Սիմոնիդես Քիոսացի
Սիմոնիդես Քիոսացի (հին հունարեն՝ Σῐμωνίδης ὁ Κεῖος, մ. թ. ա. 556[1], Իուլիս, Հունաստան[1] - մ. թ. ա. 468 կամ մ. թ. ա. 469[1], Ագրիջենդո, Սիցիլիա, Իտալիայի թագավորություն և Սիրակուսե[1]), հին հույն բանաստեղծ։
Սիմոնիդես Քիոսացի հին հունարեն՝ Σιμωνίδης ο Κείος | |
|---|---|
 | |
| Ծնվել է | մ. թ. ա. 556[1] |
| Ծննդավայր | Իուլիս, Հունաստան[1] |
| Վախճանվել է | մ. թ. ա. 468 կամ մ. թ. ա. 469[1] |
| Վախճանի վայր | Ագրիջենդո, Սիցիլիա, Իտալիայի թագավորություն կամ Սիրակուսե[1] |
| Մասնագիտություն | բանաստեղծ, գրող, էպիգրամաների հեղինակ և elegist |
| Լեզու | հին հունարեն |
 Simonides Վիքիպահեստում | |
Սիմոնիդես Քիոսացին խմբական քնարերգության բարձր շրջանի վարպետներից է, որի երգերի մասին Հերոդոտոսը հիշատակում է իր պատմության մեջ։
Սիմոնիդեսը ծնվել է Քիոս կղզու Իսլիդես քաղաքում մ.թ.ա. 556 թվականին։ Սիմոնիդեսի հոր անունը Լեոպրեպես էր, իսկ վերջինիս հայրը բանաստեղծ էր, իսկ քույրը՝ Բաքքիլիդես մեծ բանաստեղծի մայրը։ Սիմոնիդեսը երիտասարդ հասակում աչքի է ընկնում իր բանաստեղծական տաղանդով, նա Կորթեոս քաղաքի խմբի ղեկավարն էր. նրա համբավը տարածվել էր Հունաստանում, երբ Պիսիստրատի որդի Հիպարքոսը բռնապետ է դառնում. իր ազդեցությունը ուժեղացնելու նպատակով պալատ է հրավիրում Հունաստանի նշանավոր գրականագետներին ու փիլիսոփաներին, որոնց թվում նաև Սիմոնեդեսին, որին տալիս է նվերներ և մեծ ռոճիկ։
30 տարեկան հասակում նա գալիս է Աթենք և ապրելով Հիպպարքոսի պալատում, ծանոթանում է ժամանակի արվեստագետների՝ Անակրեոնի և բանաստեղծ Լասոսի հետ. վերջինիս հետ նա մրցում է Դիոնիսյան տոներին։ Բանաստեղծը վայելում էր աթենացիների և պալատական արվեստագետների համակրանքը։ Երբ ընկնում են պիսիստրատըանները, այն ժամանակ Սիմոնիդեսը տեղափոխվում է Սկոպադի պալատը (Թեսալիա) և երկար ժամանակ ապրում է այստեղ։ Այնուհետև նա վերադառնում է Աթենք։ Այս ժամանակ հույները պատերազմում էին պարսիկների դեմ և աշխատում թոթափել պարսկական բռնակալության լուծը։ Թերմոփիլեի և Մարաթոնի ճակատամարտերում ընկած հերոսների մասին նա հեղինակում է իր նշանավոր էլեգիաները, մասնակցում մրցությունների և տանում հաղթանակներ։ Նա ճանապարհորդում է Սիցիլիա, ամբողջ Հունաստանի քաղաքները և մեծ սիրով հյուրընկալվում ամեն տեղ։
Մեռնում է Սիցիլիայում, հասնելով խորին ծերության (89 տարեկան հասակում)։
Սիմոնիդեսը օժտված է եղել սուր հիշողությամբ։ Նրան են վերագրում մնեմոնիկայի (հիշողության ամրապնդման արվեստ) հայտնագործումը։
Սիմոնիդեսի գրիչը բեղմնավոր է եղել։ Գրել է բազմաթիվ ոտանավորներ, էլեգիաներ, էպիգրամներ և այլն[2]։
Աղբյուրներ
խմբագրել- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 Любкер Ф. Simonides (ռուս.) // Реальный словарь классических древностей по Любкеру / под ред. Ф. Ф. Зелинский, А. И. Георгиевский, М. С. Куторга, Ф. Гельбке, П. В. Никитин, В. А. Канский — СПб.: Общество классической филологии и педагогики, 1885. — С. 1255—1256.
- ↑ Ա.Առաքելյան (1968). Հունական գրականության պատմության. Երևան: «Լույս». էջ էջ 133-133.
 | Վիքիպահեստն ունի նյութեր, որոնք վերաբերում են «Սիմոնիդես Քիոսացի» հոդվածին։ |