Վալենտինա Տոլկունովա

Վալենտինա Տոլկունովա
Հիմնական տվյալներ
Բնօրինակ անուն	Валентина Толкунова
Ի ծնե անուն	Валентина Васильевна Толкунова
Ծնվել է	հուլիսի 12, 1946; Արմավիր, Կրասնոդարի երկրամաս, ՌԽՖՍՀ, ԽՍՀՄ
Երկիր	Ռուսաստան և ԽՍՀՄ
Մահացել է	մարտի 22, 2010 (63 տարեկան); Մոսկվա, Ռուսաստան
Գերեզման	Տրոեկուրովյան գերեզմանատուն
Ժանրեր	փոփ
Մասնագիտություն	դերասանուհի, երգչուհի և կրկնօրինակող
Երգչաձայն	սոպրանո և մեցցո-սոպրանո
Գործիքներ	վոկալ
Գործունեություն	1966-2010
Կրթություն	Մոսկվայի մշակույթի պետական ինստիտուտ և Ռուսաստանի Գնեսինների անվան երաժշտության ակադեմիա (1971)
Կապված	ВИО-66
Պարգևներ	; ; ; Ղրիմի Ինքնավար Հանրապետության մրցանակներ և
Կայք	valentinatolkunova.ru
Ստորագրություն
	Valentina Tolkunova Վիքիպահեստում

Վալենտինա Տոլկունովա (հուլիսի 12, 1946(1946-07-12), Արմավիր, Կրասնոդարի երկրամաս, ՌԽՖՍՀ, ԽՍՀՄ - մարտի 22, 2010(2010-03-22)^[1]^[2], Մոսկվա, Ռուսաստան), ռուս երգչուհի, սոպրանո։ ՌԽՖՍՀ ժողովրդական արտիստ (1987)։

Կենսագրություն

18 տարեկանում Վալենտինա Տոլկունովան ընդունվել է Մոսկվայի արվեստի և մշակույթի պետական համալսարան։ 1966 թվականին դարձել է Յուրի Սաուլսկիի ջազ խմբի անդամ VIO-66, հանդես է եկել որպես սոլիստ և ջազ երգչուհի։ 1971 թվականին ավարտել է Գնեսինի անվան պետական երաժշտական քոլեջը և երգեր է ձայնագրել հեռուստաֆիլմերի համար։ 1972 թվականը Տոլկունովայի համար բեկումնային է լինում, Վլադիմիր Շաինսկու երգերի կատարումով սկիզբ է դրվում նրա ռադիո-հեռուստատեսային երգի կարիերային։ 1973 թվականին Տոլկունովան համագործակցում է Մոսկվայի պետական ֆիլհարմոնիկի հետ, 1989 թվականին հիմնադրում և նախագահում է իր թատրոնը։ 30 տարիների ընթացքում թողարկում է շուրջ 13 ձայներիզներ։ Բազմաթիվ մրցանակների է արժանացել Խորհրդային պետություններում և 23 անգամ արժանացել է «Տարվա երգ» հեռուստատեսային մրցույթի մրցանակին^[3]^[4]։

1975 թվականին «Հարսնացու հյուսիսից» երաժշտական-քնարական կատակերգությունում կատարում է «Пушинка белая (Ах, тополиный пух)» (Սպիտակ բմբուլ (Վախ, կաղամախի բմբուլ)) երգը^[5]։

Հիվանդություն, մահը

2010 թվականի փետրվարի 16-ին բելառուսական Մոգիլև քաղաքում կայացած համերգից հետո Տոլկունովան տեղափոխվել է հիվանդանոց։ Երգչուհու մոտ բժիշկներն ավելի վաղ ախտորոշել էին կաթնագեղձի ուռուցք, որի մետաստազները տարածվել էին մինչև երիկամները, թոքերն ու գլխուղեղ։ Մարտի 22-ին Մոսկվայի հիվանդանոցներից մեկում երգչուհին մահացել է գլխուղեղի ուռուցքից։ Թաղված է Մոսկվայի Տրոեկուրովյան գերեզմանատանը։

Պարգևներ

ՌԽՖՍՀ ժողովրդական արտիստ
ՌԽՖՍՀ վաստակավոր արտիստ
Լենինյան մրցանակի դափնեկիր
Պատվավոր երկաթուղայինի կոչում
ՌԴ պատվո շքանշան
ՌԴ բարեկամության շքանշան
Մոսկվայի «850-ամյա հիշատակի» մեդալ
Իշխանուհի Օլգայի շքանշան

Դիսկոգրաֆիա

1972 - «Стою на полустаночке»;
1973 - «Во всём мне хочется дойти до самой сути»;
1974 - «Пушинка белая»;
1974 - «Год любви»;
1975 - «Комсомолу посвящается»;
1977 - «Носики-курносики»;
1982 - «Диалог у новогодней ёлки»;
1985 - «Если б не было войны» (двойной альбом);
1986 - «Разговор с женщиной» (двойной альбом);
1989 - «Серёжа»;
1992 - «Сорок пять»;
1995 - «Я не могу иначе»;
1997 - «Я деревенская»;
1997 - «Сон-трава»;
2002 - «Мой придуманный мужчина»;
2011 - «Как быть счастливой» (вышел уже после смерти певицы).

Ընտանիք

Հայրը՝ Վասիլի Անդրևիչ Տոլկունովը, եղել է զինվորական^[6]^[7])
Մայրը՝ Եվգենիա Նիկոլաևնա Տոլկունովա (Սմիրնովա), (1925)^[6]
Պապը՝ Նիկոլայ Վասիլևիչ Սմիրնովը, եղել է բռնադատված և 17 տարի ապրել է ճամբարներում^[6]
Տատը՝ Անիսյա Նիկանորովնա Սմիրնովա (Ստրիժակ)^[6]

Վալենտինա Տոլկունովան ամուսնացած է եղել 2 անգամ^[8]

Առաջին ամուսինը եղել է Յուրի Սերգևիչ Սաուլսկին (1928-2003), կոմպոզիտոր, դիրիժոր։ Ամուսնացած են եղել 5 տարի։

1977 թվականին ամուսնացել է գրող, լրագրող Յուրի Նիկոլաևիչ Պապորովի հետ (1923-2010)։ Ունեն որդի՝ Նիկոլայ Պապորովը (10.10.1977 թվական^[9]), ով Մոսկվայի երաժշտական թատրոնի նկարիչն է։

Յուրի Պապորովը մահացել է կնոջ մահից մեկ ու կես ամիս անց։

Երգչուհու կրտսեր եղբայրը՝ Սերգեյ Վասիլևիչ Տոլկունովը (1949 թվական, հուլիսի 6^[10]) երգիչ է, ՌԴ վաստակավոր արտիստ, քրոջ հետ հանդես է եկել համերգներով։ Վալենտինա Տոլկունովայի անվան ժամանակակից արվեստի աջակցման բարեգործական հիմնադրամի նախագահն է։

Գրականություն

Валентина Толкунова. «Я не могу иначе».

Ծանոթագրություններ

↑ ^1,0 ^1,1 ^1,2 http://www.lenta.ru/news/2010/03/22/singer/
↑ ^2,0 ^2,1 ^2,2 Discogs — 2000.
↑ Russian Singing Legend Tolkunova Dies At 63
↑ Valentina Tolkunova profile (Russian)
↑ Валентина Толкунова. Тополиный пух
↑ ^6,0 ^6,1 ^6,2 ^6,3 Валентина Толкунова на Байкале хотела купить новый дом // KP.RU - Иркутск
↑ «События и концерты на 2011 год». Արխիվացված է օրիգինալից 2016 թ․ մարտի 4-ին. Վերցված է 2015 թ․ մայիսի 17-ին.
↑ Толкунова Валентина Васильевна. Биографическая справка. РИА Новости, 22.03.2010.
↑ «Личная жизнь Валентины Толкуновой». Արխիվացված է օրիգինալից 2015 թ․ հունիսի 10-ին. Վերցված է 2015 թ․ մայիսի 17-ին.
↑ «Толкунова Валентина». Արխիվացված է օրիգինալից 2010 թ․ մայիսի 1-ին. Վերցված է 2015 թ․ մայիսի 17-ին.

Արտաքին հղումներ

Valentina Tolkunova: creativity and destiny
Интервью с В. Толкуновой
Valentina Tolkunova on YouTube
Links to her CDs(չաշխատող հղում)

Վիքիպահեստն ունի նյութեր, որոնք վերաբերում են «Վալենտինա Տոլկունովա» հոդվածին։

[_27dfa8f84a9a85cf-1] 1,0 ^1,1 ^1,2 http://www.lenta.ru/news/2010/03/22/singer/

[_ddd4c5fce38d1116-2] 2,0 ^2,1 ^2,2 Discogs — 2000.

[3] Russian Singing Legend Tolkunova Dies At 63

[4] Valentina Tolkunova profile (Russian)

[5] Валентина Толкунова. Тополиный пух

[daily/24460-6] 6,0 ^6,1 ^6,2 ^6,3 Валентина Толкунова на Байкале хотела купить новый дом // KP.RU - Иркутск

[com_content&view=article&id-7] «События и концерты на 2011 год». Արխիվացված է օրիգինալից 2016 թ․ մարտի 4-ին. Վերցված է 2015 թ․ մայիսի 17-ին.

[8] Толкунова Валентина Васильевна. Биографическая справка. РИА Новости, 22.03.2010.

[9] «Личная жизнь Валентины Толкуновой». Արխիվացված է օրիգինալից 2015 թ․ հունիսի 10-ին. Վերցված է 2015 թ․ մայիսի 17-ին.

[10] «Толкунова Валентина». Արխիվացված է օրիգինալից 2010 թ․ մայիսի 1-ին. Վերցված է 2015 թ․ մայիսի 17-ին.

[1]

[2]

[3]

[4]

[5]

[6]

[7]

[8]

[9]

[10]