Վերադարձ Օլիմպոսից

Վերադարձ Օլիմպոսից (ռուս.՝ Возвращение с Олимпа), խորհրդային նկարված մուլտիպլիկացիոն ֆիլմ` ըստ հին հունական դիցաբանության մոտիվների, ռեժիսորն Ալեքսանդրա Սնեժկո-Բլոցկայան է։

Վերադարձ Օլիմպոսից ռուս.՝ Возвращение с Олимпа
Տեսակ	մուլտֆիլմ
Թեմա	Հերակլես
Ռեժիսոր	Ալեքսանդրա Սնեժկո-Բլոցկայա
Սցենարիստ	Ալեքսեյ Սիմուկով
Հնչյունավորում	Ալեքսեյ Կոնսովսկի, Էրաստ Գարին, Միխայիլ Նովոխիժին, Ալեքսեյ Գրիբով, Նատալյա Կուստինսկայա և Միխայիլ Պոգորժելսկի
Բեմադրող նկարիչ	Ալեքսանդր Տրուսով
Երաժշտություն	Վիտալի Գևիկսման
Օպերատոր	Բորիս Կոտով
Երկիր	ԽՍՀՄ
Լեզու	ռուսերեն
Ընկերություն	Սոյուզմուլտֆիլմ
Տևողություն	19 րոպե
Թվական	1969

Սյուժե

Օլիմպոս։ Այստեղ բոլորն ամենագլխավոր աստվածներն են. ամենակարող Զևս շանթարգելը, նրա դաժան կինը` ամուսնության հովանավորուհի աստվածուհի Հերան, գեղեցիկ երգիչ Ապոլլոն–նետաձիգը, Ծովերի արքա Պոսեյդոնը, ռազմիկ Արեսը, գեղեցկության և սիրո աստվածուհին Աֆրոդիտեն և իմաստուն Աթենասը։

Այստեղ է նաև Զևսի արտամուսնական որդի Հերակլեսը` կիսաստված-կիսամարդը։ Կարոտելով Երկրին, նա խնդրում է Զևսին և իջնում է երկրի վրա մինչև մայրամուտ։ Նրան ուղեկցում է արծիվը, որը շատ խորամանկ և շողոքորթ աստիճանահարգող է, այն արծիվը, որը ժամանակին կտցահարել է Պրոմեթևսին, և որին Հերակլեսը փրկել էր։ Երկրի վրա Հերակլեսը ընկնում է մի տաճար, որը նվիրված է իրեն և իր տասներկու սխրագործություններին։ Այնտեղ նա հիշում է իր սխրագործություններից մի քանիսը, մասնավորապես, Հեսպերիդոսի խնձորի և տիտան Պրոմեթևսի փրկության մասին։

Բացվում է առավոտը, և Հերակլեսը պետք է վերադառնալ Օլիմպոս։ Շրջվելով` նա նկատում հրեշների, որոնք մի անգամ հաղթվել էին, բայց նորից էին հայտնվել. դրանք են Հիդրան, Ստիմֆալիկական թռչունը, նաև տեսնում է շղթաներով բանտարկյալին։ Չդիմանալով` Հերակլեսը որոշում է մնալ երկրի վրա։ Եվ որքան էլ արծիվը փորձում է համոզել Հերակլեսին վերադառնալ Օլիմպոս, Հերակլեսը անկոտրում էր` դառնալով աստված, բայց միևնույն է նա մարդ էր մնացել։

Տարբերություններ առասպելից

• Հեսպերիդի խնձորի մասին հիշողություններում բացակայում են Հեսպերիդները և դրվագը պատկերված է Ատլասի մոտ, ի տարբերություն առասպելի։
• Պրոմեթևսի փրկության մասին հիշողությունում արծիվը միայն շշմում է լախտի հարվածից, իսկ առասպելում խոցվում է նիզակով։
• Խնձորներից մեկը գործածվում է Պրոմեթևսի բուժման համար, առասպելում խնձորները բերվում են Էվրիսֆեյոսին ամբողջությամբ։

Հեղինակներ

• Սցենարի հեղինակ՝ Ալեքսեյ Սիմուկով
• Ռեժիսոր՝ Ալեքսանդրա Սնեժկո-Բլոցկայա
• Բեմադրող նկարիչ՝ Ալեքսանդր Տրուսով
• Կոմպոզիտոր՝ Վիտալի Գևիկսման
• Օպերատոր՝ Բորիս Կոտով
• Հնչյունային օպերատոր՝ Բորիս Ֆիլչիկով
• Խմբագիր՝ Արկադի Սնեսարև
• Օգնականներ՝ Ե․ Նովոսելսկի, Զ․ Կրեդուշինսկայա, Մ․ Պոպովա
• Մոնտաժող՝ Նինա Մայորովա
• Նկարիչներ՝ Վիկտոր Շևկով, Յուրի Բուտիրին, Բորիս Բուտակով, Օլեգ Սաֆրանով, Նիկոլայ Ֆեդորով, Լեոնիդ Կայուկով, Ելիզավետա Կոմովա, Վադիմ Դոլգիխ, Ելենա Տաննենբերգ, Իրինա Սվետլիցա, Ալլա Գորեևա, Վ․ Մակսիմովիչ
• Դերերը հնչյունավորել են
  • Ալեքսեյ Կոնսովսկի՝ Հերակլես
  • Էրաստ Գարին՝ արծիվ
  • Միխայիլ Նովոխիժին՝ Զևս
  • Ալեքսեյ Գրիբով՝ Ներևս
  • Նատալյա Կուստինսկայա՝ Հերա
  • Սոֆիյա Զայկովա՝ Նիմփաներ
  • Մ․ Վասիլև
  • Միխայիլ Պոգորոժելսկի՝ Ատլաս
• Ֆիլմի տնօրեն՝ Լուբով Բուտիրինա

Թողարկում տեսահոլովակով

1980-ական թվականներին ԽՍՀՄ–ում մուլտֆիլմը թողարկվել է VHS ձևաչափով։ Ռուսաստանում 1990-ական թվականներին թողարկվել է «Խոշոր պլան» կինոմիավորման կողմից, VHS ձևաչափով, 1990-ական թվականների կեսերին` Video CD կոմպակտ–սկավառակներով «Պրոմեթևս» և «Հերակլեսն Ադմետոսի մոտ» մուլտֆիլմերի հետ։

Արձագանքներ

Շատ հայտնի է Ալեքսանդրա Սնեժկո–Բլոցկայայի ֆիլմերի շարքն ըստ հին հունասանի առասպելների։ Ալեքսանդր Տրուսովի հետ համագործակցելով` նրանք հանդիսատեսին ցույց են տալիս աստվածների, հնաոճ հերոսերի, մեդուզաների, Մինոտավրներով և այլ այդ ժամանակվա հանդիսատեսի համար անսովոր կերպարների` իրենց տեսաանկյունից։ Այդ ժանրում Սնեժենկո–Բլոցկայան դառնում է բացահայտող և հասցնում է նկարահանել հինգ ֆիլմեր՝ «Վերադարձ Օլիմպոսից» (1969 թվական), «Լաբիրինթոս։ Թեսևսի սխրանքները» (1971 թվական), «Արգոնավորդները» (1972 թվական), «Պերսևս» (1973), «Պրոմեթևս» (1974 թվական)։ - Սերգեյ Կապկով

Ծանոթագրություններ

• «Վերադարձ Օլիմպոսից» մուլտֆիլմը «Անիմատոր.ռու» կայքում