Սավաննա (Ջորջիա)

Անվան այլ կիրառումների համար տե՛ս՝ Սավաննա (այլ կիրառումներ)

Սավաննա (անգլ.՝ Savannah), քաղաք ԱՄՆ-ի Ջորջիա նահանգում, Ատլանտյան օվկիանոսի ափին։ Նավահանգիստ Սավաննա գետի գետաբերանին։

Սավաննա
Savannah
Դրոշ
Երկիր	ԱՄՆ
Համայնք	Չաթհամ շրջան
Հիմնադրված է	1733 թ.
Մակերես	202,3 կմ²
ԲԾՄ	15 մետր
Բնակչություն	136 286 մարդ (2010 թվական)
Ժամային գոտի	UTC-5, ամառը UTC-4
Հեռախոսային կոդ	+1 912
Փոստային դասիչ	31401–31499
Պաշտոնական կայք	savannahga.gov​(անգլ.)
Սավաննա (Ջորջիա) (ԱՄՆ)
Սավաննա Վիքիպահեստում

Աշխարհագրություն

Ըստ ԱՄՆ-ի մարդահամարի բյուրոյի տվյալների Սավաննան ունի 202,3 քառակուսի կիլոմետր ընդհանուր տարածք, որից 193,5 քառակուսի կիլոմետրը՝ ցամաքային, իսկ 8,8 քառակուսի կիլոմետրը՝ ջրային մակերես (4,31 %)։ Սավաննան հանդիսանում է Սավաննա գետի հիմնական նավահանգիստը և ամենամեծը՝ Ջորջիա նահանգում։ Քաղաքը ենթակա է հեղեղումների։ Հինգ ջրանցքներ և մի շարք պոմպակայաններ են կառուցվել, որպեսզի օգնեն նվազեցնել ջրհեղեղների հետևանքները։ Ջրանցք՝ Fell փողոցում, ջրանցք՝ Pipemaker’s, ջրանցք՝ Kayton, ջրանցքներ՝ Springfield և Casey, որոնցից առաջին չորսը ելնում են Սավաննա գետը։

Կլիմա

Սավաննայի կլիման՝ մերձարևադարձային օվկիանոսային է, բնութագրվում է երկար և գրեթե արևադարձային ամառներով և մեղմ ձմեռներով, ողջ ձմռանը ջերմաստիճանը 0°С-ից ցածր է լինում մի քանի անգամ (կարող են լինել ձյան տեղումներ, բայց որպես կանոն հազվադեպ)։ Ամենաբարձր ջեմաստիճանը (41°С) արձանագրվել է 1986 թվականին, իսկ ամենացածրը (-16°С)՝ 1985 թվականին։

Պատմություն

Հիմնադրվել է 1733 թվականին գեներալ Ջեյմս Օգլտորպի կողմից։ Անկախության համար մղվող պատերազմի ընթացքում վերահսկվել է բրիտանացիների կողմից, 1779 թվականին պաշարվեց ֆրանսիական և ամերիկյան զորքերի կողմից, որոնց թվում էին՝ «ամերիկյան հեծելազորի հայրը» Կազիմիր Պուլավսկին և Հայիթիի ապագա թագավոր՝ Հանրի Քրիստը։ Տեղի ունեցավ արյունոտ ճակատամարտ, որի ընթացքում Պուլավսկին մահացու վիրավորվեց, որից հետո ամերիկացիները նահանջեցին։ Անգլիացիները քաղաքը պահել են մինչև 1782 թվականը։

Մեկ այլ արշավանք տեղի է ունեցել Սավաննայի պատերի տակ՝ 1864 թվականին, երբ Ատլանտայի գրավումից հետո գեներալ Շերմանը նվաճեց նաև այդ քաղաքը։ Այդ արշավանքը հայտնի է որպես «Շերմանի երթը դեպի ծով»։ Այս անգամ հարձակումը հաջող էր և գեներալը կարողացավ Սուրբ Ծննդին քաղաքը «նվիրել» Աբրահամ Լինքոլնին։

Տեսարժան վայրեր

• Առանձնատներ Телфэр-հրապարակում (19-րդ դարի ճարտարապետություն)։
• Պատմական թանգարան։
• Նեգրական ժառանգության թանգարան։
• Թանգարան-ագարակ գաղութային ժամանակաշրջանում։

Քույր քաղաքներ

• Բաթում, Վրաստան
• Պատրաս, Հունաստան
• Հալլե, Գերմանիա
• Կայա, Բուրկինա Ֆասո

Սպորտ

1996 թվականին քաղաքի մոտակայքում տեղի ունեցավ ծովագնացության մրցակցություն՝ 26-րդ Օլիմպիական խաղերի ժամանակ։

Արտաքին հղումներ

• Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
• (недоступная ссылка — история) // Словарь современных географических названий

Վիքիպահեստն ունի նյութեր, որոնք վերաբերում են «Սավաննա (Ջորջիա)» հոդվածին։