Սատանայի կրկնօրինակը (ֆիլմ)
«Սատանայի կրնկնօրինակը» (անգլ.՝ The Devil's Double), ռեժիսոր Լի Տամահորիի կողմից 2011 թվականին նկարահանված ֆիլմ Իրաքի նախկին նախագահ Սադդամ Հուսեյնի որդու՝ Ուդեյ Հուսեյնի մասին։ Պրեմիերան կայացել է 2011 թվականի հունվարի 22-ին ֆիլմերի Սանդանս (անգլ.՝ Sundance) կինոփառատոնում[4]։ Ֆիլմի հիմքում Լաթիֆ Յահիայի (արաբ․՝ لطيف يحيى, Laṭīf Yaḥīa) կենսագրական գիրքն է, որը Ուդեյ Հուսեյնի նմանակն է եղել Իրաքում։ Ֆիլմը հիմնված է իրական փաստերի վրա։
Սատանայի կրկնօրինակը անգլ.՝ The Devil's Double | |
---|---|
Երկիր | Բելգիա Նիդերլանդներ |
Ժանր | կենսագրական ֆիլմ, դրամա և գրքերի էկրանավորում |
Թվական | հունվարի 22, 2011[1] |
Լեզու | անգլերեն |
Ռեժիսոր | Լի Թամահորի |
Սցենարի հեղինակ | Մայքլ Թոմաս |
Դերակատարներ | Դոմինիկ Կուպեր, Philip Quast?, Լյուդիվին Սանե, Mimoun Oaïssa?, Mem Ferda?, Ակին Գազի, Ամրիտա Աչարիա, Դար Սալիմ[2], Ամբեր Ռոուզ Ռևա[2] և Elektra Anastasi? |
Օպերատոր | Սեմ ՄակՔարդի |
Երաժշտություն | Քրիստիան Հենսոն |
Պատմվածքի վայր | Իրաք |
Նկարահանման վայր | Մալթա |
Տևողություն | 108 րոպե |
Բյուջե | 19 100 000 $[3] |
Շահույթ | 2 985 158 $ |
Պաշտոնական կայքէջ |
Սյուժե
խմբագրելՍադդամ Հուսեյնի ավագ որդին՝ Ուդեյը, հետևելով հորը, իր համար նմանակների է փնտրում, որպեսզի վերջիններս իրեն փոխարինեն վտանգավոր իրադրություններում։ Նա գտնում է իր համադասարանցի, քրդական ծագում ունեցող Լաթիվ Յահիային։ վերջինս սկզբում չի համաձայնվում հանդես գալ Ուդեյի նմանակի դերում, սակայն վերջ ի վերջո, տեղի տալով սպառնալիքներին, համաձայնվում է։ Նա սկսում է ապրել Ուդեյի տանը, օգտվել բոլոր բարիքներից, բացառությամբ Ուդեյի աղջիկների ու կանանց։ Նա նույնիսկ հանդիպում է Սադդամին, որպեսզի վերջինս պարզեր Լաթիֆի և իր որդու միջև եղած նմանության աստիճանը։
Երեկույթներից մեկի ժամանակ Լաթիֆը ծանոթանում է Ուդեյի սիրուհիներից մեկի՝ Սարրաբի հետ և հետաքրքրվում նրանով։ Դա հարուցում է Ուդեյի զայրույթը։ Փախչելով երեկույթներից մեկից, Լաթիվը գնում է տուն, որպեսզի տեսնի հարազատներին, սակայն բռնվում է Ուդեյի թիկնազորի կողմից և դաժանորեն ծեծվում։
Լաթիֆը, Ուդդեյի կերպարանքով այցելում է իրաքյան զորքերի առաջնամասեր ու իր ելույթներով փորձում ոգևորել զինվորներին, որոնք կռվում էին Քուվեյթի սահմանին։ Այցերից մեկի ժամանակ նա հարձակման է ենթարկվում քրդերի կողմից ու վիրավորվում։
Ուդեյը հայտնի էր իր ցոփ, շվայտ, սանձարձակ կյանքով։ Բաղդադի փողոցներից մեկում նա տեսնում է դպրոցական գեղեցիկ աղջկա, փախցնում, բռնաբարում, խեղդում և մարմինը նետում փողոց։ Երեկույթներից մեկի ժամանակ նա դաժանորեն մորթում է հոր՝ Սադդամի օգնականներից մեկին։ Սա հարուցում է անգամ Սադդամի զայրույթը և Ուդեյը ստիպված փախչում է որոշ ժամանակով։
Հարսանիքներից մեկի ժամանակ Ուդեյը բռնաբարում է հարսին, իսկ հարսը, չդիմանալով կատարված իրողությանը, նետվում է տանիքից հենց հարսանիքի ժամանակ, հյուրերի առջև։ Գնալով, ավելի ու ավելի է խորանում Լաթիֆի և Ուդեյի միջև ձևավորվող հակամարտությունը, քանի որ Լաթիֆը չի կարողանում հանգիստ վերաբերվել Ուդեյի կողմից կատարված հանցանքներին։ Մի օր Լաթիֆը կտրում է սեփական երակները։ Նա անօգուտ է համարում անգամ փախչելը, քանի որ Ուդեյը կարող է նրան ցանկացած տեղից գտնել։
Սական, շոււտով նրան հաջողվում է փախչել երկրից Սարրաբի հետ, որը խոստովանում է, որ հոգնել է նման կյանքից ու ունի աղջիկ, որին վտանգ է սպառնում։ Սակայն Ուդեյը գտնում է նրանց, քանի որ Սարրաբը հայտնում է իրենց տեղը։ Փորձելով հետ բերել Լաթիֆին, Ուդեյը իր մոտ է կանչում Լաթիֆի հորը։ Չկարողանալով հետ բերել Լաթիֆին, Ուդեյը սպանում է նրա հորը։
Լաթիֆը վերադառնում է Իրաք և մահացած հարսնացուի փեսայի օգնությամբ մահափորձ կատարում Ուդեյի դեմ, որն անհաջողությամբ է պսակվում, քանի որ Ուդեյը միայն վիրավորվում է։
Դերերում
խմբագրել- Դոմինիկ Քուփեր` Լաթիֆ Յահիա / Ուդեյ Հուսեյն
- Ֆիլիպ Քվոստ` Սադդամ Հուսեյն
- Լյուդիվին Սանյե` Սարրաբ
- Լաթիվ Յահիա` Հուսեյն Քամել
- Ռաադ Ռավի՝ Մունեմ
- Նասսեր Մեմարզիա՝ Լաթիֆի հայր
Նկարահանումներ
խմբագրելՆկարահանումները կատարվել է Մալթայում[5]։ Մալթայում, ի տարբերություն Իրաքի, ավտոմեքենաների շարժը ձախակողմյան է, այդ պատճառով ֆիլմում օգտագործվում են աջակողմյան ղեկով մեքենաներ, որը չի համապատասխանում իրաքյան իրականությանը։
Ծանոթագրություններ
խմբագրել- ↑ Freebase տվյալների վերբեռնում — Google.
- ↑ 2,0 2,1 ČSFD (չեխերեն) — 2001.
- ↑ http://boxofficemojo.com/movies/?id=devilsdouble.htm
- ↑ "Lionsgate and Herrick Take on The Devil's Double". CominSoon (CraveOnline). February 3, 2011. Retrieved July 5, 2011.
- ↑ Updated: Iraq movie being filmed in Malta
Արտաքին հղումներ
խմբագրել- http://thedevilsdoublefilm.com/index2.html Արխիվացված 2011-08-09 Wayback Machine
- Պաշտոնական կայք(ռուս.) Արխիվացված 2015-08-01 Wayback Machine
- «Սատանայի կրկնօրինակը»(անգլ.) ֆիլմը Internet Movie Database կայքում