Պետրոս Մալայան
Պետրոս Հովհաննեսի Մալայան (հունվարի 4, 1927, Բաքու, ԱԽՖՍՀ, ԽՍՀՄ - մարտի 17, 1997, Թել Ավիվ, Իսրայել), հայ նկարիչ, ՀԽՍՀ վաստակավոր նկարիչ (1983)։
Պետրոս Մալայան | |
|---|---|
 | |
| Ծնվել է | հունվարի 4, 1927 |
| Ծննդավայր | Բաքու, ԱԽՖՍՀ, ԽՍՀՄ |
| Վախճանվել է | մարտի 17, 1997 (70 տարեկան) |
| Մահվան վայր | Թել Ավիվ, Իսրայել |
| Քաղաքացիություն |  ԽՍՀՄ |
| Կրթություն | Երևանի պետական գեղարվեստա-թատերական ինստիտուտ (1951) |
| Մասնագիտություն | նկարիչ |
| Պարգևներ |  և  |
| Պետրոս Մալայան Վիքիդարանում | |
Կենսագրություն
խմբագրելԾնվել է Բաքվում, Արևմտյան Հայաստանի Կարս նահանգից գաղթած հայկական ընտանիքում։ 1945 թվականին ավարտել է Բաքվի գեղարվեստի ուսումնարանը, 1951 թվականին՝ Երևանի գեղարվեստա-թատերական ինստիտուտը (գերազանցությամբ), 1945-1947 թթ. սովորել Լենինգրադի գեղարվեստի ակադեմիայում (Ֆոգելի, Օստրովի, Օցսիանիկովի դասարաններում), ուսման 3-րդ տարում տեղափոխվել է Երևանի գեղարվեստա-թատերական ինստիտուտ, որն էլ ավարտել է 1951 թվականին (սովորել է Բաբկեն Քոլոզյանի, Գաբրիել Գյուրջյանի, Արա Բեքարյանի, Վռամշապուհ Շաքարյանի դասարաններում)։ 1960-1992 թթ. դասավանդել է Երևանի գեղարվեստա-թատերական ինստիտուտում։ 1970 թվականին դարձել է խորհրդային արվեստագետների «Խուդսովետ» միության անդամ, որտեղ ներկայացրել է Հայաստանը։
Գործունեություն
խմբագրելՍտեղծագործել է երփնագրի, հաստոցային և գրքի գրաֆիկայի բնագավառում։ Ջրաներկ և գծանկար՝
- «Հայաստան», 1975
- «Ժամանակակից աշխատանքային թեմա», 1978
Կոմպոզիցիոն-դիմանկարչական
- «Արփա-Սևան շինարարները», 1966
- «Երևանի մետրոպոլիտենի շինարարները», 1986
Ցուցահանդեսներ
խմբագրելԱնհատական ցուցահանդեսներ՝ Երևանում (1967, 1973), Վարշավայում (1974), Կիևում (1981), Սոֆիայում (1983) և այլուր[1][2]։
Ծանոթագրություններ
խմբագրել- ↑ Ով ով է. Կենսագրական հանրագիտարան. Հայեր, հատոր 2, Երևան, ՀՀՀ, 2007, էջ 16
- ↑ «Պետրոս Մալայան (1927-1997)». Արխիվացված է օրիգինալից 2015 թ․ մարտի 29-ին. Վերցված է 2015 թ․ մարտի 17-ին.