Վարազ (Վարազդատ Սամվելյան)

Անվան այլ կիրառումների համար տե՛ս՝ Վարազ (այլ կիրառումներ)

Վիքիպեդիայում կան հոդվածներ Սամվելյան ազգանունով այլ մարդկանց մասին։

Վարազդատ Սամվելի Սամվելյան (Վարազ) (ապրիլի 24, 1917(1917-04-24), Երևան, Ռուսական կայսրություն - նոյեմբերի 7, 1995(1995-11-07), Ֆրեզնո, Կալիֆոռնիա, ԱՄՆ), հայ քանդակագործ, նկարիչ։

Վարազ Վարազդատ Սամվելի Սամվելյան
Ծնվել է	ապրիլի 24, 1917(1917-04-24)
Ծննդավայր	Երևան, Ռուսական կայսրություն
Մահացել է	նոյեմբերի 7, 1995(1995-11-07) (78 տարեկան)
Վախճանի վայրը	Ֆրեզնո, Կալիֆոռնիա, ԱՄՆ
Քաղաքացիություն	Ֆրանսիա և  ԱՄՆ
Կրթություն	Փանոս Թերլեմեզյանի անվան գեղարվեստի պետական քոլեջ (1938)
Ուսուցիչ	Ֆեռնան Լեժե
Ստեղծագործություն(ներ)	Սասունցի Դավիթ
Մասնագիտություն	նկարիչ, քանդակագործ և գրող

Կենսագրություն

1938 թվականին ավարտել է ԵԳԱՏ-ը։

1939 թվականին մասնակցել է Խալխին Գոլի և Հայրենական պատերազմներին, գերվել է, փախել ֆաշիստական համակենտրոնացման ճամբարներից, Ֆրանսիայում միացել Դիմադրության շարժմանը։

Աշակերտել է Ֆ. Լեժեին և Ա. Լոտին։ 1946 թվականից բնակվել է ԱՄՆ-ում (1957 թվականից՝ Ֆրեզնոյում)։

2010 թվականի սեպտեմբերի 1-ին Շիրակի մարզի Արթիկ (Հայաստան) քաղաքում «Հայաստան» Համահայկական Հիմնադրամը Վարազ Սամվելյանի անունով կառուցել է մշակույթի կենտրոն։

Ստեղծագործություններ

Վարազի քանդակներին բնորոշ են դինամիզմը, թարմ արտահայտչամիջոցները։

• «Քնարահարը», գրանիտ, 1960 թվական, սեփական թանգարան
• «Քենեդի», ցեմենտ, 1964 թվական, սեփական թանգարան
• «Սասունցի Դավիթ», կոփածո պղինձ, 1970 թվական, բազալտ, Ֆրեզնոյի քաղաքապետարանի առջև
• «Վարդան Մամիկոնյան», ցեմենտ, 1972 թվական, Ֆրեզնո
• «Վիլյամ Սարոյան», գրանիտ, 1974 թվական, Ֆրեզնո, Մետրոպոլիտեն թանգարան, բրոնզ, 1984 թվական, Վիլյամ Սարոյանի թանգարանի պատին, Ֆրեզնո

Հեղինակ է նաև գրաֆիկական և գեղանկարչական գործերի, հուշագրությունների։ Մտերիմ է եղել Վիլյամ Սարոյանի հետ։

Գեղանկարներ

• «Ծովափ Նիս քաղաքում»
• «Ձիերը ծովափին»
• «Մայիսի 1-ը Փարիզում»
• «Պատերազմի արհավիրքը»
• «Ծովափ»

Ցուցահանդեսներ

• Ֆրանսիա
• Կոլումբիա
• Ճապոնիա
• ԱՄՆ
• Մեքսիկա

Գործերը ցուցադրվել են սեփական՝ Ժամանակակից արվեստի թանգարանում (Ֆրեզնո)։