Նելլի Խաչատրյան
Նելլի Խաչատրյան (նոյեմբերի 25, 1935, Երևան, Հայկական ԽՍՀ, ԱԽՖՍՀ, ԽՍՀՄ), հայ լեզվաբան, գրականագետ, թարգմանիչ, Հայաստանի գրողների միության անդամ (1989)։
| Նելլի Խաչատրյան | |
|---|---|
| Ծնվել է | նոյեմբերի 25, 1935 (89 տարեկան) |
| Ծննդավայր | Երևան, Հայկական ԽՍՀ, ԱԽՖՍՀ, ԽՍՀՄ |
| Քաղաքացիություն |  Հայաստան |
| Կրթություն | ԵՊՀ հայ բանասիրության ֆակուլտետ |
| Մասնագիտություն | լեզվաբան, թարգմանչուհի և գրականագետ |
Կենսագրություն
խմբագրելՆելլի Խաչատրյանը ծնվել է 1935 թվականի նոյեմբերի 25-ին Երևան քաղաքում[1]։ Միջնակարգ կրթությունը ստացել է Երևանի Անտոն Չեխովի անվան թիվ 55 դպրոցում, որը ոսկե մեդալով ավարտել է 1955 թվականին։ 1960 թվականին գերազանցությամբ ավարտել է Երևանի պետական համալսարանի բանասիրական ֆակուլտետի ռուսական բաժինը։ 1961 թվականից դասախոսել է նույն ֆակուլտետում։
Բազմաթիվ մատենագիտական աշխատությունների հեղինակ է։ Հայկական ֆակուլտետների համար տպագրված ռուսաց լեզվի բուհական դասագրքի հեղինակ է։ Իր մասնակցությունն է ունեցել ռուսաց լեզվի և գրականության դասավանդողների միջազգային ասոցիացիայի կոնգրեսներին[2]։ Մեծ Բրիտանիայում դասավանդել է ռուսաց լեզու (1988 թվական)։ Թարգմանել է հայ դասականների և ժամանակակիցների ստեղծագործությունները, գրականագիտական և քննադատական աշխատությունները, որոնք տպագրվել են համամիութենական մամուլում[3]։
Թարգմանություններ հայերենից ռուսերեն
խմբագրել- Վահան Թամարյան, «Արյունաբանություն», Եր., 1997
- Հովհաննես Մելքոնյան, «Հեծանիվ», Մոսկվա, 1982
- Մկրտիչ Արմեն, «Հեղնար աղբյուր», Եր., 1979, 1984 (այս թարգմանությունից կատարվել են նաև ֆրանսերեն (1987 թվական) և լեհերեն (1989 թվական) թարգմանություններ)
- Րաֆֆի, «Սամվել», Եր., 1982, 1988
- Ծերենց, «Թորոս Լևոնի», Եր., 1969
Ծանոթագրություններ
խմբագրել- ↑ «ИЗ ГЛУБИНЫ ДУШИ И СЕРДЦА Феномен Нелли Арташесовны Хачатурян». golosarmenii.am. Վերցված է 2021 թ․ օգոստոսի 6-ին.
- ↑ ՆԵԼԼԻ ԽԱՉԱՏՐՅԱՆ
- ↑ ՆԵԼԼԻ ԽԱՉԱՏՐՅԱՆ