Սենեքերիմ-Հովհաննես Սևադա

Անվան այլ կիրառումների համար տե՛ս՝ Սենեքերիմ-Հովհաննես (այլ կիրառումներ)

Հովհաննես Սենեքերիմ (անհայտ - 959 կամ 1003), Փառիսոսի թագավոր մոտ 958 թվականից։

Սենեքերիմ-Հովհաննես Սևադա
Ծնվել է՝	անհայտ
Մահացել է՝	959 կամ 1003
Տոհմ	Արշակունիներ
Հայր	Ichkanik d'Héréthie?

Սահակ Սևադայի որդին։

Հորից ժառանգություն ստանալով Փառնես (Փառիսոս) գավառը, հիմնադրել է Փառիսոսի թագավորությունը, որը ճանաչել են Պարսից արքունիքը և բյուզանդական կայսեր ներկայացուցիչ Դավիթ Մագիստրոսը։ Վերջինս, ըստ պատմիչ Մովսես Կաղանկատվացու, Սենեքերիմին ուղարկել է «թագ և արքայական ծիրանի»։

Հայ Բագրատունիները հավանաբար չեն ընդունել Սենեքերիմի թագավորությունը։ Այդ մասին է վկայում Հայոց կաթողիկոս Անանիա Ա Մոկացու Արցախ կատարած այցելությունը, որի նպատակն էր մեղմել անջատամետ ձգտումները։ 10-րդ դարի վերջին Սենեքերիմի եղբոր՝ Խաչենի տիրակալ Գրիգորի հետ գոյության պայքար է մղել Գանձակի ամիրա Փադլունի դեմ։ Սենեքերիմի գահը ժառանգել է եղբորորդին՝ Փիլիպպեն։

Գրականություն

• Մովսես Կաղանկատվացի, Պատմություն Աղվանից աշխարհի։ Ե․ 1969

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։