Ռախիմ Աբրամով
Ռախիմ Աբրամով (ռուս.՝ Рахим Абрамов, մարտի 15, 1998, Ուզբեկստան), ռուս հիփ հոփ կատարող և տեսաբլոգեր (տիկտոկեր)։ Առավել հայտնի է իր «Fendi» երգով։ Ռուսաստանի ամենաբարձր վարձատրվող տիկտոկերն է[1]։
| Ռախիմ Աբրամով | |
|---|---|
 | |
| Ծնվել է | մարտի 15, 1998 (26 տարեկան) |
| Ծննդավայր | Ուզբեկստան |
| Քաղաքացիություն |  Ուզբեկստան |
| Մասնագիտություն | վիդեո բլոգեր և ռեփեր |
 Rakhim Abramov Վիքիպահեստում | |
Վաղ կյանք
խմբագրելԾնվել է 1998 թվականի մարտի 15-ին, Սիբիրում։ Ունի երկու եղբայր։
Պատանեկության տարիներին զբաղվել է ֆուտբոլով, վոլեյբոլով և բասկետբոլով։ Ուսման համար տեղափոխվել է Չիտա, սակայն նրան չեն ընդունել տեխնիկում։ Ավելի ուշ Ռախիմը գործուղվել է Մոսկվա, ծրագրավորում է սովորել[1][2]։
Կարիերա
խմբագրելՊատմության և կերպարվեստի ուսուցիչները ոգևորել են Ռախիմին ստեղծել սեփական կատակերգական տեսանյութեր, որոնք նա տեղադրել է ցանցում։ Աբրամովը ՅուԹյուբում ստեղծել է ալիք, բայց այն նրան հաջողություն չի բերել։ 2018 թվականին սկսել է կարճ տեսանյութեր տեղադրել Ինստագրամում։ Նույն տարում նա TikTok-ում օգտանուն է բացել, որը նրան հայտնիություն է բերել։
2019 թվականին սկսել է իր առաջին երգերը ձայնագրել, դրանցից ամենահաջողը դարձել էր «Ո՞վ է քեզ ասել» երգը, որը նա ձայնագրել է մի քանի ժամվա ընթացքում։ Երգի պրոդյուսերը եղել է Slava Marlow-ն[3]։
2020 թվականի հուլիսի 17-ին Ռախիմը թողարկել է «Fendi» սինգլը, որը դարձել է ամենահայտնին նրա կարիերայում[4]։
2020 թվականի սեպտեմբերի 25-ին թողարկվել է «Milly Rock» երգը[5]։
2020 թվականի հոկտեմբերի 2-ին թողարկվել է «Fendi» երգի տեսահոլովակը[6]։
Կոնֆլիկտներ
խմբագրելԳանվեստ
խմբագրել2020 թվականի սեպտեմբերին ռուս ռեփեր Գանվեստը թողարկել է «Fendi2» երգը, որն ամբողջությամբ կրկնօրինակվել էր Ռախիմի «Fendi» երգի կրկներգից։ Երգի թողարկումից առաջ Ռուսլանը գրել է. «Կա միայն մեկ բնօրինակ, և դա իմն է»։ Դա դուր չի եկել Ռախիմին, որի արդյունքում նրանց միջև վեճ է ծագել[7]։
T-Fest
խմբագրել2020 թվականի սեպտեմբերի 24-ին Ռախիմը Ինստագրամում հրապարակել է հատված «Milly Rock» երգից։ Երկրպագուները մեղադրել են նրան T-Fest-ի գործիքային մասերից գողանալու համար։ Ավելի ուշ Ռախիմը Ինստագրամ-պատմություն է հրապարակել, որտեղ նա հարցրել է. «Ինչո՞ւ են ինձ գրում, որ ես գողացել եմ քո բիթը, T-Fest»: The Limba-ն պարզաբանել է իրադրությունը, ասելով, որ գործիքավորումը վարձակալվել է[8]։
Սկավառակագրություն
խմբագրելՍինգլներ Որպես գլխավոր կատարող
| Թվական | Անվանում | Ալբոմ |
|---|---|---|
| 2020 | «Միամիտ աղջիկը» | Ալբոմից դուրս սինգլներ |
| «Թվիթեր» | ||
| «Ո՞վ է քեզ ասել» | ||
| «Ես չեմ ուզում քնել» | ||
| «Drug» | ||
| «Fendi» | ||
| «Milly Rock» | ||
| «Rockstar» (Qontrast-ի հետ միասին) | ||
| «Big Money» | ||
| 2021 | «Fendi» (R3hab & Smokepurpp-ի հետ միասին) | |
| «Beasty» (TLK-ի հետ միասին) | ||
| «Կապույտ Lamborghini» |
Մրցանակներ, առաջադրումներ
խմբագրել| Թվական | Մրցանակ | Անվանակարգ | Արդյունք | Աղբյուր |
|---|---|---|---|---|
| 2020 | 2020 թվականի արդյունքներն ըստ «ТНТ Music» հեռուստաալիքի տարբերակների | Տարվա լավագույն տիկտոկեր | Առաջադրված | 10-րդ տեղ[9] |
Ծանոթագրություններ
խմբագրել- ↑ 1,0 1,1 «Из вайнеров в рэперы: Рахим Абрамов о раскрутке на TikTok и музыкальной карьере». Forbes.ru (ռուսերեն). Վերցված է 2020 թ․ նոյեմբերի 20-ին.
- ↑ «Как простой парень из Сибири Рахим Абрамов заработал миллионы в тиктоке и стал музыкантом». GQ Россия. Վերցված է 2020 թ․ նոյեմբերի 20-ին.
- ↑ «Кто такой Рахим Абрамов и почему о нем все говорят?». muz-tv.ru (ռուսերեն). Արխիվացված է օրիգինալից 2020 թ․ հուլիսի 21-ին. Վերցված է 2020 թ․ նոյեմբերի 20-ին.
- ↑ «Рахим Абрамов выпустил свой новый трек «Fendi» | Журнал Cosmopolitan». www-cosmo-ru.cdn.ampproject.org. Արխիվացված է օրիգինալից 2021 թ․ մայիսի 15-ին. Վերցված է 2020 թ․ նոյեմբերի 20-ին.
- ↑ Никита Данилов. «Rakhim выпустил мощный бэнгер «Milly Rock»». POPCAKE (ռուսերեն). Վերցված է 2020 թ․ նոյեմբերի 20-ին.
- ↑ «Самый высокооплачиваемый русскоязычный тиктокер Рахим Абрамов показал новый клип | Канобу». kanobu.ru. Վերցված է 2020 թ․ նոյեմբերի 20-ին.
- ↑ «Ганвест - биография, новости, фото, личная жизнь, музыка, социальные сети». www.mtv.ru. Արխիվացված է օրիգինալից 2020 թ․ դեկտեմբերի 2-ին. Վերցված է 2020 թ․ նոյեմբերի 20-ին.
- ↑ «Rakhim сплагиатил бит у T-Fest? - Музыка Первого». www.muz1.tv (ռուսերեն). Արխիվացված է օրիգինալից 2020 թ․ հոկտեմբերի 21-ին. Վերցված է 2020 թ․ նոյեմբերի 20-ին.
- ↑ «Голосование: Лучший тиктокер 2020». ТНТ MUSIC. 2020 թ․ դեկտեմբերի 23. Վերցված է 2021 թ․ հունվարի 25-ին.
 | Վիքիպահեստն ունի նյութեր, որոնք վերաբերում են «Ռախիմ Աբրամով» հոդվածին։ |