Ռուբեն Ռուբենով

	Ռուբեն Ռուբենով
Կուսակցություն՝	ԽՄԿԿ
Մասնագիտություն՝	քաղաքական գործիչ
Ծննդյան օր	հունիսի 5, 1893
Ծննդավայր	Թիֆլիս, Ռուսական կայսրություն
Վախճանի օր	նոյեմբերի 27, 1937 (44 տարեկան)
Վախճանի վայր	Մոսկվա, ԽՍՀՄ
Թաղված	Բուտովոյի հրաձգարան
Քաղաքացիություն	ԽՍՀՄ

Ռուբեն Ղուկասովիչ (Լուկյանովիչ) Ռուբենով (Մկրտչյան)^[1](հունիսի 5, 1893(1893-06-05), Թիֆլիս, Ռուսական կայսրություն - նոյեմբերի 27, 1937(1937-11-27), Մոսկվա, ԽՍՀՄ), խորհրդային հեղափոխական, կուսակցական և պետական գործիչ։ Ադրբեջանի բոլշևիկյան համամիութենական կոմունիստական կուսակցության Կենտկոմի առաջին քարտուղար (02/07/1933 - 12/10/1933)։

Կենսագրություն

Ծնվել է 1893 թվականին Թիֆլիսում, հայ աշխատավորի ընտանիքում։ 1914 թվականին անդամագրվել է ՌՍԴԲԿ-ին։ Ցարական ռեժիմի օրոք բազմիցս ձերբակալվել է։ Եղել է Հարավային Կովկասում խորհրդային իշխանության համար պայքարի կազմակերպիչներից։ 1918 թվականից զբաղվել է կուսակցական և պետական աշխատանքով, ղեկավարել է հակահեղափոխության ուժերի ջախջախումը Անդրկովկասում։ 1933 թվականին եղել է Ադրբեջանի Կոմկուսի Կենտկոմի առաջին քարտուղար և պաշտոնավարել է մինչև նույն տարվա դեկտեմբերի 10-ը, երբ նրան փոխարինել է Միր Ջաֆար Բաղիրովը^[2]։ 1934 թվականին նշանակվել է Ուկրաինական Խորհրդային Սոցիալիստական Հանրապետության) Կիևի մարզի Կուսակցական Վերահսկիչ Կոմիտեի լիազոր ներկայացուցիչ^[3]։

1937 թվականի սեպտեմբերի 15-ին ձերբակալվել է «տրոցկիստական ահաբեկչական կազմակերպությանը մասնակցելու» մեղադրանքով։ Նոյեմբերի 27-ին Գերագույն դատարանի զինվորական կոլեգիան նրան մահապատժի է դատապարտել, նույն օրը նրան գնդակահարել են Բուտովոյի հրաձգարանում։

1954 թվականի նոյեմբերի 17-ին ԽՍՀՄ Գերագույն դատարանի ռազմական կոլեգիայի որոշմամբ հետմահու ռեաբիլիտացիայի է ենթարկվել։ 1956 թվականին ԽՄԿԿ Թբիլիսիի մարզային կոմիտեն վերականգնել է կուսակցության շարքերում։ Երևանի փողոցներից մեկը կոչվել է Ռուբեն Ռուբենովի անունը (ներկայումս՝ Փավստոս Բյուզանդի փողոց)։

Ծանոթագրություններ

↑ Реабилитация: как это было. Документы Президиума ЦК КПСС и другие материалы. В 3-х томах. Том 1. Март 1953 - февраль 1956.. — М.: МФД, 2000. — С. 452.
↑ «Azerbaijan SSR». Վերցված է 2012 թ․ հունվարի 24-ին.
↑ Davies, Robert William (2003). Stalin-Kaganovich correspondence, 1931-1936. Yale University Press. էջ 408. ISBN 0-300-09367-5. Վերցված է 2012 թ․ հունվարի 24-ին.

Արտաքին հղումներ

Կուսակցությունից զբաղեցրած քաղաքական պաշտոններ
Նախորդող՝ Վլադիմիր Պոլոնսկի	Ադրբեջանի կոմունիստական կուսակցության առաջին քարտուղար 1933–1933	Հաջորդող՝ Միր Ջաֆար Բաղիրով

[1] Реабилитация: как это было. Документы Президиума ЦК КПСС и другие материалы. В 3-х томах. Том 1. Март 1953 - февраль 1956.. — М.: МФД, 2000. — С. 452.

[2] «Azerbaijan SSR». Վերցված է 2012 թ․ հունվարի 24-ին.

[3] Davies, Robert William (2003). Stalin-Kaganovich correspondence, 1931-1936. Yale University Press. էջ 408. ISBN 0-300-09367-5. Վերցված է 2012 թ․ հունվարի 24-ին.

[1]

[2]

[3]