկալման ճկունության միջոցով սովորական պատմությունը նա վերածում է անարատության խտացած դիմանկարի, որը հավասարակշռում է հասկացողության սահմանը։ |
|
Մրցանակներ
խմբագրել- 2012 թվականի «Ոսկե Ծիրան» կինոփառատոնում՝ «Արծաթե ծիրան» (երկրորդ մրցանակ) «Հայկական համայնապատկեր» անվանաարգում։
- 2011 թվականին Լոկարնոյի կինոփառատոնում՝ մրցանակ լավագույն առանջնելույթ ֆիլմի համար։
Ծանոթագրություններ
խմբագրել- ↑ Craig Hubert. «The Children's Hour: Valérie Massadian on 'Nana'». interviewmagazine. Վերցված է 2018 թ․ փետրվարի 20-ին.[1](չաշխատող հղում)
- ↑ Eric J. Lyman (2011 թ․ օգոստոսի 13). «Locarno Film Festival: Argentina's 'Back to Stay' Takes the Top Prize». The Hollywood reporter. Վերցված է 2018 թ․ փետրվարի 20-ին.[2](չաշխատող հղում)
- ↑ «Valérie Massadian about Nana, out now in VOD and on DVD». International Film Festival Rotterdam. Վերցված է 2018 թ․ փետրվարի 20-ին.
- ↑ Jeannette Catsoulis (2013 թ․ հունվարի 24). «Tiny Actress, a Spare Script and Huge Revelations'Nana,' by Valérie Massadian, Enters a 4-Year-Old's World». NY Times. Վերցված է 2018 թ․ փետրվարի 20-ին.[3](չաշխատող հղում)