Վահան Կաժոյան
Վահան Ավետիքի Կաժոյան (հոկտեմբերի 19, 1921, Ալեքսանդրապոլ, Հայկական ԽՍՀ - օգոստոսի 9, 2007, Մոսկվա, Ռուսաստան), հայ նկարիչ, գրաֆիկ, նկարիչ-ձևավորող։ Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից[1]։
Վահան Կաժոյան | |
|---|---|
| Ծնվել է | հոկտեմբերի 19, 1921 |
| Ծննդավայր | Ալեքսանդրապոլ, Հայկական ԽՍՀ |
| Վախճանվել է | օգոստոսի 9, 2007 (85 տարեկան) |
| Մահվան վայր | Մոսկվա, Ռուսաստան |
| Քաղաքացիություն |  ԽՍՀՄ և  Ռուսաստան |
| Կրթություն | Փանոս Թերլեմեզյանի անվան գեղարվեստի պետական քոլեջ |
| Մասնագիտություն | նկարիչ և գծանկարիչ |
| Անդամակցություն | Հայաստանի նկարիչների միություն |
Կենսագրություն
խմբագրելՎահան Կաժոյանը ծնվել է Լենինականում։ 1941 թվականին ավարտել է Երևանի Փանոս Թերլեմեզյանի անվան գեղարվեստի ուսումնարանը։
Մասնակցել է Երկրորդ համաշխարհային պատերազմին՝ մինչև հաղթանակ։ Եղել է մի քանի ռազմաճակատներում (Անդրկովկասյան-1942 թվական, 82-րդ գվարդիական գնդում որպես հրաձիգ, 1-ին Բելոռուսական- 1944 թվականի ապրիլից, 28-րդ բանակի 157-րդ հրետանային գնդում)։ Պարգևատրվել է բազմաթիվ մարտական շքանշաններով ու մեդալներով և միայն 1946 թվականի մայիսին զորացրվել է բանակից[1]։
1959 թվականից եղել է Հայաստանի նկարիչների միության, 1985 թվականից՝ Նկարիչների եվրոպական ասոցիացիայի անդամ։ Մասնակցել է հանրապետական, միջազգային մի շարք ցուցահանդեսների, անհատական ցուցահանդեսներ է ունեցել Բուդապեշտում, Պրահայում, Բեյրութում, Փարիզում, Զագրեբում, Լոս Անջելեսում և այլուր[2][3][4][5]։
Անդամակցություն
խմբագրել- Նկարիչների եվրոպական ասոցիացիայի անդամ
- Հայաստանի նկարիչների միության անդամ
Ստեղծագործություններ
խմբագրել- «Երիտասարդ լուսանկարիչներ», 1954
- «Արարատ լեռ», 1992
- «Նատյուրմորտ. Կակաչներ», 1993
- «Սևանա լիճ», 1993
- «Նատյուրմորտ. Երիցուկներ»
Գրքերի նկարազարդումներ
խմբագրել- Արևիկ այբբենարան, Երևան։ 1986։
- Արևիկ այբբենարան, Երևան։ 1988։
- Արևիկ այբբենարան, Երևան։ 1989։
- Արևիկ այբբենարան, Երևան։ 1990։
Ծանոթագրություններ
խմբագրել- ↑ 1,0 1,1 Մուսաները չլռեցին։ Հայաստանի մշակույթի գործիչները 1941-1945 թթ. հայրենական մեծ պատերազմում, զոհված հայ արվեստագետներ։ Գիրք I. - Եր.: Խորհրդային գրող, 1989 թ., 392 էջ:
- ↑ «Zarkfoundation - Վահան Կաժոյան». zarkfoundation.com.
- ↑ «К - Реестр профессиональных художников Российской империи, СССР, «рус…». archive.ec. Վերցված է 2016 թ․ հոկտեմբերի 19-ին.(չաշխատող հղում)
- ↑ «Կոհա առցանց քարտարան › Որոնման արդյունքներ համար 'pb:Լույս ,'». haygirk.nla.am. Վերցված է 2016 թ․ հոկտեմբերի 19-ին.
- ↑ «Ваган Аветикович Кажоян». Artchive. Վերցված է 2016 թ․ հոկտեմբերի 19-ին.