Նվարդ Պառնասյան
Նվարդ Ավետիսի Պառնասյան (հունվարի 7, 1930, Երևան - մարտի 21, 1990, Երևան, Հայկական ԽՍՀ, ԽՍՀՄ), հայ սովետական լեզվաբան։ Բանասիրական գիտությունների դոկտոր (1972), պրոֆեսոր (1981)։
Նվարդ Պառնասյան | |
|---|---|
| Ծնվել է | հունվարի 7, 1930 Երևան |
| Մահացել է | մարտի 21, 1990 (60 տարեկան) Երևան, Հայկական ԽՍՀ, ԽՍՀՄ |
| Գերեզման | Թոխմախի գերեզմանատուն |
| Քաղաքացիություն |  ԽՍՀՄ |
| Ազգություն | հայ |
| Մասնագիտություն | լեզվաբան |
| Հաստատություն(ներ) | Լեզվի ինստիտուտ[1] |
| Ալմա մատեր | Երևանի պետական համալսարան (1951)[1] |
| Կոչում | պրոֆեսոր[1] |
| Գիտական աստիճան | բանասիրական գիտությունների դոկտոր[1] (1972) |
| Տիրապետում է լեզուներին | հայերեն |
| Պարգևներ | |
| Կուսակցություն | ԽՄԿԿ[1] |
Կենսագրություն
խմբագրելՆվարդ Պառնասյանը ծնվել է Երևանում։ 1951 թվականին ավարտել է Երևանի համալսարանի բանասիրական ֆակուլտետը։ 1963 թվականին Հ․ Աճառյանի անվան լեզվի ինստիտուտի ավագ գիտաշխատող, 1979 թվականից՝ տնօրենի տեղակալ[2]։ «Ստորադասական կապակցությունը արդի հայերենի բարդ նախադասություններում» (1961), «Անշաղկապ բարդ նախադասությունները արդի հայերենում» (տես «Լեզվի և ոճի հարցեր», պրակ 2, 1964), «Շարահյուսական համանիշները ժամանակակից հայերենում» (1970), «Ձևաբանական և բառաքերականական համանիշները ժամանակակից հայերենում» (տես «Հայոց լեզվի կառուցվածքը», 1975), «Քերականական համանունները ժամանակակից հայերենում» (1979) մենագրություններում Պառնասյանը քննել է ժամանակակից հայերենի շարահյուսության բազմաբնույթ հարցեր։ Մասնակցել է քառահատոր «Ժամանակակից հայերենի բացատրական բառարան»-ի կազմմանն (հ․ 1, 1969) ու խմբագրմանը (հ․ 2, 1972), գրել «Ժամանակակից հայոց լեզու» (1974 -1979) եռահատոր աշխատության «Բայ» (հ․ 2, 1974), «Բառակապակցություն» և «Բարդ ստորադասական նախադասություն» (հ․ 3, 1976) գլուխները[3]։ ԽՄԿԿ անդամ (1952)։
Մահացել է Երևանում։
Պարգևներ
խմբագրել- ՀԽՍՀ Պետական մրցանակ (1985)
Ծանոթագրություններ
խմբագրել- ↑ 1,0 1,1 1,2 1,3 1,4 Հայկական սովետական հանրագիտարան, հատոր 9 (հայ.) — հատոր 9. — էջ 136.
- ↑ «Ով ով է։ Հայեր» հանրագիտարան, հատոր երկրորդ, գլխավոր խմբագիր՝ Հովհաննես Այվազյան, Հայկական հանրագիտարան հրատարակչություն, Երևան, 2007։
- ↑ «Brusov University Library քարտարան, Պառնասյան, Նվարդ Ավետիսի». koha.brusov.am. Վերցված է 2019 թ․ հունվարի 7-ին.
 | Վիքիդարանն ունի նյութեր, որոնք վերաբերում են «Նվարդ Պառնասյան» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 136)։ 
|