Ջենիֆեր Գարներ
Ջենիֆեր Էնն Գարներ (անգլ.՝ Jennifer Anne Garner, ապրիլի 17, 1972, Հյուստոն, Տեխաս, ԱՄՆ), ամերիկյան դերասանուհի է և պրոդյուսեր։ Առավել հայտնի է գործակալ Սիդնի Բրիստոուի դերով «Լրտեսուհին» («Լրտեսուհին») (2001 - 2006 թվականներ) հեռուստասերիալում և Էլեկտրա Նատչիոսի դերակատարումով «Թոկից փախածը» («Թոկից փախածը») (2003 թվական) և «Էլեկտրա» («Elektra») (2005 թվական) ֆիլմերում։ «Ոսկե Գլոբուս» մրցանակի դափնեկիր է։
 | |||||||||
|---|---|---|---|---|---|---|---|---|---|
 | |||||||||
| Հասակը | 173 սմ[1] | ||||||||
| Ծնվել է | ապրիլի 17, 1972 (52 տարեկան)[1] | ||||||||
| Ծննդավայր | Հյուստոն, Տեխաս,  ԱՄՆ | ||||||||
| Կրթություն | George Washington High School? և Դենիսոն համալսարան | ||||||||
| Քաղաքացիություն | ԱՄՆ | ||||||||
| Ազգություն | ԱՄՆ | ||||||||
| Կրոն | մեթոդիզմ | ||||||||
| Մասնագիտություն | Դերասանուհի, Պրոդյուսեր[1] | ||||||||
| Ակտիվ շրջան | 1990–այժմ[1] | ||||||||
| Ժանրեր | Կատակերգություն, Դրամա, Մելոդրամա[1] | ||||||||
| Ընտրանի | "Նախկին ընկերուհիների ուրվականները", "13-ից 30", "Էլեկտրա" | ||||||||
| Ծնողներ | հայր՝ William John Garner?, մայր՝ Patricia Ann English?[2] | ||||||||
| Ամուսին(ներ) | Բեն Աֆլեք (3 երեխա), Սքոթ Ֆոլի (ամուսնալուծված)[1] | ||||||||
| Համատեղ ապրող(ներ) | John C. Miller? և Բեն Աֆլեք | ||||||||
| Երեխա(ներ) | Վայոլետ Էնն Աֆլեք (2005 թվական դեկտեմբերի 1), Սերաֆինա Ռոուզ Էլիզաբեթ Աֆլեք (2009 թվական հունվարի 6), Սամյուել Գարներ Աֆլեք (2012 թվական փետրվարի 27) | ||||||||
| Պարգևներ և մրցանակներ | |||||||||
| |||||||||
Վաղ տարիներ
խմբագրելՋենիֆեր Էնն Գարները ծնվել է 1972 թվականի ապրիլի 17-ին Հյուստոնում (Տեխաս նահանգ, ԱՄՆ)։ Նրա մայրը՝ Պատրիսիա Էնն Ինգլիշ, ուսուցչուհի էր, իսկ հայրը՝ Բիլլի Ջեք Գարներ, ինժեներ-քիմիկոս։ Ջենիֆերն ունի երկու քույր, ավագ և կրտսեր, Մելիսսա Գարներ-Ուայլի և Սյուզաննա Գարներ-Կարպենտեր։
Երեք տարեկան հասակում Գարները սկսում է բալետի դասեր առնել, որով զբաղվում է ամբողջ մանկության ընթացքում։ Չնայած նրան, ըստ նրա սեփական խոսքերի, դուր էր գալիս պարելը, սակայն նա երբեք չի մտածել այն մասին, որ կդառնա դասական բալերինա[3]։ Երբ Ջենիֆերը չորս տարեկան էր, կապված «Union Carbide» ընկերության հետ հոր աշխատանքից, ընտանիքը տեղափոխվում է Չառլստոն, Արևմտյան Վիրջինիա նահանգ, որտեղ Գարներն ապրում է ընդհուպ մինչև քոլեջ ընդունվելը[4]։
1990 թվականին Գարներն ավարտում է Ջորջ Վաշինգտոնի անվան դպրոցը Չառլստոնում և ընդունվում է Դենիսոնի համալսարանը, որպեսզի ուսումնասիրի քիմիան։ Սակայն, հասկանալով, որ բեմում խաղալը իր համար մեծ հետաքրքրություն է ներկայացնում, նա փոխում է մասնագիտացումը դերասանական արհեստին։ 1994 թվականին Գարներն ավարտում է համալսարանը և պատրաստվում էր շարունակելու դերասանական կրթությունը Եյլի համալսարանում, սակայն, 1995 թվականին Նյու Յորք այցելելուց հետո, նա որոշում է փորձել իրեն թատրոնում։
Կարիերա
խմբագրելՆյու Յորքում Գարները վաստակում էր ընդամենը 15 դոլար, հանդիսանալով առաջատար դերասանուհիների կրկնորդ։ Դրանից հետո նա սկսում է հայտնվել հեռուստատեսությունում, նորամուտը նշելով «Զոյա» («Zoya») հեռուստաֆիլմում, ըստ Դանիելա Սթիլի վեպի։ Այնուհետև նա նկարահանվում է երկու ոչ շարունակական սերիալներում՝ «Կարևոր մարդիկ» (1998 թվական) և «Քո կյանքի ժամանակը» («Time of Your Life», 1999 թվական), ինչպես նաև, «Hallmark» ստուդիայի երկու ֆիլմերում, ներառյալ 1997 թվականի «Ռոուզ Հիլլ» («Rose Hill») ֆիլմի, հիմնված Ջուլիա Հարվուդի «Երկու վարդ» բեսթսելերի վրա։ 1996 թվականին Գարները հայտնվում է NBC-ի «Օրենք և կարգ ու կանոն» սերիալի դրվագներից մեկում։ Մի քիչ ավելի ուշ նա տեղափոխվում է Լոս Անջելես, Կալիֆորնիա նահանգ, որտեղ սկզբից աշխատանքի է տեղավորվում ռեստորանում, որպես կառավարիչ։ Շուտով նրան հրավիրում են Հաննա Բիբի դերին «Warner Bros.»-ի «Ֆելիսիթի» («Felicity») սերիալում։ Նկարահանման հրապարակում Ջենիֆերը ծանոթանում է իր ապագա ամուսնու՝ Սքոթ Ֆոլիի հետ։ Գարները խաղում էր նրա կերպարի ընկերուհու դերը։ 1999 թվականին նա փոքրիկ դեր է խաղում «Ձևացնողը» սերիալի դրվագներից մեկում, իսկ 2000 թվականին առաջին անգամ նկարահանվում է բավականին հայտնի կինոնկարում՝ «Որտե՞ղ է իմ մեքենան, ընկեր» («Dude, Where's My Car?») կատակերգությունում, որտեղ խաղում էր Վանդային, Էշթոն Քաթչերի հերոսի ընկերուհին։ Հաջորդ տարի Գարները խաղում է բուժքրոջ դերը «Պեռլ Հարբոր» («Pearl Harbor») բարձրաբյուջետային էպիկական ֆիլմում, որտեղ նկարահանվում էին նրա երկրորդ ապագի ամուսին Բեն Աֆլեքը և Քեյթ Բեքինսեյլը։
Նույն՝ 2001 թվականին, Ջեյ Ջեյ Աբրամսը, ով պրոդյուսավորել էր «Ֆելիսիթի» ֆիլմը, Գարներին հրավիրում է նոր հեռուստասերիալ, որը նա ստեղծում էր «ABC»-ի համար։ Ջենիֆերը հաջողությամբ անցնում է փորձերը և հաստատվում է Սիդնի Բրիստոուի առաջատար դերին «Լրտեսուհին» դրամայում։ Սերիալը հաջողակ է հանդիսանում և եթեր է հեռարձակվում հինգ եթերաշրջան, ընդհուպ մինչև 2006 թվականի մայիսը, իսկ Գարներն իր դերի համար 2002 թվականի հունվարին արժանանում է «Ոսկե Գլոբուս» մրցանակի՝ «Դրամատիկական սերիալի լավագույն դերասանուհի» անվանակարգում, ընդ որում, սերիալն ընթանում էր ընդամենը սեզոնի կեսը։ Գարների հոնորարը սկզբնապես կազմում էր 45 000 դոլար մեկ սերիայի համար, իսկ վերջում այն հասնում է 150 000-ի։ Սերիայի հինգ տարվա հեռարձակման ընթացքում Գարները չորսակի անգամ անվանակարգվում է «Ոսկե Գլոբուս» և «Էմմի» մրցանակների։ 2005 թվականին Ջենիֆերն արժանանում է «ԱՄՆ կինոդերասանների գիլդիա»-ի մրցանակին։ 2005 թվականի մարտին նա ռեժիսավորում է «Լրտեսուհու» մասերից մեկը և հանդիսանում է ամբողջ հինգերորդ եթերաշրջանի պրոդուսերներից մեկը։
«Լրտեսուհու» հաջողությունից հետո Գարները վերադառնում է կինո Սթիվեն Սփիլբերգի «Բռնիր ինձ, եթե կարող ես» («Catch Me If You Can») ֆիլմում փոքրիկ դերով։ 2003 թվականին նա կատարում է Էլեկտրա Նաթչիոսի դերը «Թոկից փախածը» («Թոկից փախածը») ֆիլմում, նույնանուն հերոսի մասին «Marvel» ընկերության կոմիքսների էկրանավորումում, որի դերը խաղում է Բեն Աֆլեքը, ում հետ նա ամուսնանում է 2005 թվականին։ Այդ նույն դերը նա խաղում է 2005 թվականի «Էլեկտրա» («Elektra») ֆիլմում, լիովին նվիրված նրա հերոսուհուն։ Մեկ այլ ֆիլմ, որում Ջենիֆերը կատարում է գլխավոր հերոսուհու դերը, հանդիսանում է «13-ից 30» («Going on 30») ռոմանտիկ կատակերգությունը, որն ուներ ֆինանսական հաջողություն։ Հայտնի է, որ Գարները ինքն է կատարում հնարքները։ Այսպես, 2005 թվականի հունվարին նա բաց է թողնում «Էլեկտրա» ֆիլմի գովազդային ակցիայի մի մասը, քանի որ վնասել էր մեջքը նկարահանման հրապարակում, «Լրտեսուհին» ֆիլմի չորրորդ եթերաշրջանի մասերից մեկի նկարահանումների ժամանակ[5]։
2005 թվականին Գարները «Forbes» ամսագրի կողմից ընդգրկվում է «100 ամենաազդեցիկ անվանիներ»-ի ցուցակում՝ 70 համարի տակ[6]։ 2004 թվականի հուլիսից նա վաստակել է 15 միլիոն դոլար[7]։ 2006 թվականի «Օսկար» մրցանակների հանձնման արարողության ժամանակ Գարները, «Լավագույն ձայնային էֆեկտներ» մրցանակի հանձնման համար բեմ դուրս գալուց, սայթաքում է։ Նա վայր չի ընկնում, սակայն կորցնում է հավասարակշռությունը, որից հետո կատակով մեկնաբանում է. «Ես ինքս եմ կատարում իմ բոլոր հնարքները»։
Գարների հաջորդ ֆիլմը հանդիսանում է «Մուկ ու կատու» («Catch and Release») ռոմանտիկ կատակերգությունը։ Նաև նա հնչյունավորում է կերպարներից մեկը «Շառլոտայի սարդոստայնը» ֆիլմում, թողարկված 2006 թվականի դեկտեմբերին։ Գարները հիմնադրել է «Vandalia Films» պրոդյուսերական ընկերությունը, որի առաջին ֆիլմը թողարկվում է 2007 թվականին։ Ինքը՝ Ջենիֆերը, հանդիսանում է ընկերության երկու ֆիլմերի պրոդյուսեր՝ «Լինել քեզ հետ» և «Արձակուրդ մեկը մյուսից»։ Նախատեսված էր Գարների մասնակցությունը Զակ Բրաֆի «Բաց սրտեր» ֆիլմում, սակայն նա լքում է նախագիծը, որպեսզի ավելի շատ ժամանակ անցկացնի ընտանիքի հետ։ 2007 թվականին թողարկվում է «Թագավորություն» («The Kingdom») ֆիլմը, որտեղ Գարները գլխավոր դերն է կատարում Ջեյմի Ֆոքսի հետ միասին։ 2007 թվականին Գարնիերը խաղում է Ջեյսոն Ռայթմանի «Ջունո» («Juno») ֆիլմում[8]։
Անձնական կյանք
խմբագրել
2000-2004 թվականներին Ջենիֆերն ամուսնացած էր դերասան Սքոթ Ֆոլիի (ծնված 1972 թվականին) հետ[9][10]։ Նրանք հանդիպել էին «Ֆելիսիթի»-ի նկարահանումների ժամանակ և բաժանման մասին հայտարարում են 2003 թվականին՝ անհաշտ տարաձայնությունների պատճառով։ Ամուսնալուծության գործընթացն ավարտվում է 2004 թվականի մարտին։
2005 թվականի հունիսի 29-ից Գարներն ամուսնացած է դերասան Բեն Աֆլեքի (ծնված 1972 թվականին) հետ[11]։ Ամուսնությունը տեղի է ունենում Թերքս և Քայքոս կղզիներում գտնվող Parrot Cay առողջարանում, մասնավոր արարողությունում։ Ամուսիններն ունեն երեք երեխա՝ երկու դուստր և որդի. Վայոլեթ Էնն Աֆլեք (ծնված 2005 թվականի դեկտեմբերի 1-ին)[12], Սերաֆինա Ռոուզ Էլիզաբեթ Աֆլեք (ծնված 2009 թվականի հունվարի 6-ին)[13] և Սեմյուել Գարներ Աֆլեք (ծնված 2012 թվականի փետրվարի 27-ին)[14][15]։ 2015 թվականի հունիսի 30-ին զույգը հայտարարում է իրենց բաժանման մասին[16]։
Հետապնդման միջադեպ
խմբագրել2002 թվականին Գարները հետապնդվում էր Սթիվեն Բուրկի կողմից, ով, վերջնական արդյունքում, ձերբակալվում է 2009 թվականի դեկտեմբերին՝ 2008 թվականի դատական արգելող որոշման խախտումից հետո[17]։ Բուրկը մեղադրվում է հետապնդման երկու կետով, որոնց հանդեպ նա իրեն մեղավոր չի ճանաչում՝ անմեղսագիտութան պատճառով։ 2010 թվականի մարտին նա անմեղսունակ է ճանաչվում և դատարանի որոշմամբ ուղարկվում է Կալիֆորնիայի պետական հագեբուժական հիվանդանոց, որպեսզի հեռու մնա Աֆլեքների ընտանիքից 10 տարվա ընթացքում, եթե դուրս գրվի հիվանդանոցից[18]։
Հակա-պապարացիական գործունեություն
խմբագրելԳարները գործունեություն է ձեռնարկում, որպեսզի պաշտպանի իր երեխաներին պապարացիներից։ 2013 թվականի օգոստոսին Գարները, Հոլլի Բերիի հետ, վկայություն են տալիս Ասամբլեայի հանձնաժողովին՝ ի նպաստ օրինագծի, որն անվանիների երեխաներին կպաշտպանի լուսանկարիչների հետապնդումից։ Օրինագիծը ընդունվում է 2013 թվականի սեպտեմբերին։
Ֆիլմագրություն
խմբագրելԴերակատարումներ
խմբագրել| Թիվ | Ֆիլմի անվանում | Բնօրինակ անվանում | Դեր | Ժանր | Ռեժիսոր | Խաղընկերներ |
|---|---|---|---|---|---|---|
| 1990 | Մեծ ներկայացումներ | Great Performances | Ռոքսեն | սերիալ, Դրամա, Երաժշտական |
Բրայան Լաորջ և այլք |
|
| 1990 - 2010 | Օրենքը և կարգը | Law & Order | Ջեյմի | սերիալ, Քրեական, Դրամա |
Կոնստանտին Մակրիս և այլք |
|
| 1995 | Զոյա | Zoya | Սաշա | Մելոդրամա, Դրամա |
Ռիչարդ Ա. Կոլլա | |
| 1996 | Հրե բերք | Harvest of Fire | Սառա Թրոյեր | Դրամա, Քրեական |
Արթուր Ալան Սեյդելմեն | |
| 1996 | Մեռյալի զբոսանքը | Dead Man's Walk | Կլարա Ֆորսիթ | մինի սերիալ, Վեստեռն |
Իվ Սիմոնո | |
| 1996 - 2002 | Շրջադարձերի քաղաքը | Spin City | Բեքի | սերիալ | Էնդի Կեդիֆ և այլք |
Մայքլ Ջ. Ֆոքս |
| 1996 - 2000 | Ձևացնողը | The Pretender | Բիլլիե Հ. Վագն / Դուփրի | սերիալ, Ֆանտաստիկ, Դետեկտիվ |
Ֆրեդերիկ Կինգ Կելլեր և այլք |
|
| 1996 | Սվիֆթի արդարադատությունը | Swift Justice | Էլիսոն | սերիալ, Մարտական |
Ջեյմ Ալեքսանդր և այլք |
|
| 1997 | Ռոուզ Հիլ | Rose Hill | Մերի Ռոզ Քլայբորն / Վիկտորիա Էլիոթը 17 տարեկանում | Վեստեռն | Քրիստոֆեր Քեյն | |
| 1997 | Քանդելով Հարիին | Deconstructing Harry | էլեվաթորի կինը / Հարիի կերպարը | Դրամա, Կատակերգություն |
Վուդի Ալեն | Դեմի Մուր, Ռոբին Ուիլյամս |
| 1997 | Վաշինգտոնի հրապարակը | Washington Square | Մերիան Ալմոնդ | Դրամա, Մելոդրամա |
Անգեշկա Հոլանդ | |
| 1997 | Պարոն Մագուն | Mr. Magoo | Սթեյսի Սամփանահոդիտրա | Կատակերգություն, Արկածային, Ընտանեկան |
Ստենլի Տոնգ | Լեսլի Նիլսեն |
| 1997 | Խաղացողը | The Player | Սելիա Լևիսոն | Մարկ Պիզարսկի | ||
| 1997 | Ըստ Հարմի մեթոդի | In Harm's Way | Քելլի | Կարճամետրաժ | Փիթեր Սոբիչ կրտսեր | |
| 1998 | Աղջիկներ և տղաներ | 1999 | Աննաբել | Դրամա, Կատակերգություն |
Նիկ Դևիս | Ամանդա Փիթ |
| 1998 - 1999 | Ֆանտազիաների կղզին | Fantasy Island | Սելլի | սերիալ, Ֆենտեզի, Դրամա |
Պերի Լենգ և այլք |
Մալկոլմ Մակդաուել |
| 1998 - 2002 | Ֆելիսիթի | Felicity | Հանա Բիբ | սերիալ, Դրամա |
Լոուրենս Ֆիլինգ և այլք |
|
| 1999 - 2000 | Քո կյանքի ժամանակը | Time of Your Life | Ռոմի Սալիվան | սերիալ, Դրամա |
Գարի Ուայներ և այլք |
Ջենիֆեր Լավ Հյուիթ |
| 1999 | Խուճափ Նյու Յորքում | Aftershock։ Earthquake in New York | Դիանա Ագոստինի | Մարտական | Միքայել Սողոմոն | |
| 2000 | Որտե՞ղ է իմ մեքենան, ընկեր | Dude, Where's My Car? | Վանդա | Ֆանտաստիկ, Կատակերգություն |
Դենի Լեյներ | Էշթոն Քաթչեր, Շոն Ուիլյամ Սքոթ |
| 2001 | Պեռլ Հարբոր | Pearl Harbor | բույժքույր Սանդրա | Մելոդրամա, Դրամա, Ռազմական |
Մայքլ Բեյ | Բեն Աֆլեք, Ջոշ Հարթնեթ, Քեյթ Բեքինսեյլ, Ալեք Բոլդուին |
| 2001 | Վայրէջք Ռեննիում | Rennie's Landing | Կիլի Բրեդշոու | Դրամա | Մարկ Ֆուսկո | |
| 2001 - 2006 | Լրտեսուհին | Լրտեսուհին | Սինդի Բրիսթոու | սերիալ, Մարտական, Դետեկտիվ |
Քեն Օլին և այլք |
Վիկտոր Գարբեր |
| 2002 | Բռնիր ինձ, եթե կարող ես | Catch Me If You Can | Չերիլ Էն | Կատակերգություն, Քրեական, Կենսագրական |
Սթիվեն Սփիլբերգ | Մելոդրամա, Լեոնարդո ԴիԿապրիո, Թոմ Հենքս, Քրիստոֆեր Ուոքեն, Մարտին Շին, Նաթալի Բեյ, Էմի Ադամս |
| 2003 | Թոկից փախածը | Թոկից փախածը | Էլեկտրա Նատչիոուս | Ֆանտաստիկ, Մարտական |
Մարրկ Սթիվեն Ջոնսոն | Բեն Աֆլեք, Քոլին Ֆարել, Մայքլ Կլարկ Դունկան, Ջոն Ֆավրո |
| 2004 | 13-ից 30 | Going on 30 | Ջենա Ռինկ | Ֆանտաստիկ, Կատակերգություն |
Գարի Վինիկ | Մարկ Ռուֆալո |
| 2004 | Անիմացիոն տարածք. Տրիբունալ | The Animated Լրտեսուհին։ Tribunal | Սինդի Բիսթրոու (հնչյունավորում) | Կարճամետրաժ, Մուլտֆիլմ |
Դևիդ Լիփսոն | |
| 2005 | Էլեկտրա | Elektra | Էլեկտրա Նատչիոուս | Ֆենտեզի, Մարտական |
Ռոբ Բոումեն | |
| 2006 | Մուկ ու կատու | Catch and Release | Գրեյ | Մելոդրամա, Կատակերգություն |
Սյուզաննա Գրանտ | |
| 2007 | Թագավորություն | The Kingdom | Ջանեթ Մայես | Մարտական | Փիթեր Բերգ | Ջեյսոն Բեյթման |
| 2007 | Ջունո | Juno | Վանեսա Լորինգ | Մելոդրամա, Կատակերգություն |
Ջեյսոն Ռայթման | Էլեն Փեյջ, Ջեյսոն Բեյթման |
| 2009 | Սիրանո դե Բերժերակ | Cyrano de Bergerac | Ռոքսեն | Մելոդրամա, Կատակերգություն |
Մեթյու Դայմոնդ | |
| 2009 | Նախկին ընկերուհիների ուրվականները | Ghosts of Girlfriends Past | Ջինի Պիրոտի | Մելոդրամա, Կատակերգություն, Ֆենտեզի |
Մարկ Ս. Ուոթերս | Մեթյու Մակքոնահի, Մայքլ Դուգլաս, Բրեկին Մեյեր, Լեյսի Շաբեր, Ռոբերտ Ֆորսթեր |
| 2009 | Ստի հայտնագործումը | The Invention of Lying | Աննա Մակդուգլաս | Մելոդրամա | Ռիկի Ջերվեյս, Մեթյու Ռոբինսոն |
|
| 2010 | Սուրբ Վալենտինի օրը | Valentine's Day | Ջուլիա Ֆրիցպատրիկ | Դրամա, Կատակերգություն |
Գարի Մարշալ | Քեթի Բեյթս, Ջեսիկա Բիլ, Բրեդլի Կուպեր, Ջեսիկա Ալբա, Էն Հետուեյ, Էշթոն Քաթչեր, Թեյլոր Լոտներ, Ջուլիա Ռոբերտս, Էմմա Ռոբերտս |
| 2011 | Արթուր. Իդեալական միլիոնատերը | Arthur | Սուսան Ջոնսոն | Մելոդրամա, Կատակերգություն |
Ջեյսոն Ուայներ | Հելեն Միրեն |
| 2012 | Թիմոթի Գրինի արտասովոր կյանքը | The Odd Life of Timothy Green | Սինդի Գրին | Ֆենտեզի, Դրամա |
Փիթեր Հեջես | |
| 2011 | Կարագ | Butter | Լաուրա Փիկլեր | Կատակերգություն | Ջին Ֆիլդ Սմիթ | Ալիսիա Սիլվերսթոուն |
| - | Արձակուրդ մեկը մյուսից | Sabbatical | Դետեկտիվ |
Պրոդյուսեր
խմբագրել| Թիվ | Ֆիլմի անուն | Բնօրինակի անվանումը |
|---|---|---|
| 2001 - 2006 | Լրտեսուհին (սերիալ) | Լրտեսուհին (17 էպիզոս, 2005-2006) |
| 2011 | Կարագ | Butter |
| - | Արձակուրդ մեկը մյուսից | Sabbatical |
Մրցանակներ և անվանակարգումներ
խմբագրել| Թվական | Մրցանակ | Կատեգորիա | Ֆիլմ | Արդյունք |
|---|---|---|---|---|
| 2002 | Ոսկե Գլոբուս | Լավագույն դերասանուհի հեռուստասերիալում կամ դրամայում | Լրտեսուհին | Հաղթանակ |
| 2002 | Էմմի | Առաջատար դերասանուհի դրամայում | Լրտեսուհին | Առաջադրված |
| 2003 | Ոսկե Գլոբուս | Լավագույն դերասանուհի հեռուստասերիալում կամ դրամայում | Լրտեսուհին | Առաջադրված |
| 2003 | MTV Movie Awards | Լավագույն կանացի առաջընթաց | Թոկից փախածը | Հաղթանակ |
| 2003 | MTV Movie Awards | Լավագույն համբույր (Բեն Աֆլեքի հետ) | Թոկից փախածը | Առաջադրված |
| 2003 | Էմմի | Առաջատար դերասանուհի դրամայում | Լրտեսուհին | Առաջադրված |
| 2003 | Սպուտնիկ | Լավագույն դերասանուհի հեռուստասերիալում կամ դրամայում | Լրտեսուհին | Առաջադրված |
| 2003 | Սատուռն | Լավագույն հեռուստատեսային դերասանուհի | Լրտեսուհին | Հաղթանակ |
| 2004 | Էմմի | Առաջատար դերասանուհի դրամայում | Լրտեսուհին | Առաջադրված |
| 2004 | Ոսկե Գլոբուս | Լավագույն դերասանուհի հեռուստասերիալում կամ դրամայում | Լրտեսուհին | Առաջադրված |
| 2004 | Սպուտնիկ | Լավագույն դերասանուհի հեռուստասերիալում կամ դրամայում | Լրտեսուհին | Առաջադրված |
| 2004 | Սատուռն | Լավագույն հեռուստատեսային դերասանուհի | Լրտեսուհին | Առաջադրված |
| 2004 | ԱՄՆ կինոդերասանների գիլդիա | Լավագույն կանացի դեր դրամատիկական սերիալում | Լրտեսուհին | Հաղթանակ |
| 2004 | Teen Choice Awards | Լավագույն հեռուստադերասանուհի դրամայում | Լրտեսուհին | Հաղթանակ |
| 2004 | Teen Choice Awards | Լավագույն հեռուստադերասանուհի կատակերգությունում | 13-ից 30 | Առաջադրված |
| 2004 | Teen Choice Awards | Լավագույն զայրույթ | 13-ից 30 | Առաջադրված |
| 2004 | Teen Choice Awards | Լավագույն դիմահարդարում | 13-ից 30 | Առաջադրված |
| 2004 | Teen Choice Awards | Լավագույն համբույր (Մարկ Ռուֆալոյի հետ) | 13-ից 30 | Առաջադրված |
| 2004 | Teen Choice Awards | Լավագույն քիմիա (Մարկ Ռուֆալոյի հետ) | 13-ից 30 | Առաջադրված |
| 2005 | Էմմի | Լավագույն դերասանուհի դրամայում | Լրտեսուհին | Առաջադրված |
| 2005 | Ոսկե Գլոբուս | Լավագույն դերասանուհի հեռուստասերիալում կամ դրամայում | Լրտեսուհին | Առաջադրված |
| 2005 | MTV Movie Awards | Լավագույն երաժշտական ներկայացում (Մարկ Ռուֆալոյի հետ) | 13-ից 30 | Առաջադրված |
| 2005 | MTV Movie Awards | Լավագույն երաժշտական ներկայացում (Նաթասիա Մալթեի հետ) | Էլեկտրա | Առաջադրված |
| 2005 | Սպուտնիկ | Լավագույն դերասանուհի հեռուստասերիալում կամ դրամայում | Լրտեսուհին | Առաջադրված |
| 2005 | Սատուռն | Լավագույն հեռուստատեսային դերասանուհի | Լրտեսուհին | Առաջադրված |
| 2005 | ԱՄՆ կինոդերասանների գիլդիա | Լավագույն կանացի դեր դրամատիկական սերիալում | Լրտեսուհին | Հաղթանակ |
| 2005 | Teen Choice Awards | Լավագույն հեռուստադերասանուհի դրամայում | Լրտեսուհին | Առաջադրված |
| 2005 | Teen Choice Awards | Լավագույն քիմիա (Մայքլ Վարդանի հետ) | Լրտեսուհին | Առաջադրված |
| 2005 | Teen Choice Awards | Լավագույն դերասանուհի թրիլերում կամ արկածային ֆիլմում | Էլեկտրա | Առաջադրված |
| 2005 | Teen Choice Awards | Կարմիր գորգի մոդային կանացի դեմք | Առաջադրված | |
| 2006 | Սատուռն | Լավագույն հեռուստատեսային դերասանուհի | Լրտեսուհին | Առաջադրված |
| 2007 | Օնլայն կինոքննադատների միություն | Երկրորդ պլանի լավագույն դերասանուհի | Ջունո | Առաջադրված |
| 2007 | Կինոքննադատների Ասոցիացիա | Լավագույն դեր | Ջունո | Առաջադրված |
| 2014 | ԱՄՆ կինոքննադատների գիլդիա | Ականավոր դերեր կինոֆիլմերում | Դալլաս ակումբի գնորդները | Առաջադրված |
Աղբյուրներ
խմբագրել- Ջենիֆեր Գարներ (անգլ.) Internet Movie Database կայքում
- Jennifer Garner at Emmys.com
Ծանոթագրություններ
խմբագրել- ↑ 1,0 1,1 1,2 1,3 1,4 1,5 «kinopoisk». Վերցված է 2015 Նոյեմբերի 26-ին.
- ↑ 2,0 2,1 2,2 Pas L. v. Genealogics — 2003.
- ↑ Murray, R, Interview with Jennifer Garner Արխիվացված 2011-09-27 Wayback Machine. About.com. 12 апреля 2004.
- ↑ All Movie Guide, Jennifer Garner Արխիվացված 2014-09-08 Wayback Machine. Նյու Յորք Թայմս.
- ↑ Susman, G, «Spy vs. Spine Արխիվացված 2008-11-23 Wayback Machine». Entertainment Weekly. 6 января 2005.
- ↑ The Celebrity 100. Forbes.
- ↑ Jennifer Garner. Forbes.
- ↑ [1] Արխիվացված 2009-08-07 Wayback Machine [2]
- ↑ Susman, G. «Syd Dishes(չաշխատող հղում)». Entertainment Weekly. May 30, 2003. Retrieved on December 12, 2006.
- ↑ Bonin, L. «Felicitous Split Արխիվացված 2007-10-15 Wayback Machine». Entertainment Weekly. October 15, 2003. Retrieved on December 13, 2006.
- ↑ «Ben Affleck & Jennifer Garner Wed». People. 2005 թ․ հունիսի 30. Արխիվացված օրիգինալից 2012 թ․ փետրվարի 20-ին. Վերցված է 2008 թ․ հունիսի 5-ին.
- ↑ «Ben & Jen's Baby Violet Settles In». People. 2005 թ․ դեկտեմբերի 8. Արխիվացված է օրիգինալից 2016 թ․ մարտի 3-ին. Վերցված է 2009 թ․ հունվարի 15-ին.
- ↑ «Ben Affleck and Jennifer Garner name daughter Seraphina». The Daily Telegraph. Արխիվացված օրիգինալից 2012 թ․ փետրվարի 20-ին. Վերցված է 2010 թ․ փետրվարի 13-ին.
- ↑ «Jennifer Garner and Ben Affleck Welcome Third Child». People. Արխիվացված օրիգինալից 2012 թ․ հունիսի 3-ին. Վերցված է 2012 թ․ փետրվարի 28-ին.
- ↑ «Jennifer Garner, Ben Affleck Name Son Samuel Garner Affleck!». Us Weekly. Արխիվացված օրիգինալից 2012 թ․ հունիսի 3-ին. Վերցված է 2012 թ․ փետրվարի 29-ին.
- ↑ Christie D'Zurilla. (2015 թ․ հուլիսի 1). «Ben Affleck, Jennifer Garner are getting a divorce after 10 years of marriage» (անգլերեն). Los-Angeles Times. Արխիվացված է օրիգինալից 2012 թ․ հոկտեմբերի 6-ին. Վերցված է 2015 թ․ հուլիսի 1-ին.
- ↑ «Jennifer Garner 'stalker' sent to mental hospital». BBC News. 2010 թ․ մարտի 31. Վերցված է 2010 թ․ մարտի 31-ին.
- ↑ Millat, Caitlin (2010 թ․ մարտի 30). «Judge Finds Accused Ben Affleck, Jennifer Garner Stalker Insane». NBCWashington.com. Վերցված է 2010 թ․ մարտի 30-ին.
 | Վիքիպահեստն ունի նյութեր, որոնք վերաբերում են «Ջենիֆեր Գարներ» հոդվածին։ |