Վասիլի Բասով (նկարիչ)
Վասիլի Բասով (ռուս.՝ Василий Николаевич Басов, դեկտեմբերի 31, 1918 - դեկտեմբերի 15, 1962, Մոսկվա, ԽՍՀՄ[1]), խորհրդային նկարիչ, Ստալինյան մրցանակի դափնեկիր (1951 թվական)։
| Վասիլի Բասով ռուս.՝ Василий Николаевич Басов | |
|---|---|
| Ծնվել է | դեկտեմբերի 31, 1918 |
| Մահացել է | դեկտեմբերի 15, 1962 (43 տարեկան) |
| Մահվան վայր | Մոսկվա, ԽՍՀՄ |
| Քաղաքացիություն |  ԽՍՀՄ |
| Կրթություն | Մոսկվայի պետական ակադեմիական գեղարվեստի ուսումնարան` ի հիշատակ 1905 թվականի (1938) և Մոսկվայի գեղարվեստական ինստիտուտ (1948) |
| Պարգևներ և մրցանակներ |  |
 Vasily Basov Վիքիպահեստում | |
Կենսագրություն
խմբագրելՎասիլի Բասովը ծնվել է 1918 թվականի դեկտեմբերի 31-ին։ Ապրել և աշխատել է Մոսկվայում։
1938 թվականին ավարտել է Մոսկվայի 1905 թվականի հիշատակի գեղարվեստի պետական ուսումնարանը (1938 թվական), իսկ 1948 թվականին՝ Վ. Սուրիկովի անվան Մոսկվայի գեղարվեստական ինստիտուտը։ Ինստիտուտում նրա ուսուցիչներն են եղել Իվան Չեկմազովը, Միխայիլ Շեմյակինը և Պյոտր Պոկարժևսկին։
Եղել է ԽՍՀՄ նկարիչների միության անդամ[2]։ 1943 թվականից մասնակցել է ցուցահանդեսների, այդ թվում` համամիութենական ցուցահանդեսների, որոնք տեղի են ունեցել Մոսկվայում 1949, 1950, 1955 և 1960 թվականներին[3]։ Բասովի նկարները նաև ցուցադրվել են Լեհաստանում (1951 թվական, 1955 թվական), Չինաստանում (1954 թվական), Բուլղարիայում (1956 թվական), Ռումինիայում (1956 թվական)։ Անձնական ցուցահանդեսներ տեղի են ունեցել Մոսկվայում, 1957 և 1964 թվականներին[4]։ Աշխատանքները գտնվում են Մոսկվայի պետական Տրետյակովյան պատկերասրահում, Ալթայի երկրամաս Բառնաուլի պետական գեղարվեստական թանգարանում, կերպարվեստի Նիժնետագիլյան թանգարանում և մասնավոր ժողովածուներում։
1951 թվականին նրան կերպարվեստի բնագավառում շնորհվել է 2-րդ աստիճանի Ստալինյան մրցանակ` «Իշխանությունը` սովետներին, խաղաղություն ժողովուրդներին» կտավի համար, որն ստեղծել է Նիկոլայ Մեշչանինովի, Վիկտոր Պրիբիլովսկու և Միխայիլ Սուզդալցևի հետ։
Մահացել է 1962 թվականի դեկտեմբերի 15-ին, Մոսկվայում։ Թաղված է Վվեդենսկյան գերեզմանատանը։
Ստեղծագործություն
խմբագրելԳեղանկարչության մեջ եղել է ռեալիզմի կողմնակից։ Նրա աշխատանքներից են սոցռեալիզմի ոճով պատկերված բնանկարներ, դիմանկարներ, ժանրային պատկերներ։ Մեծ ուշադրություն է տրամադրել գյուղ թեմային։
Բասովի «Վլադիմիր Լենինը Շուշենսկոյե գյուղի գյուղացիների կողքին» նկարը պատկերել է 1953 թվականի խորհրդային նամականիշի վրա։
Ծանոթագրություններ
խմբագրել- ↑ «Государственный художественный музей Алтайского края». ghmak.ru. Վերցված է 2019 թ․ հոկտեմբերի 8-ին.
- ↑ «Басов Василий Николаевич (1918–1962)» (ռուսերեն). tramvaiiskusstv.ru. Վերցված է 2019 թ․ հոկտեմբերի 8-ին.
- ↑ «Басов Василий Николаевич». Соцреализм. socrealizm.com.ua. Վերցված է 2019 թ․ հոկտեմբերի 8-ին.
- ↑ «Басов Василий Николаевич - биография художника. Галерея Артпанорама». www.artpanorama.su. Վերցված է 2019 թ․ հոկտեմբերի 8-ին.
 | Վիքիպահեստն ունի նյութեր, որոնք վերաբերում են «Վասիլի Բասով (նկարիչ)» հոդվածին։ |