Պակիստանցիները Մեծ Բրիտանիայում

Պակիստանցիները Մեծ Բրիտանիայում (անգլ.՝ British Pakistanis), էթնիկ խումբ Մեծ Բրիտանիայում, ովքեր ունեն պակիստանյան ծագումնաբանություն։ Նրանց մեծ մասը Փենջաբ և Քաշմիր նահանգներից են։ Նրանք կազմում են երկրի ասիացի բնակչության, եծ մասը։

Պակիստանցիները Մեծ Բրիտանիայում
Ընդհանուր քանակ
1 173 892 (2011 թվականի մարդահամարի տվյալներով) Անգլիա՝ 1 112 282 Շոտլանդիա՝ 49 381 Ուելս՝ 12 229 Հյուսիսային Իռլանդիա՝ 1091
Բնակեցում
Մեծ Լոնդոն, Բիրմինգհեմ, Բրեդֆորդ և այլն
Լեզու(ներ)
անգլերեն, փենջաբի, ուրդու և այլն
Հավատք(ներ)
Սուննի իսլամ (92 %), քրիստոնյաներ (1%), հնդուիստներ

2011 թվականի մարդահամարի տվյալներով 1 173 892 մարդ իրեն համարում է պակիստանցի, որը կազմում է Մեծ Բրիտանիայի բնակչության 1.8 %-ը։ Պակիստանյան համայնքի 94%-ը բնակվում է Անգլիայում։ Բրիտանաբնակ պակիստանցիների 55%-ը ծնվել է Մեծ Բրիտանիայում, 36, 9%-ը՝ Պակիստանում, իսկ 3.5%-ը՝ Ասիայի այլ երկրներում։ Մեծ Բրիտանիայում են բնակվում Եվրոպայի պակիստանցիների կեսից ավելին։

Տարածումը և էթնիկ խմբերը

• Մեծ Բրիտանիայում պակիստանցիների ամենամեծ էթնիկ խումբը կազմում են քաշմիրցիները, որոնք հիմնականում բնակվում են Բիրմինգհեմում, Բրեդֆորդում և Օլդեմում։ Երկրի հարավում ապրում են ինչպես քաշմիրցիներ, այնպես էլ փենջաբցիներ։ Վերջիններս հիմնականում բնակվում են Լութոնում և Սլաուում։ Երկրում բնակվում են նաև քիչ քանակությամբ փուշթուներ։

Գրառում անգլերենով և փենջաբիով, Լոնդոնի արվարձաններից մեկը

• 2001 թվականի մարդահամարի տվյալներով Մեծ Լոնդոնում բնակվում էին 142 749 պակիստանցիներ։ Բիրմինգհեմում բնակվում են 113 000 պակիստանցիներ, որոնք 2007 թվականի տվյալներով կազմել են քաղաքի բնակչության 11.2%-ը։ Բիրմինգհեմում մեծաքանակ են նաև բենգալական, պարսկական, փուշթուական համայնքները։
• Բրեդֆորդում 2007 թվականի մարդահամարի տվյալներով բնակվում է 80 000 պակիստանցիներ, որը կազմում է քաղաքի բնակչության 16.1 %-ը։ Նրանց մեծ մասը սերում է Քաշմիրի Միրպուր շրջանից։ 2001 թվականին քաղաքում տեղի են ունեցել խոշոր բախումներ քաղաքի եվրոպացի բնակչության և պակիստանյան համայնքի միջև, որին մասնակից է եղել շուրջ 1000 մարդ։ 297 մարդ ձերբակալվել է, իսկ 200-ը՝ ազատազրկման դատապարտվել։ Շուրջ 20 000 պակիստանցիներ բնակվում են Գլազգոյում։

Կրոն, լեզու և մշակույթ

• Մեծ Բրիտանիայի պակիստանցիների մեծ մասը սուննի մուսուլմաններ են (92, 1 %): Պակիստանցիները կազմում են Անգլիայի մուսուլման բնակչության 42.7 %-ը։ Բացի այդ, Անգլիայում և Ուելսում բնակվում են, մոտավորապես, 8000 քրիստոնյա պակիստանցիներ և մի քանի հարյուր հնդուիստ պակիստանցիներ։
• Մեծ Բրիտանիայում ծնված պակիստանցիների մեծ մասի մայրենի լեզուն անգլերենն է։ Ներգաղթյալների մոտ տարածված է փանջաբիի տարբեր բարբառներ, ուրդու, քաշմիրի, փուշթու լեզուները։
• Պակիստանյան սփյուռքը հատկապես տոնում է Պակիստանի անկախության տոնը՝ օգոստոսի 14-ին և իսլամական մի շարք տոներ, հատկապես Իդ ալ Ադհան և Իդ ալ Ֆիտրը։

Պակիստանյան ծագմամբ հայտնի բրիտանացիներ

• Սադիկ Խան — Լոնդոնի քաղաքապետ (2016 թվականից)
• Ռիզ Ահմեդ- դերասան, երգիչ
• Զեյն Մալիկ- երգիչ
• Սաջիդ Ջավիդ — Մեծ Բրիտանիայի համայնքների և տեղական ինքնակառավարման հարցերով նախարար (2014 թվականից)
• Խանիֆ Կուրեյշի
• Ամիր Խան
• Սելմա Յակուբ

Տես նաև

• Հայերը Մեծ Բրիտանիայում

Արտաքին հղումներ

• An outline of the immigration pattern of the Pakistani community in Britain Արխիվացված 2007-03-12 Wayback Machine