Ոսկե ձկնիկի պատմությունը
«Ոսկե ձկնիկի պատմությունը» (ֆր.՝ Histoire d'un poisson rouge), ռեժիսոր Էդմոն Սեշանի կարճամետրաժ ֆիլմը, որը նկարահանվել է Ժակ Իվ Կուստոյի Les Requins associés ստուդիայի մասնակցությամբ։
 ֆր.՝ Histoire d'un poisson rouge | |
|---|---|
| Երկիր | Ֆրանսիա |
| Թվական | հոկտեմբերի 12, 1959[1] |
| Լեզու | ֆրանսերեն |
| Ռեժիսոր | Էդմոն Սեշան |
| Պրոդյուսեր | Ժակ Իվ Կուստո |
| Երաժշտություն | Henri Crolla? |
| Կինոընկերություն | Columbia Pictures |
| Տևողություն | 19 րոպե |
Ֆիլմն ընթանում է երաժշտության ուղեկցությամբ, սակայն առանց երկխոսությունների, թույլ է տալիս մտածել այն մասին, թե ինչ ուժեղ են մեր նախապաշարմունքները։ Ֆիլմում պատմվում է ճապոնացի տղայի մասին, որն ապրում է Փարիզում և որի հարաբերությունները չեն ստացվում համադասարանցիների հետ։ Մի անգամ կառնավալի ժամանակ տղան ոսկե ձկնիկ է շահում։ Նա ձկնիկին բերում է տուն, գցում ջրով լցված տարայի մեջ և տեղադրում վանդակի մոտ, որտեղ տնային դեղձանիկն էր։ Երբ տանը ոչ ոք չի լինում, ձկնիկը և դեղձանիկը խաղում են։ Մի անգամ տղան գնում է, լուսամուտից ներս է մտնում կատուն, որը լուրջ վտանգ էր ներկայացնում փոքրի ձկնիկի համար։ Այդ ժամանակ ձկնիկը դուրս է թռչում թասից և ընկնում հատակին։ Կատուն հարձակվում է ձկան վրա։ Դիտողը մտածում է, որ կատուն հիմա կուտի ձկանը, սակայն կատուն բռնում է ձկանը ատամներով և վերադարձնում թասի մեջ՝ փրկելով նրա կյանքը։ Այդ ժամանակ տղան վերադառնում է։
Նկարահանող խումբ և տեխնիկական բնութագրիչներ
խմբագրել| Բեմադրություն | Էդմոն Սեշան |
| Պրոդյուսեր | Ժակ Իվ Կուստո, Les Requins associés ստուդիա |
| Սցենարի հեղինակ | Ռոժե Մոգ |
| Օպերատոր | Պիեռ Գուպի |
| Մոնտաժող | Ժորժ Ալեպե |
| Տարածում | Columbia Pictures |
| Թողարկման ամսաթիվ | 1959 թվականի հոկտեմբերի 12 |
| Ժանր | կարճամետրաժ |
| Տևողություն | 19 րոպե |
| Երկիր | Ֆրանսիա |
| Լուսագրերի լեզու | ֆրանսերեն (երկխոսություն չկա) |
Ճանաչում
խմբագրելՖիլմը 1959 թվականին արժանացել է Կաննի կինոփառատոնի ժյուրիի հատուկ մրցանակի[2], ինչպես նաև Ամերիկյան կինոակադեմիայի («Օսկար») մրցանակ՝ որպես 1960 թվականի «Լավագույն կարճամետրաժ ֆիլմ»[3]։
Ծանոթագրություններ
խմբագրել- ↑ http://www.imdb.com/title/tt0052855/releaseinfo
- ↑ «Histoire d'un poisson pouge» (ֆրանսերեն). Festival de Cannes. Վերցված է 2016 թ․ մարտի 8-ին.
- ↑ «The 32nd Academy Awards (1960) Winners & Nominees» (անգլերեն). The Academy of Motion Picture Arts and Sciences. 1960 թ․ ապրիլի 4. Վերցված է 2016 թ․ մարտի 8-ին.