Սամվել Գասպարյան (ծանրամարտիկ)
Սամվել Ավետիսի Գասպարյան (նոյեմբերի 24, 1997, Հայաստան), հայ ծանրամարտիկ, 2021 և 2023 թվականների Եվրոպայի չեմպիոն, 2019 և 2022 թվականների Եվրոպայի առաջնության արծաթե մեդալակիր, Եվրոպայի պատանեկան և 23 տարեկանների կրկնակի չեմպիոն (2015, 2019), 2023 թվականի Եվրոպայի չեմպիոն[1]։
| Սամվել Գասպարյան | |
|---|---|
 | |
| Անձնական տեղեկություն | |
| Սեռ՝ | արական |
| Մասնագիտացում՝ | ծանրամարտիկ |
| Երկիր՝ |  Հայաստան |
| Ծննդյան ամսաթիվ՝ | նոյեմբերի 24, 1997 (27 տարեկան) |
| Ծննդավայր՝ | Հայաստան |
Կենսագրություն
խմբագրել2013 թվականից հանդես է եկել միջազգային պատանեկան մրցաշարերում։ 2015 թվականին Լիտվայի Կլայպեդա քաղաքում տեղի ունեցած մինչև 20 տարեկանների ծանրամարտի Եվրոպայի առաջնության 94 կգ քաշային կարգում Սամվել Գասպարյանը երկամարտում ցույց է տվել 350 կգ արդյունք և դարձել Եվրոպայի չեմպիոն[2]։
2019 թվականին Վրաստանի Բաթում քաղաքում տեղի ունեցած ծանրամարտի Եվրոպայի առաջնության 102 կգ քաշային կարգում Սամվել Գասպարյանը երկամարտում գրանցել է 377 կգ (168+209) արդյունք։ Պոկում վարժությունում նա հաջող է կատարել միայն երրորդ մոտեցումը և ցուցադրել 5-րդ արդյունքը, իսկ հրում վարժությունում նվաճել փոքր արծաթե մեդալ[3][4]։
2019 թվականի սեպտեմբերի 18-27-ը Թաիլանդի Պատտայա քաղաքում տեղի ունեցած Ծանրամարտի աշխարհի առաջնությանը Սամվել Գասպարյանը 102 կգ քաշային կարգում պոկում առաջին մոտեցմամբ բարձրացրել 171 կգ, երկրորդին` 175 կգ և երրորդին` 178 կգ և այս ձևում նվաճել փոքր բրոնզե մեդալ։ Հրում վարժությանը Գասպարյանը գլխավերևում պահել է 212 կգ, սակայն 216 կգ մոտեցման ժամանակ վնասել է ոտքի մկանը և չի բարձրացրել պատվիրված քաշը։ Երկամարտի 390 կգ արդյունքով Սամվել Գասպարյանն աշխարհի առաջնությունում գրավել է 5-րդ տեղը։
2019 թվականին Ռումինիայի մայրաքաղաք Բուխարեստում տեղի ունեցած ծանրամարտի Եվրոպայի երիտասարդական առաջնությունում 109 կգ քաշային կարգում Սամվել Գասպարյանը դարձել է Եվրոպայի մինչև 23 տարեկանների չեմպիոն՝ երկամարտի 390 կգ արդյունքով։ Նա պոկել է 176 կգ ծանրաձողն ու փոքր արծաթ նվաճել, իսկ հրումում փոքր ոսկի է ապահովել՝ գլխավերևում պահելով 214 կգ կշռող ծանրաձողը[5]։
2021 թվականին Մոսկվայում կայացած Եվրոպայի մեծահասակների առաջնությունում մինչև 102 կգ քաշային կարգում Սամվել Գասպարյանը երկամարտի 390 կգ արդյունքով դարձել է Եվրոպայի չեմպիոն։ Նա պոկել է 176 կգ ծանրաձողն ու փոքր արծաթ նվաճել, իսկ հրումում 214 կգ արդյունքով նվաճել է փոքր ոսկե մեդալ[6]։
2023 թվականին Երևանում տեղի ունեցած Եվրոպայի առաջնությունում մինչև 109 կգ քաշային կարգում Սամվելը ոսկե մեդալ է նվաճել։ Հայազգի ծանրորդը երկու վարժությունների հանրագումարով՝ 395 կգ քաշով նվաճել է ոսկե մեդալ։ Նա նաև փոքր ոսկե մեդալի է արժանացել պոկում վարժությունում։
2024 թվականի սեպտեմբերին Սամվել Գասպարյանը հայտարարել է մարզական կարիերան ավարտելու մասին: Պատճառը ծնկների կրկնվող վնասվածքներն են[7]։
Նվաճումներ
խմբագրել| Արդյուն | Քաշ | Թվական | Մրցաշարի վայր | Հրում | Պոկում | Ընդհանուր քաշ |
 Բրոնզ |
մինչև 102 կգ | 2022 | Բոգոտա, Կոլումբիա | 175,0 | 214,0 | 389,0 |
| Արդյուն | Քաշ | Թվական | Մրցաշարի վայր | Հրում | Պոկում | Ընդհանուր քաշ |
 Արծաթ |
մինչև 102 կգ | 2019 | Բաթում, Վրաստան | 168,0 | 209,0 | 377,0 |
 Ոսկի |
մինչև 102 կգ | 2021 | Մոսկվա, Ռուսաստան | 176,0 | 214,0 | 390,0 |
| Արծաթ |
մինչև 102 կգ | 2022 | Տիրանա, Ալբանիա | 176,0 | 214,0 | 390,0 |
| Ոսկի |
մինչև 109 կգ | 2023 | Երևան, Հայաստան | 175,0 | 220,0 | 395,0 |
Ծանոթագրություններ
խմբագրել- ↑ Սամվել Գասպարյանը՝ ծանրամարտի Եվրոպայի չեմպիոն, Պետրոս Պետրոսյանը՝ բրոնզե մեդալակիր
- ↑ «Ապացուցելու բան ունեի ինքս ինձ. Եվրոպայի չեմպիոն Սամվել Գասպարյան».
- ↑ Կաղապար:Citweb
- ↑ «"Светлой памяти Юрия Варданяна посвящается": штангист Самвел Гаспарян взял серебро на ЧЕ». Sputnik Армения (ռուսերեն). Վերցված է 2020 թ․ հուլիսի 10-ին.
- ↑ «Ծանրորդ Սամվել Գասպարյանը դարձավ Մ23 տարեկանների Եվրոպայի չեմպիոն». armenpress.am. Վերցված է 2020 թ․ հուլիսի 10-ին.
- ↑ «2021 Senior European Championships - Moscow (RUS) Men 102 kg Group A - Apr, 10th @ 10:53». easywl.com. Արխիվացված է օրիգինալից 2021 թ․ ապրիլի 17-ին. Վերցված է 2021 թ․ ապրիլի 10-ին.
- ↑ «Ծանրորդ Սամվել Գասպարյանն ավարտում է սպորտային կարիերան». ԱՐՄԵՆՊՐԵՍ Հայկական լրատվական գործակալություն. 2024-09-23. Վերցված է 2024-09-23-ին.
Արտաքին հղումներ
խմբագրել- GASPARYAN SamvelARM(չաշխատող հղում)
 | Վիքիպահեստն ունի նյութեր, որոնք վերաբերում են «Սամվել Գասպարյան (ծանրամարտիկ)» հոդվածին։ |