Տիգրան Մուկուչյան

	Տիգրան Մուկուչյան
Կրթություն՝	ԵՊՀ իրավաբանական ֆակուլտետ
Մասնագիտություն՝	քաղաքական գործիչ
Ծննդյան օր	փետրվարի 8, 1969 (55 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայկական ԽՍՀ

Տիգրան Տոլիկի Մուկուչյան (փետրվարի 8, 1969(1969-02-08), Երևան, Հայկական ԽՍՀ, ԽՍՀՄ), ՀՀ պետական գործիչ, 2011 թվականից ՀՀ Կենտրոնական ընտրական հանձնաժողովի նախագահ։

Կրթություն

1986-1987 թվականներին սովորել է թիվ 13 պրոֆտեխուսումնարանի «Ռադիոէլկտրոնային սարքերի մոնտաժող» բաժնում։
1987-1989 թվականներին ծառայել է Խորհրդային բանակում։
1989-1995 թվականներին սովորել է Երևանի պետական համալսարանի իրավաբանական ֆակուլտետում։

Աշխատանքային գործունեություն

1989-1991 թվականներ - Երևանի «Հայարդկապ» փորձարարական գործարանի ֆրեզերագործի աշակերտ, ապա՝ ֆրեզերագործ։
1991-1993 թվականներ - ՀՀ Գերագույն խորհրդի ֆինանսատնտեսական վարչության էլեկտրամոնտյոր։
1993-1995 թվականներ - ՀՀ Գերագույն խորհրդի քարտուղարության իրավաբանական բաժնում որպես ավագ վիճակագիր։
1995-1996 թվականներ - ՀՀ Ազգային ժողովի իրավաբանական բաժնի ավագ խորհրդատու։
1996-1997 թվականներ - ՀՀ Ազգային ժողովի իրավաբանական ծառայության իրավաբանական-տեղեկատվական կենտրոնի ղեկավար։
1997-1998 թվականներ - Երևանի քաղաքապետարանի իրավաբանական բաժնի պետ։
1998 թվականի (ապրիլ-օգոստոս) - Երևանի քաղաքապետի գլխավոր խորհրդական, այնուհետև՝ քաղաքապետի աշխատակազմի ղեկավար։
1996-1998 թվականներ - Հայաստանի Հանրապետության կենտրոնական ընտրական հանձնաժողովի անդամ։
1998-2000 թվականներ - ՀՀ վիճակագրության, վերլուծության և պետական ռեգիստրի նախարարի տեղակալ, ՀՀ ձեռնարկությունների պետական ռեգիստրի վարչության պետ։
2000-2003 թվականներ - ՀՀ արդարադատության նախարարի տեղակալ, պետական ռեգիստրի պետ։
2003-2005 թվականներ - ՀՀ արդարադատության նախարարի տեղակալ։
2005 թվականի նոյեմբերի 17-ին ՀՀ վարչապետի որոշմամբ ազատվել է ՀՀ արդարադատության նախարարի տեղակալի պաշտոնից^[1]։
2005-2007 թվականներ - ՀՀ քաղաքացիական գործերով վերաքննիչ դատարանի նախագահ։
2008-2010 թվականներ - ՀՀ վարչական դատարանի նախագահ։
2010 թվականի նոյեմբերի 18-ին ՀՀ Նախագահի հրամանգրով 2010 թվականի դեկտեմբերի 1-ից նշանակվել է ՀՀ վարչական վերաքննիչ դատարանի նախագահ՝ դադարեցնելով Հայաստանի Հանրապետության վարչական դատարանի նախագահի լիազորությունները^[2]։
2011 թվականի սեպտեմբերի 14-ին ՀՀ Նախագահի հրամանգրով 2011 թվականի սեպտեմբերի 15-ից ՀՀ վարչական վերաքննիչ դատարանի նախագահի լիազորությունները դադարեցվել են՝ իր դիմումի համաձայն^[3]։
2011 թվականի սեպտեմբերի 18-ին ՀՀ Նախագահի հրամանագրով ՀՀ վճռաբեկ դատարանի նախագահի առաջարկությամբ նշանակվել է ՀՀ կենտրոնական ընտրական հանձնաժողովի անդամ^[4]
2011 թվականի սեպտեմբերի 20-ին ընտրվել է ՀՀ կենտրոնական ընտրական հանձնաժողովի նախագահ։