Վերին Ծաղկավան

Վերին Ծաղկավան
Գյուղ
	Վերին Ծաղկավան
Երկիր	Հայաստան
Մարզ	Տավուշ
Համայնք	Տավուշի մարզ և Տավուշի շրջան
Գյուղապետ	Արթուր Ղազարյան
Հիմնադրված է	1920 թ.
Մակերես	15.5 կմ²
ԲԾՄ	750 մ
Կլիմայի տեսակ	մերձարևադարձային
Պաշտոնական լեզու	հայերեն
Բնակչություն	887 մարդ (2011)
Ժամային գոտի	UTC+4
	Վերին Ծաղկավան (Հայաստան)
	Վերին Ծաղկավան (Հայաստան)
	Վերին Ծաղկավան Վիքիպահեստում

Անվան այլ կիրառումների համար տե՛ս՝ Ծաղկավան (այլ կիրառումներ)

Վերին Ծաղկավան (նախկին անվանումը՝ Վելիգեղ), գյուղ Հայաստանի Տավուշի մարզում՝ նախկին Շամշադինի շրջանում, Բերդ քաղաքից 7 կմ հյուսիս-արևմուտք, Վարագաջուր գետի ափին։ Վերանվանվել է Ծաղկավան 1939 թ. մայիսի 4-ին^[2]։

Բնակչություն

Ըստ Հայաստանի 2011 թ. մարդահամարի արդյունքների՝ Վերին Ծաղկավանի մշտական բնակչությունը կազմել է 887, առկա բնակչությունը՝ 848 մարդ^[1]։ Բնակիչները հայեր են^[3], որոնց նախնիները 1920 թ. այստեղ են տեղափոխվել հարևան Վարագավան (նախկին Հախում) գյուղից^[2]։

Վերին Ծաղկավանի բնակչության փոփոխությունը ժամանակի ընթացքում՝ ստորև^[4].

Տարի	1922	1926	1939	1959	1970	1979	1989	2001	2011
Բնակիչ	501	650	1105	1011	1233	1100	914	996	887^[1]

Տնտեսություն

Բնակչությունը զբաղվում է անասնապահությամբ, ծխախոտագործությամբ, այգեգործությամբ, հացահատիկի և կարտոֆիլի մշակությամբ։

Պատմամշակութային կառույցներ

Գյուղից 6 կմ հարավ-արևմուտք, ձորալանջին, անտառի մեջ է գտնվում Շխմուրադի Սուրբ Աստվածածին վանական համալիրը (12-13 դար)՝ կազմված եկեղեցուց, մատուռից և երկու գավթից։ Եկեղեցին (1181 թ) կառուցված է սպիտակագույն ֆելզիտից, լավ է պահպանված և ունի գմբեթավոր դահլիճի հորինվածք՝ մեկ զույգ որմնամույթով։ Ուղղանկյուն ավանդատների մուտքը բեմից է։ Արևելյան ճակատը մշակված է զույգ խորշերով։ Համալիրի հարավ-արևելքում կիսավեր, միանավ մատուռն է։ Վանքի գավիթները եկեղեցու հարավային և արևմտյան կողմերում են։ Արևմտյան գավիթը քառակուսի հատակագծով դահլիճ է, մեկ զույգ ութանիստ մույթով, որոնցից դեպի եկեղեցու ճակատի որմնամույթերը ձգվող կամարների վրա բարձրանում է երդիկով ավարտվող կենտրոնական հատվածը։

Գյուղի շրջակայքում պահպանվել են մ.թ.ա. 1-ին հազարամյակին «Պախրախաչ», մ.թ.ա. 6-րդ-5-րդ դարերում «Բերդաքար» և մ.թ.ա. 1-ին հազարամյակում «Կալքար» ամրոցները; 13-17 դարերում «Քարագլուխ», «Հախսու» և «Ճաքած գյուղ» գյուղատեղիները^[5]։

Տես նաև

Վերին Ծաղկավանի պատմության և մշակույթի անշարժ հուշարձանների ցանկ (Տավուշի մարզ)

Ծանոթագրություններ

↑ ^1,0 ^1,1 ^1,2 2011 թ Հայաստանի մարդահամարի արդյունքները
↑ ^2,0 ^2,1 Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 2 [Դ-Կ] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 1986, էջ 835 — 992 էջ։
↑ Զավեն Կորկոտյան, «Խորհրդային Հայաստանի բնակչությունը վերջին հարյուրամյակում (1831-1931)»
↑ «Հայաստանի հանրապետության բնակավայրերի բառարան, էջ 101» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2014 Մայիսի 24-ին.
↑ «ՀՀ բնակավայրերի բառարան» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2013 թ․ հունիսի 7-ին.

[census2011-1] 1,0 ^1,1 ^1,2 2011 թ Հայաստանի մարդահամարի արդյունքները

[texanunneri_bararan-2] 2,0 ^2,1 Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 2 [Դ-Կ] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 1986, էջ 835 — 992 էջ։

[hay_bnak-3] Զավեն Կորկոտյան, «Խորհրդային Հայաստանի բնակչությունը վերջին հարյուրամյակում (1831-1931)»

[hay_gyux-4] «Հայաստանի հանրապետության բնակավայրերի բառարան, էջ 101» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2014 Մայիսի 24-ին.

[5] «ՀՀ բնակավայրերի բառարան» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2013 թ․ հունիսի 7-ին.

[2]

[1]

[3]

[4]

[5]