Սարատովկա (գյուղ, Լոռու մարզ)
Անվան այլ կիրառումների համար տե՛ս՝ Սարատովկա (այլ կիրառումներ)
Սարատովկա, գյուղ Հայաստանի Լոռու մարզի Տաշիր համայնքում[1]։
| Գյուղ | ||
|---|---|---|
| Սարատովկա | ||
| Երկիր |  Հայաստան | |
| Մարզ | Լոռու | |
| Համայնք | Տաշիր (համայնք) | Տաշիր համայնք[1] | |
| ԲԾՄ | 1480 մ | |
| Պաշտոնական լեզու | հայերեն | |
| Բնակչություն | 424[2] մարդ (2011) | |
| Ազգային կազմ | Ռուսներ, Հայեր | |
| Կրոնական կազմ | Հայ Առաքելական եկեղեցի | |
| Ժամային գոտի | UTC+4 | |
| ||
Գտնվում է Տաշիր քաղաքից մոտ 2 կմ հարավ` Տաշիր գետի աջ ափին։ Գյուղը տեղակայված է ծովի մակերևույթից 1480մ բարձրության վրա, հեռավորությունը մարզկենտրոնից՝ 38 կմ հյուսիս-արևմուտք։ 2017 թվականից մտնում է Տաշիր համայնքի կազմի մեջ։ Գյուղի միջով անցնում է Տաշիր գետը։ Գյուղի միջով է անցնում Երևան-Թբիլիսի մայրուղին[3]։
Պատմություն
խմբագրելԳյուղը հիմնադրվել է 1910 թվականին Եկատերինա II-ի ժամանակ աքսորված մոլականների կողմից։ Բոգդանով ազգանունով մի մարդ բնակվել է այդ տարածքում, այնտեղ զբաղվել անասնապահությամբ և այդ հատվածը անվանել Բոգդանով խուտուր։ Հաջորդաբար մոտակա գյուղերից մարդիկ տեղափոխվել և բնակություն են հաստատել այստեղ, և գյուղը ստացել է Սարատովկա անունը[3]։
Բնակչություն
խմբագրելԸստ Հայաստանի 2011 թ. մարդահամարի արդյունքների՝ Սարատովկայի մշտական բնակչությունը կազմել է 424, առկա բնակչությունը՝ 354 մարդ[2]։ Նախկինում բնակեցված է եղել հիմնականում ռուսներով[4], ներկայումս ունի խառը հայ-ռուսական բնակչություն[5]։
Սարատովկայի բնակչության փոփոխությունը ժամանակի ընթացքում՝ ստորև[6].
| Տարի | 1907 | 1926 | 1939 | 1959 | 1970 | 1979 | 1989 | 2001 | 2011 |
|---|---|---|---|---|---|---|---|---|---|
| Բնակիչ | 586 | 127 | 133 | 547 | 591 | 516 | 477 | 428 | 424[2] |
Տնտեսություն
խմբագրելԲնակչությունն զբաղվում է անասնապահությամբ, կարտոֆիլի, կաղամբի և կերային կուլտուրաների մշակությամբ։
Կլիմա
խմբագրելԿլիման բարեխառն լեռնային է, տևական ցուրտ ձմեռներով։ Ամեն տարի հաստատվում է կայուն ձնածածկույթ։ Ամառները տաք են, համեմատաբար խոնավ[3]։
Ծանոթագրություններ
խմբագրել- ↑ 1,0 1,1 Տեղեկություններ Տաշիր համայնքի մասին Լոռու մարզի մարզպետարանի կայքում, (արխիվացված 05․07․2023 թվական)։
- ↑ 2,0 2,1 2,2 2011 թ Հայաստանի մարդահամարի արդյունքները
- ↑ 3,0 3,1 3,2 Հակոբյան, Սամվել; Հակոբյան, Արտեմ (2015). Հայաստանի Հանրապետության պատմական հանրագիտարան. Երևան: Հեղինակային հրատարակություն. էջ 534.
- ↑ Զավեն Կորկոտյան, «Խորհրդային Հայաստանի բնակչությունը վերջին հարյուրամյակում (1831-1931)»
- ↑ Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 4 [Ն-Վ] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 1986, էջ 519 — 804 էջ։
- ↑ «Հայաստանի հանրապետության բնակավայրերի բառարան, էջ 177» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2013 Նոյեմբերի 4-ին.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 214)։ 
|