Վարպետը Կլամսիից
«Վարպետը Կլամսիից» (ռուս.՝ «Мастер из Кламси»), 1972 թվականին նկարահանված խորհրդային տիկնիկային մուլտֆիլմ մեծահասակների համար, որը նկարահանվել է «Սոյուզմուլտֆիլմ» ստուդիայում, ռեժիսոր Վադիմ Կրուչևսկու կողմից, ըստ ֆրանսիացի հայտնի գրող Ռոմեն Ռոլանի «Կոլա Բրյունյոն» պատմվածքի մոտիվների։
 | |
|---|---|
| Տեսակ | կարճամետրաժ մուլտիպլիկացիոն ֆիլմ |
| Ռեժիսոր | Վադիմ Կուրչևսկի |
| Հնչյունավորում | Ալեքսեյ Կոնսովսկի[1] |
| Օպերատոր | Թեոդոր Բունիմովիչ |
| Երկիր |  ԽՍՀՄ |
| Ընկերություն | Սոյուզմուլտֆիլմ |
| Տևողություն | 24 րոպե[1] |
| Թվական | 1972 |
Սյուժե
խմբագրելԿոլա Բրյունյոնը հասարակ մարդ էր, տաղանդավոր ատաղձագործ ֆրանսիական Կլամսի փոքր քաղաքից։ Նա փայտից ստանում էր գեղեցիկ քանդակներ և նայելով դրանց` հիշում իր երիտասարդությունը և իր առաջին սերը` Ծիծեռնակին։ Կոլան երբեք չի կորցնում իր լավատեսությունը, չնայած իրեն պատահած բազմաթիվ անհաջողություններին. նա վարակվում է ժանտախտով, դիմանում իր թոռնուհու հիվանդությանն ու կնոջ մահին։ Կոլան վերապրում է իր ստեղծագործությունների կորուստը հերցոգյան ամրոցում. նրա արվեստանոցն այրվում է ժանտախտի ժամանակ։ Նրա համար ամենակարևորը կյանքի հանդեպ սերն էր և ստեղծագործական աշխատանքը, ինչպես նաև` այն համոզմունքը, որ կյանքը շարունակվում է երեխաներին ու աշակերտների մեջ։
Նկարահանող խումբ
խմբագրել- Նկարիչ ձևավորողներ` Ռոման Գուրով, Պավել Գուսև, Վլադիմիր Աբակումով, Մարգարիտա Չեսնոկովա, Լիլինա Լյուտինսկայա, Վալենտին Լադիգին, Օլեգ Մասաինով, Գալինա Գետինգեր, Սվետլանա Զնամենսկայա, Վլադիմիր Ալիսով, Պավել Լեսին
- Մոնտաժող` Նադեժդա Տրեշյովա
- Խմբագիր` Ռաիսա Ֆրիչինսկայա
- Մուլտֆիլմի տնօրեն` Նատան Բիտման
Հեղինակները ներկայացված են ըստ մուլտֆիլմի լուսագրերի։
Մուլտֆիլմի մասին
խմբագրել
|
Նատալյա Դաբիժան «կենդանացրել է» ավելի քան 30 կերպար, որոնցից են հայտնի տիկնիկային այնպիսի կերպարներ, ինչպիսիք են Կոլա Բրյունյոնը («Վարպետը Կլամսից»), Մարտիշկան («38 թութակներ») և Չիչիկովը («Մեռած հոգիներ»)։
Նրա բոլոր կենդանիներն ու մարդուկները ոչ թե պարզապես շորի կտորներ են, այլ կենդանի արարածներ` տաքարյուն, սովորույթներով ու վարքագծով։ - Նատալյա Լուկինիխ[2]
|
|
Ծանոթագրություններ
խմբագրել- ↑ 1,0 1,1 Internet Movie Database — 1990.
- ↑ «Новейшая история отечественного кино. 1986-2000. Кино и контекст. Т. I. СПб, "Сеанс", 2001». Արխիվացված է օրիգինալից 2017 թ․ օգոստոսի 25-ին. Վերցված է 2017 թ․ փետրվարի 22-ին.
Գրականություն
խմբագրել- Курчевский В. Мудрость вымысла. М., 1983.