Ուլու Ջամի մզկիթ (Բուրսա)

Ուլու Ջամի մզկիթ կամ Մեծ մզկիթ (թուրքերեն՝ Bursa Ulu Camii), գործող մզկիթ Թուրքիայի Բուրսա քաղաքում։ Մզկիթը կառուցվել է 1396- 1400 թվականներին՝ Բայազիդ I-ի հրամանով։ Մզկիթը կառուցվել է սելջուկյան ոճով։ Մզկիթը ունի 20 գմբեթներ, 2 մինարե և 12 հիմնասյուն։

Ուլու Ջամի մզկիթ թուրքերեն՝ Bursa Ulu Camii
Տեսակ	մզկիթ և տեսարժան վայր
Երկիր	Թուրքիա
Վարչատարածք	Բուրսա
Մասն է	Khans Area?
Հիմնվել է	1396
Կառուցման սկիզբ	1396
Կառուցման ավարտ	1400
Կարգավիճակ	գործող մզկիթ
Հիմնադիր	Բայազիդ I
Ճարտարապետություն
Ճարտարապետ	Ալի Նեջար
Ոճ	սելջուկյան ոճ
Գմբեթ	20
Մինարեթներ	2
Պաշտոնական կայքէջ

Նկարագրություն

Ուլու Ջամին Բուրսայի ամենամեծ մզկիթն է։ Այն վաղ օսմանյան մշակույթի գանձերից է, որը կառուցվել է այդ ժամանակներում տարածված սելջուկյան ոճով։ Մզկիթը կառուցվել է 1396- 1400 թվականներին՝ Բայազիդ I-ի հրամանով։ Մզկիթի ճարտարապետը եղել է Ալի Նեջարը։ Ուլու Ջամիի առանձնահատկություններից են հանդիսանում 20 գմբեթները, որոնք դասավորված են չորս շարքերով՝ ամեն շարքում հինգ գմբեթ։ Ավանդության համաձայն, գմբեթները կառուցվել են ի փոխարեն 20 մզկիթների, որոնց խոստացել էր կառուցել Բայազիդ I-ը՝ Նիկոպոլիի ճակատամարտում հաղթելու պարագայում։ Մզկիթը ունի 2 մինարեներ։

Մզկիթի բակում կա շատրվան, որտեղ պարտադիր այցելում են բոլոր հավատացյալները, մինչև նամազ կատարելը։ Շատրվանը ունի նաև գմբեթ։ Մզկիթի պատերին և հիմնասյուներին կախված են 192 գրվածքներ, որոնք արաբական կալիգրաֆիայի օրինակ են Թուրքիայում։

Պատկերասրահ

• 
  Մինարեներից մեկը
• 
  Ներքին շատրվանը
• 
  Ինտերիեր
• 
  Գրվածքներ պատերին

Մզկիթի ներքին տեսքը

Արտաքին հղումներ

• «Պաշտոնական կայք էջ» (թուրքերեն). bursaulucamii.com. Արխիվացված օրիգինալից 2013 թ․ հունվարի 13-ին. Վերցված է 2012 թ․ նոյեմբերի 12-ին.
• «Օսմանյան մայրաքաղաքի ամենամեծ մզկիթը». umma.org.ua. Արխիվացված օրիգինալից 2013 թ․ հունվարի 13-ին. Վերցված է 2012 թ․ նոյեմբերի 12-ին.

Վիքիպահեստն ունի նյութեր, որոնք վերաբերում են «Ուլու Ջամի մզկիթ (Բուրսա)» հոդվածին։