Շամքորեցոց Սուրբ Աստվածածին եկեղեցի

Շամքորեցոց Սուրբ Աստվածածին եկեղեցի (նաև՝ Կարմիր Ավետարան եկեղեցի), հայկական առաքելական եկեղեցի ներկայիս Վրաստանի մայրաքաղաք Թբիլիսիի հայկական Հավլաբար թաղամասում՝ Մետեխի, Իսանի (նախկին Շամխորի) և Ֆիգների (նախկին Պրեոբրաժենսկայա) փողոցների խաչմերուկում, Սուրբ Էջմիածին հայկական եկեղեցուց 160 մ դեպի հարավ-արևելք։

Շամքորեցոց Սուրբ Աստվածածին եկեղեցի
Եկեղեցին 1900-ական թթ.
Հիմնական տվյալներ
Տեսակ	վանք և եկեղեցի
Երկիր	Վրաստան
Տեղագրություն	Վրաստան Թբիլիսի
Դավանանք	Հայ Առաքելական Եկեղեցի
Թեմ	Վիրահայոց
Հոգևոր կարգավիճակ	Չգործող
Հիմնական ամսաթվերը	1775
Ներկա վիճակ	Կիսավեր
Ճարտարապետական ոճ	Հայկական
Կառուցման ավարտ	1775 թ.
Հիմնադրված	1775
Արտաքին գմբեթի բարձրություն	40 մ
Armenian Church of the Red Gospel, Tbilisi Վիքիպահեստում

Անվանում

Հայտնի է, որ 18-ից 19-րդ դարերում Թիֆլիսում (ներկայիս Թբիլիսիում) բնակվող հայերը եղել են ինչպես բնիկ, այնպես էլ այլ բնակավայրերից տարբեր պատճառներով այստեղ տեղափոխվածներ։ 18-րդ դարի երկրորդ կեսին Գանձակից և հարակից բնակավայրերից, Արցախից, ինչպես նաև Արարատյան դաշտի բնակավայրերից Թիֆլիս տեղափոխվեցին բազմաթիվ հայեր։ Նրանցից շատերը բնակություն հաստատեցին իրար մոտ և հիմնեցին այսպես ասած ներհայկական համայնք, ինչպիսիք են Շամխորեցիք, Էջմիածնեցիք և այլն։ Նրանց կառուցած եկեղեցիները, բնակության վայրերը սկսեցին կոչվել իրենց ընդհանրական անուններով։ Այսպես է բացատրվում Թբիլիսիի Շամքորեցոց Սուրբ Աստվածածին եկեղեցու անվանումը, այսինքն՝ Շամքոր քաղաքից և հարակից բնակավայրերից Թբիլիսի տեղափոխված հայերի եկեղեցի։ Հայտնի է նաև, որ եկեղեցին Շամխորեցոց էր կոչվում նախքան 18-րդ դարի հիմնովին վերակառուցումը։

Եկեղեցին հայտնի է նաև որպես Կարմիր Ավետարան, որը ժողովրդական անվանում է։

Արտաքին հղումներ

• Եկեղեցու պատկերներ մինչև ավերումը և ավերումից հետո
• Եկեղեցին ավերումից հետո Արխիվացված 2011-07-07 Wayback Machine

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Շամքորեցոց Սուրբ Աստվածածին եկեղեցի կատեգորիայում։