Ռասուլ Չունաև
Ռասուլ Աբաքար օկլի Չունաև (ադրբ.՝ Rəsul Abakar oğlu Çunayev, հունվարի 7, 1991, Yeni Şərif, Balakan District, Ադրբեջանական ԽՍՀ, ԽՍՀՄ), Ադրբեջանը ներկայացնող հունահռոմեական ոճի ըմբիշ[1], 2016 թվականին Ռասուլ Չունաևը Բրազիլիայի Ռիո դե Ժանեյրո քաղաքում անցկացված XXXI ամառային օլիմպիական խաղերում նվաճել է բրոնզե մեդալ[2]։
| Ռասուլ Չունաև | |
|---|---|
 | |
| Անձնական տեղեկություն | |
| Սեռ՝ | արական |
| Մասնագիտացում՝ | ըմբիշ |
| Երկիր՝ |  Ադրբեջան |
| Ծննդյան ամսաթիվ՝ | հունվարի 7, 1991 (33 տարեկան) |
| Ծննդավայր՝ | Yeni Şərif, Balakan District, Ադրբեջանական ԽՍՀ, ԽՍՀՄ |
| Հասակ՝ | 1,71 մետր |
Կենսագրություն
խմբագրելՌասուլ Աբաքար օղլու Չունաևը ծնվել է 1991 թվականի հունվարի 7-ին Բալաքեն շրջանի Ենի Շարիֆ գյուղում։ 1999-2010 թվականներին Ռասուլ Չունաևը սովորել է Ենի Շարիֆ գյուղի միջնակարգ դպրոցում, իսկ 2010-2014 թվականներին բարձրագույն կրթություն է ստացել Ադրբեջանի պետական ֆիզիկական դաստիարակության և սպորտի ակադեմիայում[3]:
Ռասուլ Չունաևը հաղթել է նաև 2015 թվականին ԱՄՆ-ի Լաս Վեգաս քաղաքում կայացած աշխարհի առաջնությունում։ 2013 թվականին նա հաղթել է Կազանի ունիվերսիադայում։
Ռասուլ Չունաևը 2015 թվականին նվաճել է Ադրբեջանում 1-ին Եվրոպական խաղերի ոսկե մեդալ: Նա 2014 և 2018 թվականներին նվաճել է նաև Եվրոպայի առաջնությունների արծաթե մեդալներ։
Ռասուլ Չունաևը Ադրբեջանի նախագահ Իլհամ Ալիևի 2015 թվականի հունիսի 29-ի հրամանագրով պարգևատրվել է Փառքի շքանշանով[4], իսկ Իլհամ Ալիևի 2016 թվականի օգոստոսի 22-ի հրամանագրով՝ Ադրբեջանի նախագահի Պատվո շքանշանով[5]։
Իր կարիերայի ընթացքում Ռասուլ Չունաևը մասնակցել է 37 միջազգային մրցումների և նվաճել 13 ոսկե, 6 արծաթե և 12 բրոնզե մեդալ։
Ծանոթագրություններ
խմբագրել- ↑ Азербайджанец Чунаев – чемпион мира в греко-римской борьбе в категории до 71 кг
- ↑ Rasul Chunayev at the International Wrestling Database
- ↑ news.milli.az
- ↑ "I Avropa Oyunları qaliblərinin və Azərbaycan idmanında xidmətləri olan şəxslərin təltif edilməsi haqqında Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamı"
- ↑ Azərbaycan Milli Olimpiya komandası üzvlərinin “Azərbaycan Respublikası Prezidentinin fəxri diplomu” ilə təltif edilməsi haqqında