Վարդգես Ավետիսյան
- Վիքիպեդիայում կան հոդվածներ Ավետիսյան ազգանունով այլ մարդկանց մասին։
Վարդգես Աբգարի Ավետիսյան (հոկտեմբերի 18, 1918, Ալեքսանդրապոլ, Հայաստան - հոկտեմբերի 12, 2007, Երևան, Հայաստան), հայ երկրաբան, Հայրենական պատերազմի I աստիճանի շքանշան(1954), պրոֆեսոր (2000)։ ՀԽՍՀ վաստակավոր երկրաբան։
Վարդգես Ավետիսյան | |
|---|---|
| Ծնվել է | հոկտեմբերի 18, 1918 Ալեքսանդրապոլ, Հայաստան |
| Մահացել է | հոկտեմբերի 12, 2007 (88 տարեկան) Երևան, Հայաստան |
| Քաղաքացիություն |  Հայաստան |
| Մասնագիտություն | երկրաբան |
| Հաստատություն(ներ) | ՀՀ ԳԱԱ Երկրաբանական գիտությունների ինստիտուտ և Երևանի պետական համալսարան |
| Ալմա մատեր | Երևանի պետական համալսարան (1941) |
| Կոչում | պրոֆեսոր |
| Պարգևներ |  |
Կենսագրություն
խմբագրելԾնվել է 1918 թվականի հոկտեմբերի 18-ին Ալեքսանդրպոլում։ 1936 թվականին ավարտել է տեղի թիվ 1 միջնակարգ դպրոցը, 1941 թվականին ԵՊՀ երկրաբանության ֆակուլտետը։ 1946-1954 թվականներին աշխատել է ՀԽՍՀ ԳԱ երկրաբանական գիտությունների ինստիտուտում, 1954 թվականից՝ ԵՊՀ երկրաբանության ֆակուլտետի ընդհանուր և կիրառական երկրաբանության ամբիոնում որպես դոցենտ, 1968-1976 թվականներին եղել է նույն ամբիոնի վարիչ, 2000 թվականից՝ պրոֆեսոր։ 1960 թվականից ՀԽՍՀ ԳԱ երկրաբանական ինստիտուտի, երկրաբանական վարչության և ԵՊՀ համալիր արշավախմբի կազմում կատարել է Վեդի գետի ավազանի մանրակրկիտ երկրաբանահետազոտական և քարտեզագրական աշխատանքներ։ 1972-1988 թվականներին զբաղվել է ՀԽՍՀ կենտրոնական հրաբխային բարձրավանդակի և միջլեռնային գոգավորությпւնների ու հնահովիտների ստորերկրյա ջրերի որոնման, հետախուզման և շահագործական պաշարների գնահատման գիտամեթոդական հարցերով, կազմել է ջրային պաշարների տեղաբաշխման քարտեզներ։ Նրա հետազոտությունները ներկայացված են շուրջ երկու տասնյակ գիտաարտադրական հաշվետվությունների, երեք մենագրությունների, վեց քարտեզների և տպադրված ութսուն գիտական հոդվածների տեսքով։ Զեկուցումներով հանդես է եկել հանրապետական, համամիութենական և միջազգային գիտաժողովներում[1]։
Պարգևներ, կոչումներ
խմբագրել1970 թվականին արժանացել է ՀԽՍՀ վաստակավոր երկրաբանի կոչման։ Պարգևատրվել է Հայրենական պատերազմի I աստիճանի շքանշանով, բազմաթիվ մեդալներով, ՀԽՍՀ Գերագույն խորհրդի պատվոգրով։
Ծանոթագրություններ
խմբագրել- ↑ Կենսագրական հանրագիտարան, ԵՊՀ հրատ., 2009, էջ 118։