Պրեստո
Պրեստո (անգլ.՝ Presto), 2008 թվականի Pixar ստուդիայի կարճամետրաժ մուլտֆիլմ, որը ցուցադրվել է լիամետրաժ ՎԱԼԼ-Ի մուլտֆիլմի ցուցադրությունից առաջ։ Մուլտֆիլմի ոճը նման է 1940-ական թվականների Warner Brothers-ի (մուլտֆիլմեր Բագզ Բաննիի մասին) և MGM-ի (Թոմ և Ջերի)[2] անիմացիոն նկարներին։
 անգլ.՝ Presto | |
|---|---|
| Տեսակ | կարճամետրաժ մուլտիպլիկացիոն ֆիլմ |
| Ժանր | մուլտֆիլմ, կինոկատակերգություն, ընտանեկան ֆիլմ և ֆենթեզի ֆիլմ |
| Ռեժիսոր | Doug Sweetland? |
| Սցենարիստ | Doug Sweetland? |
| Հնչյունավորում | Doug Sweetland?[1] |
| Երկիր |  ԱՄՆ |
| Լեզու | անգլերեն |
| Ընկերություն | Պիքսար և Walt Disney Pictures |
| Դիստրիբյուտոր | Walt Disney Studios Motion Pictures, Vudu և Դիսնեյ+ |
| Տևողություն | 5 րոպե |
| Թվական | հունիսի 10, 2008 |
| Առաջադրում | Օսկար լավագույն անիմացիոն կարճամետրաժ ֆիլմի համար |
| pixar.com/presto | |
Սյուժե
խմբագրելՀայտնի աճպարար Պրեստո Դիջիոտաջիոնին (պրեստիդիժիտացիա բառից) պատրաստվում է գլխարկով և նապաստակով հայտնի հնարքը կատարել։ Իսկ ինքը՝ նապաստակը (Ալեք Ազամ մականունով) նստած է թռչնի վանդակի մեջ՝ հանդերձարանում և տառապում է սովից[3]։ Նապաստակի համար դա կրկնակի ցավալի է, քանի որ ցանկալի գազարը նրան շատ մոտ է։ Պրեստոն ունի զգուշորեն խնայված մի գաղտնիք, գաղտնիքը կախարդի գլխարկն է, որը միացված է երկկողմանի պորտալով և գլխարկի մեջ գցած ցանկացած բան անմիջապես հայտնվում է մեկ այլ վայրում։ Այսպիսով, բեմի ետևում Ալեքին գլխարկը հագցնելով, Պրեստոն բեմի վրա հանում է նապաստակին գլխարկից։ Դժբախտաբար Պրեստոյի համար, այդ օրը Ալեքը միանգամայն սոված է և հրաժարվում է մասնակցել ներկայացմանը, քանի դեռ չի ստացել գազարը։ Հնարամիտ նապաստակին գլխարկից դուրս բերելու բոլոր փորձերը շատ ցավոտ են վերջանում Պրեստոյի համար։ Հանդիսատեսը հիացած է, նրանց թվում է դա իրական ներկայացում։ Գլխարկից հայտնվում է ամեն ինչ՝ մկան թակարդ, որը բռնում է Պրեստոյի մատները, նրա գլխարկի մեջ նետված ձուն, աճպարարի սեփական տաբատը, որը նրա հագին էր, շատ երկար սանդուղք և այլն։ Ի վերջո, շփոթվելով կուլիսների հակակշիռների մեջ, Պրեստոն հայտնվում է բեմի վերևում, ապա արագորեն սկսում է ընկնել լուսավորման լամպերի, տարբեր բուտաֆորիայի եւ դաշնամուրի ուղեկցությամբ։ Իր ազատությունով ուրախացած Ալեքը սկսում է խղճալ տիրոջը և վերջին պահին օգնության է հասնում գլխարկից դուրս գալով։ Վայրկյանանոց շփոթությունից հետո, որն առաջացել էր դաշնամուրի ընկնելուց հետո, hանդիսատեսը պատվացույց է անում այդքան հաջող ավարտված հնարքը։ Ի երախտագիտության փրկության Պրեստոն պարգևատրում է Ալեքին տալով այդքան ցանկալի գազարը և հետագայում նրանք սկսում են հնարքները ցույց տալ միասին։
Մրցանակներ և անվանակարգեր
խմբագրել| Պրեստ մուլտֆիլմի անվանակարգները[4] | |||
|---|---|---|---|
| Մրցանակ | Անվանակարգ | Անվանակիր | Արդյունք |
| «Օսկար» մրցանակ (2009) | Լավագույն կարճամետրաժ անիմացիոն ֆիլմ | Դագ Սվիտլենդ | Անվանակիր |
| Annie Awards (2009) | Լավագույն կարճամետրաժ անիմացիոն ֆիլմ | Անվանակիր | |
Ծանոթագրություններ
խմբագրել- ↑ Internet Movie Database — 1990.
- ↑ Presto - Pixar Animation Studios (անգլ.)
- ↑ Дополнение к книге Дэйва Смита Disney A to Z: The Official Encyclopedia (2006)(անգլ.)
- ↑ «Awards for Presto» (անգլերեն). Արխիվացված օրիգինալից 2012 թ․ մարտի 15-ին. Վերցված է 12 июля 2009-ին.