Վլադիմիր Վիզե
Վլադիմիր Յուլևիչ Վիզե (ռուս.՝ Владимир Юльевич Визе, փետրվարի 21 (մարտի 5), 1886[1] կամ մարտի 5, 1886[1], Պուշկին, Սանկտ Պետերբուրգի նահանգ, Ռուսական կայսրություն - փետրվարի 19, 1954[2][1], Լենինգրադ, ՌԽՖՍՀ, ԽՍՀՄ[2]), խորհրդային բևեռախույզ, Արկտիկայի հետազոտող, ԽՍՀՄ ԳԱ թղթակից անդամ (1933)։
| Վլադիմիր Վիզե | |
|---|---|
 | |
| Ծնվել է | փետրվարի 21 (մարտի 5), 1886[1] կամ մարտի 5, 1886[1] |
| Ծննդավայր | Պուշկին, Սանկտ Պետերբուրգի նահանգ, Ռուսական կայսրություն |
| Մահացել է | փետրվարի 19, 1954[2][1] (67 տարեկան) |
| Մահվան վայր | Լենինգրադ, ՌԽՖՍՀ, ԽՍՀՄ[2] |
| Գերեզման | Լիտերատորսկիե մոստկի |
| Քաղաքացիություն |  Ռուսական կայսրություն, .svg){kind=small} Խորհրդային Ռուսաստան և .svg){kind=small} ԽՍՀՄ |
| Կրթություն | Tsarskoye Selo Gymnasium?, Սանկտ Պետերբուրգի համալսարան (1910) և Գյոթինգենի համալսարան |
| Մասնագիտություն | ճանապարհորդ հետազոտող, օդերևութաբան և բևեռախույզ |
| Աշխատավայր | Սանկտ Պետերբուրգի համալսարան |
| Պարգևներ և մրցանակներ |    և  |
| Անդամություն | ԽՍՀՄ գիտությունների ակադեմիա |
 Vladimir Wiese Վիքիպահեստում | |
Աշխատել է Արկտիկական ինստիտուտում (1928 թվականից), եղել Լենինգրադի համալսարանի պրոֆեսոր (1945 թվականից)։ Մասնակցել է Գեորգի Սեդովի բևեռային (1912-1914) և այլ արշավախմբերի։ Ղեկավարել է «Գեորգի Սեդով» (1930), «Սիբիրյակով» (1932) և «Լիտկե» (1934) նավերի արկտիկական արշավախմբերը։
Հիմնական ուսումնասիրությունները վերաբերում են մթնոլորտային պրոցեսների և հիդրոլոգիական պայմանների ազդեցությանը արկտիկական ծովերի սառցայնության վրա, արկտիկական ծովերի սառույցների ձևավորման և շարժման օրինաչափություններին։ Ուսումնասիրել է կլիմայի ձևավորման պրոցեսները Կենտրոնական Արկտիկայում և սառցայնության ազդեցությունը մթնոլորտի շրջանառության վրա։ Մշակել է սառցային կանխորոշումների մեթոդները։ Ուսումնասիրելով արկտիկական ծովերի սառույցների շարժման ուղղությունները և օրինաչափությունները՝ 1924 թվականին կանխագուշակել է կղզու գոյություն Կարայի ծովի հյուսիսային մասում, որը 1930 թ. հայտնաբերեց «Գեորգի Սեդով»-ի արշավախումբը և անվանեց նրա անունով։
Վիզեի անվամբ են կոչվել նաև սառցադաշտ, հրվանդան և ծովախորշ Նոր երկիր կղզում։
1946 թվականին արժանացել է ԽՍՀՄ պետական մրցանակի։ Պարգևատրվել է Լենինի երկու և Աշխատանքային կարմիր դրոշի շքանշաններով։
Ծանոթագրություններ
խմբագրել- ↑ 1,0 1,1 1,2 1,3 1,4 1,5 1,6 Литераторы Санкт-Петербурга. ХХ век (ռուս.) / под ред. О. В. Богданова
- ↑ 2,0 2,1 2,2 2,3 2,4 2,5 Визе Владимир Юльевич // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 439)։ 
|
 | Վիքիպահեստն ունի նյութեր, որոնք վերաբերում են «Վլադիմիր Վիզե» հոդվածին։ |
|
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |