Պավել Ֆիլիպ
Պավել Ֆիլիպ (ռումիներեն՝ Pavel Filip, ապրիլի 10, 1966[1][2], Pănășești, Strășeni District, Մոլդովա), մոլդովացի պետական գործիչ և կառավարիչ։ 2016 թվականի հունվարի 20-ին Մոլդովայի խորհրդարանի կողմից նշանակվել է երկրի վարչապետի պաշտոնում[3]։ 2011-2016 թվականներին եղել է Մոլդովայի տեղեկատվական տեխնոլոգիաների և կապի նախարար։ Մոլդովայի դեմոկրատական կուսակցության փոխնախագահն է։
| Պավել Ֆիլիպ ռումիներեն՝ Pavel Filip | ||
_(cropped).jpg)
| ||
| ||
|---|---|---|
| Կուսակցություն՝ | Մոլդովայի դեմոկրատական կուսակցություն | |
| Կրթություն՝ | Քիշնևի Լազոյի անվան ճարտարագիտական ինստիտուտ | |
| Մասնագիտություն՝ | ինժեներ | |
| Ծննդյան օր | ապրիլի 10, 1966[1][2] (58 տարեկան) | |
| Ծննդավայր | Pănășești, Strășeni District, Մոլդովա | |
| Քաղաքացիություն |  Մոլդովա և  ԽՍՀՄ
| |
| Ամուսին | Տատյանա Ֆիլիպ | |
| Կայք՝ | pavelfilip.md | |
| Պարգևներ |
 | |
Կենսագրություն
խմբագրելՊավել Ֆիլիպը ծնվել է 1966 թվականի ապրիլի 10-ին Մոլդովական ԽՍՀ-ի Ստրաշենի շրջանի Պենեշեշտի գյուղում։
1983 թվականին ընդունվել է Քիշնևի Լազոյի անվան ճարտարագիտական ինստիտուտը, որն ավարտել է 1990 թվականին՝ ստանալով ինժեներ-մեխանիկի կարմիր դիպլոմ։ 1984-1986 թվականներին Ֆիլիպը ծառայել է բանակում։ Պավել Ֆիլիպը կրթությունը շարունակել է Կառավարման միջազգային ինստիտուտում (1991-1996)[4]։
Աշխատանքային կարիերան սկսել է Քիշնևի «Բուկուրիա» կոնֆետի ֆաբրիկայում։ 1991-1993 թվականներին ֆաբրիկայում աշխատել է որպես կոմպրեսորային վարչության ղեկավար, 1993-1994 թվականներին եղել է արտադրության վարչության պետ։ 1998-2001 թվականներին ստանձնել է «Բուկուրիա» ԲԲԸ-ի գլխավոր ինժեների պարտականությունները՝ այն համատեղելով արտադրական և տեխնոլոգիական հարցերի գլխավոր տնօրենի տեղակալի պաշտոնի հետ։ 2001-2008 թվականներին եղել է ֆաբրիկայի գլխավոր տնօրեն[5]։
2008-2011 թվականներին Պավել Ֆիլիպը եղել է «TUTUN-CTC» ծխախոտի ֆաբրիկայի (Քիշնևի նախկին ծխախոտի կոմբինատը) գլխավոր տնօրեն[6]։
Ֆիլիպը քաղաքականություն է մտել 2011 թվականին, երբ Վլադիմիր Ֆիլատի կառավարությունում նշանակվել է Մոլդովայի տեղեկատվական տեխնոլոգիաների և կապի նախարար։ Հետագայում Պավել Ֆիլիպն այդ պաշտոնում ընտրվել է Յուրիե Լյանկեի, Կիրիլ Գաբուրիչի և Վալերի Ստրելեցի կառավարությունների ժամանակ։ Նրա նախաձեռնությամբ մշակվել է «Թվային Մոլդովա-2020» ռազմավարությունը։
Անձնական կյանք
խմբագրելԱմուսնացած է Տատյանա Ֆիլիպի հետ[7]։ Ունի երկու չափահաս երեխա։ Բացի մայրենի լեցվից՝ ռումիներենից՝ տիրապետում է ռուսերենին և անգլերենին[5]։
Պարգևներ
խմբագրել2013 թվականի դեկտեմբերին Պավել Ֆիլիպը շրջաններում ժամանակակից տեղեկատվական հասարակության ստեղծման գործում ունեցած ներդրման համար պարգևատրվել է Հեռահաղորդակցության միջազգային միության մեդալով[8]։ 2014 թվականի դեկտեմբերին Մոլդովայի նախագահ Նիկոլաե Տիմոֆտիի կողմից պարգևատրվել է «Աշխատանքային փառք» ազգային շքանշանով[9]։
Ֆիլիպի կառավարություն
խմբագրել- Վարչապետ
- Պավել Ֆիլիպ (հունվարի 20, 2016 - այժմ)
- Փոխվարչապետ
- Գեորգի Բրեգա (հունվարի 20, 2016 - այժմ)
- Առաջին փոխվարչապետ, արտաքին գործերի և եվրոպական ինտեգրման նախարար
- Անդրեյ Գալբուր (հունվարի 20, 2016 - այժմ)
- Փոխվարչապետ, էկոնոմիկայի նախարար
- Օկտավիան Կալմիկ (հունվարի 20, 2016 - այժմ)
- Վերաինտեգրման փոխվարչապետ
- Գեորգի Բալան (հունվարի 20, 2016 - այժմ)
- Ներքին գործերի նախարար
- Ալեքսանդր Ժիզդան (հունվարի 20, 2016 - այժմ)
- Արդարադատության նախարար
- Վլադիմիր Չեբոտար (հունվարի 20, 2016 - այժմ)
- Աշխատանքի, սոցիալական պաշտպանության և ընտանիքի նախարար
- Ստելլա Գրիգորաշ (հունվարի 20, 2016 - այժմ)
- Գյուղատնտեսության նախարար
- Էդուարդ Գրամա (հունվարի 20, 2016 - այժմ)
- Տեղեկատվական տեխնոլոգիաների և հաղորդակցման նախարար
- Վասիլի Բոտնար (հունվարի 20, 2016 - այժմ)
- Երիտասարդության և սպորտի նախարար
- Վիկտոր Զուբկու (հունվարի 20, 2016 - այժմ)
- Պաշտպանության նախարար
- Անատոլ Շալարու (հունվարի 20, 2016 - այժմ)
- Տրանսպորտի և ճանապարհային ենթակառուցվածքների նախարար
- Յուրի Կրինչուկ (հունվարի 20, 2016 - այժմ)
- Շրջակա միջավայրի նախարար
- Վալերիու ՄունտյանուМ (հունվարի 20, 2016 - այժմ)
- Կրթության նախարար
- Կորինա Ֆուսու (հունվարի 20, 2016 - այժմ)
- Առողջապահության նախարար
- Ռուկսանդա Գլավան (հունվարի 20, 2016 - այժմ)
- ֆինանսների նախարար
- Օկտավիան Արմաշու (հունվարի 20, 2016 - այժմ)
- Շրջանային զարգացման և շինարարության նախարար
- Վասիլի Բիտկա (հունվարի 20, 2016 - այժմ)
- Մշակույթի նախարար
- Մոնիկա Բաբուկ (հունվարի 20, 2016 - այժմ)
- Մոլդովայի Հանրապետության գիտությունների ակադեմիայի նախագահ
- Գեորգի Դուկա (հունվարի 20, 2016 - այժմ)
- Գագաուզիայի ղեկավար (Բաշկան Գագաուզ Երի)
- Իրինա Վլախ (հունվարի 20, 2016 - այժմ)
Ծանոթագրություններ
խմբագրել- ↑ 1,0 1,1 Բրոքհաուզի հանրագիտարան (գերմ.)
- ↑ 2,0 2,1 Munzinger Personen (գերմ.)
- ↑ «Avem Guvern! Pavel Filip, noul Premier al Republicii Moldova, cu votul a 57 de deputați» (ռումիներեն). realitatea.md. 2016 թ․ հունվարի 20. Արխիվացված է օրիգինալից 2016 թ․ հունվարի 23-ին. Վերցված է 2016 թ․ հունվարի 17-ին.
- ↑ «Detaliul CURIOS din biografia lui Pavel Filip. Câți ani a studiat la Politehnică» (ռումիներեն). Ziarul Național. 2016 թ․ հունվարի 15. Վերցված է 2016 թ․ հունվարի 17-ին.
- ↑ 5,0 5,1 «Pavel Filip. Prim-ministru al Republicii Moldova» (ռումիներեն). Guvernul Republicii Moldova. Արխիվացված է օրիգինալից 2016 թ․ հունվարի 22-ին. Վերցված է 2016 թ․ հունվարի 17-ին.
- ↑ «Биография Павла Филипа». РИА Новости. 2016 թ․ հունվարի 20. Վերցված է 2016 թ․ հունվարի 17-ին.
- ↑ Ion Surdu (2016 թ․ հունվարի 15). «Pavel Filip, de la împăratul bomboanelor la candidat la funcţia de prim-ministru al Republicii Moldova» (ռումիներեն). Adevarul Holding. Վերցված է 2016 թ․ հունվարի 17-ին.
- ↑ «Министр информационных технологий Павел Филип награжден медалью Международного союза телекоммуникаций». publika.md. 2013 թ․ դեկտեմբերի 11. Արխիվացված է օրիգինալից 2016 թ․ փետրվարի 29-ին. Վերցված է 2016 թ․ հունվարի 17-ին.
- ↑ Никита Зверев (2014 թ․ դեկտեմբերի 24). «Президент Молдовы наградил Юрия Лянкэ «Орденом Республики»». Комсомольская правда. Վերցված է 2016 թ․ հունվարի 17-ին.
 | Վիքիպահեստն ունի նյութեր, որոնք վերաբերում են «Պավել Ֆիլիպ» հոդվածին։ |