Տիգրան Արզաքանցյան
| Այս հոդվածը կարող է վիքիֆիկացման կարիք ունենալ Վիքիպեդիայի որակի չափանիշներին համապատասխանելու համար։ Դուք կարող եք օգնել հոդվածի բարելավմանը՝ ավելացնելով համապատասխան ներքին հղումներ և շտկելով բաժինների դասավորությունը, ինչպես նաև վիքիչափանիշներին համապատասխան այլ գործողություններ կատարելով։ |
Տիգրան Գրիշայի Արզաքանցյան (օգոստոսի 7, 1966, Կամո, Հայկական ԽՍՀ, ԽՍՀՄ), հայ գործարար և քաղաքական գործիչ, ՀՀ Ազգային Ժողովի նախկին պատգամավոր։ «Գրեյթ Վելլի» ՀՁ ՍՊԸ սեփականատեր, «Տիգրան Արզաքանցյան» ԲՀ-ի հիմնադիր։
| Տիգրան Արզաքանցյան | |
| Կուսակցություն՝ | «Ուժը Հայրենյաց» |
|---|---|
| Մասնագիտություն՝ | քաղաքական գործիչ Տեխնիկ-անասնաբույժ |
| Ծննդյան օր | օգոստոսի 7, 1966 (58 տարեկան) |
| Ծննդավայր | Կամո, Հայկական ԽՍՀ, ԽՍՀՄ |
| Քաղաքացիություն |  Հայաստան
|
Կենսագրություն
խմբագրելԾնվել է 1966 թ․ օգոստոսի 7-ին ՀՍՍՀ Կամո շրջանի Կամո քաղաքում (այժմ՝ Գավառ)[1]։
1979–1984 թթ․ սովորել է Կամոյի անասնաբուժական-անասնաբուծական տեխնիկումում։ 1984–1986 թթ. ծառայել է խորհրդային բանակում։ 1986–1998 թթ. ՌԴ-ում զբաղվել է բիզնեսով։ 1998–2003 թթ. եղել է «Գրեյթ Վելլի» ՀՁ ՍՊԸ տնօրեն[1]։
2003 թ․ հիմնադրել է «Տիգրան Արզաքանցյան» բարեգործական հիմնադրամը, որը տնօրինում է նրա մայրը՝ Վարսենիկ Գրիգորյանը[2]։ 2008 թ․ գնել է Ֆրանսիայում գտնվող Hine Cognac House-ի գործարաններից մեկը[3]։ Տեր է նաև Paramount Gold Mining ՓԲԸ բաժնետոմսերի 51%-ի։
2007 թ. Սեպտեմբերի 26-ին երեք անգամ դանակահարվել է և հրազենից երկու վերք է ստացել Մոսկվայի «Մետրոպոլ» խաղատանը[4]։ Հետաքննության համաձայն՝ 2007 թ․ ավելի քան 30 անգամ այցելել է «Մետրոպոլ» խաղատունը[5]։ 2011 թ․ հայց է ներկայացրել «Երկիր» օրաթերթի դեմ՝ իրեն վիրավորելու համար[6]։
2016 թ․ Հայաստանի պետական եկամուտների կոմիտեն Արզաքանցյանին մեղադրանք է առաջադրել՝ պետությանը խոշոր չափի վնաս պատճառելու համար[7]։
Քաղաքական գործունեություն
խմբագրել2003 թ․ մայիսի 25-ին կայացած խորհրդարանական ընտրություններում ընտրվել է Հայաստանի Ազգային ժողովի երրորդ գումարման պատգամավոր՝ Հայաստանի հանրապետական կուսակցությունից։ ԱԺ ֆինանսավարկային, բյուջետային և տնտեսական հարցերի մշտական հանձնաժողովի անդամ է եղել[1]։
2007 թ. Մայիսի 12-ին կայացած խորհրդարանական ընտրություններում ընտրվել է Գեղարքունիքի մարզի 22 ընտրատարածքի Ազգային ժողովի չորրորդ գումարման պատգամավոր՝ ՀՀԿ-ից։ 2007 թ. Հունիսի 19-ից մինչև 2008 թ. Հուլիսի 11 եղել է առողջապահության, մայրության և մանկության հարցերի մշտական հանձնաժողովի անդամ, ապա մինչև 2009 թ. Մայիսի 4-ը՝ սոցիալական հարցերի մշտական հանձնաժողովի անդամ, այնուհետ՝ տնտեսական հարցերի մշտական հանձնաժողովի անդամ է եղել[1]։ Մի շարք աղբյուրներ Արզաքանցյանին նշել են որպես խորհրդարանի նիստերից ամենահաճախակի բացակայողներից մեկը[8]։
2017 թ․ խորհրդարանական ընտրություններում կրկին առաջադրվել է ՀՀԿ պատգամավորության թեկնածու Գեղարքունիքի մարզում[9], սակայն պարտվել է կուսակիցներին[10]։
Գլխավորելու էր Հայաստանի դեմոկրատական կուսակցության նախընտրական ցուցակը 2021 թ․ հունիսի 21-ին կայանալիք Հայաստանի խորհրդարանական ընտրություններում[11]։ Սակայն հունիսի 10-ին հայտնի դարձավ, որ ԿԸՀ-ն անվավեր է ճանաչել Հայաստանի դեմոկրատական կուսակցության ընտրական ցուցակը գլխավորող Տիգրան Արզաքանցյանի գրանցումը։
Անձնական կյանք
խմբագրելԱռաջին ամուսնությունից ունի երեք երեխա[1]։
Ամուսնացած է Նատալիա Ռոտենբերգի հետ[12]։
Ծանոթագրություններ
խմբագրել- ↑ 1,0 1,1 1,2 1,3 1,4 «Տիգրան Գրիշայի Արզաքանցյան». www.parliament.am.
- ↑ ««Տիգրան Արզաքանցյան» բարեգործական հիմնադրամը 10 տարեկան է». DeFacto.
- ↑ «Настоящее и будущее «Царя Тиграна»». Simple Wine News (ռուսերեն).
- ↑ Սարուխանյան, Վահե. «Պատգամավորը թանկ վճարեց հերթական արկածի համար». Hetq.am.
- ↑ «Тигран Арзаканцян посещал казино "Метрополь" 33 раза». ИА REGNUM (ռուսերեն).
- ↑ Հովհաննիսյան, Լիլիթ. «В Армении суд обязал газету "Еркир" выплатить 500 долларов по иску Арзаканцяна». www.kavkaz-uzel.eu. Кавказский Узел.
- ↑ Աղբալյան, Գագիկ. «Տիգրան Արզաքանցյանը վնաս է պատճառել պետությանը, հայտնվել դատարանում». Hetq.am.
- ↑ «Депутаты, прогуливающие заседания НС, будут подвергнуты денежному взысканию». www.panorama.am.
- ↑ «Республиканская партия Армении обнародовала предвыборный рейтинговый список». arka.am.
- ↑ «Տիգրան Արզաքանցյանը պարտվել է Գեղարքունիքում». news.am.
- ↑ «Տիգրան Արզաքանցյանը կգլխավորի ՀԴԿ ընտրական ցուցակը». Iravaban.net.
- ↑ «Наталья Ротенберг с возлюбленным на королевских скачках Royal Ascot». www.spletnik.ru.