Ռուբեն Աղամիրզյան

Վիքիպեդիայում կան հոդվածներ Աղամիրզյան ազգանունով այլ մարդկանց մասին։

Ռուբեն Սերգեյի Աղամիրզյան (դեկտեմբերի 20, 1922(1922-12-20), Թիֆլիս, ԱԽՖՍՀ - հոկտեմբերի 26, 1991(1991-10-26), Սանկտ Պետերբուրգ, ՌԽՖՍՀ, ԽՍՀՄ), հայ բեմադրիչ, դերասան, մանկավարժ։ Վրացական ԽՍՀ արվեստի վաստակավոր գործիչ (1972), ԽՍՀՄ ժողովրդական արտիստ (1983):

Ռուբեն Աղամիրզյան
Ծննդյան թիվ՝	դեկտեմբերի 20, 1922(1922-12-20)
Ծննդավայր՝	Թիֆլիս, ԱԽՖՍՀ
Վախճանի թիվ՝	հոկտեմբերի 26, 1991(1991-10-26) (68 տարեկան)
Վախճանի վայր՝	Սանկտ Պետերբուրգ, ՌԽՖՍՀ, ԽՍՀՄ
Քաղաքացիություն՝	ԽՍՀՄ
Մասնագիտություն՝	դերասան, մանկավարժ և թատերական ռեժիսոր
Պարգևներ՝	և

Կենսագրություն

Ռուբեն Աղամիրզյանը ծնվել է Թիֆլիսում։ 1953 թվականին ավարտել է Լենինգրադի թատերարվեստի ինստիտուտը։ 1953 թվականից դասավանդել է նույն ինստիտուտում, պրոֆեսոր` 1975 թվականից, 1975-1985 թվականներին` ամբիոնի վարիչ։ 1961–1966 թվականներին եղել է Լենինգրադի դրամատիկական մեծ թատրոնի ռեժիսոր, 1966 թվականից` Կոմիսարժևսկայայի անվան թատրոնի գլխավոր ռեժիսոր։ Պիեսներ է բեմադրել նաև Ֆինլանդիայի, Չեխոսլովակիայի, Հունգարիայի թատրոններում։

Բեմադրություններ

• Դրուցեի «Սրբություն սրբոց»
• Բուլգակովի «Տուրբինների օրերը», «Բորիս թագավորը» (ԽՍՀՄ պետական մրցանակ, 1984)
• Ալյոշինի «Դիվանագետը»

Պարգևներ

• Վրացական ԽՍՀ արվեստի վաստակավոր գործիչ, 1972
• ԽՍՀՄ ժողովրդական արտիստ, 1983
• ԽՍՀՄ Պետական մրցանակ, 1984
• Լենինի շքանշան
• Պատվո շքանշան
• Հայրենական պատերազմի շքանշան

Երկեր

• Ժամանակ։ Թատրոն։ Ռեժիսոր, Լենինգրադ, 1987։
• Իմ մասնագիտությունը՝ թատրոն, Ս. Պետերբուրգ, 2002։

Արտաքին հղումներ

• Աշոտ Գրիգորյան․ Ռուբեն Աղամիրզյան-100, Ազգ թերթ, 2022