Քաղաքական կոնֆլիկտ
Քաղաքական կոնֆլիկտ, հանուն իշխանության քաղաքականության սուբյեկտների տեսական ու գործնական պայքարն է՝ գոյություն ունեցող սոցիալ - քաղաքական կարգի տրանսֆորմացիայի կամ պահպանման համար, պետական-քաղաքական իշխանության տիրապետման, բաշխման ու վերաբաշխման նպատակով։
Քաղաքական կոնֆլիկտն առանձնահատուկ դիրք ունի կոնֆլիկտների դասակարգման մեջ, որովհետև քաղաքականությունը ոչ միայն մշտական, այլև`բարձր կոնֆլիկտայնության ոլորտ է։ Պատմության ընթացքում ամենամեծաքանակ կոնֆլիկտներ տվել է հասարակական կենսագործունեության քաղաքական ոլորտը[1]։
Չնայած արդի ժամանակաշրջանում գլոբալ աշխարհաքաղաքական հակամարտության և ներհասարակական տարաձայնությունների մեղմացման ցանկությանը, մշակութային և տնտեսական ինտեգրացման տարաբնույթ նախագծերին, այդուհանդերձ քաղաքական կոնֆլիկտները շարունակում են ներպետական իրավիճակի և միջազգային հարաբերությունների անբաժան մասը մնալ:Կոնֆլիկտաբանության առաջնահերթ խնդիրներից է քաղաքական կոնֆլիկտների
- ծագման
- զարգացման
- կառավարման
օրինաչափությունների ուսումնասիրությունը, դրանց բացասական հետևանքների առավել մեղմացման ուղիների փնտրտուքը։
Հայտնի կոնֆլիկտաբան Ռ.Դարենդորֆի կարծիքով ով ունակ է հաղթահարել կոնֆլիկտները` ընդունելով դրանց գոյությունը և կարգավորելով դրանք, նա կառավարում է պատմության ռիթմը։ Ով բաց է թողնում այդ հնարավորությունը, պատմության ռիթմը դարձնում է իր հակառակորդը։
Կոնֆլիկտների կանխարգելման ու կառավարման գործընթացում կարևոր դեր ունեն օրենսդրական մեխանիզմները։ Ժողովրդավարացման ամրապնդման պայմաններում հենց օրենսդրությունն է դառնում հասարակական կյանքի կայունացնող գործոն։ Կոնֆլիկտների լուծման առավել արդյունավետ հիմքը իրավականն է, որովհետև այն նպաստում է հակասությունների օրինական հաղթահարմանը, կայունացնում ներքաղաքական իրադրությունը, ծնում իրավա-քաղաքական ու սոցիալ-տնտեսական հետևանքներ և երաշխավորում ընդունված որոշումները պետական հեղինակությամբ։
Կոնֆլիկտների լուծման ու կառավարման գործում այլ եղանակների մեջ կարևոր դեր ունի բանակցությունների գործոնը[2], ինչը կողմերին թույլ է տալիս յուրաքանչյուրին բավարարող համաձայնության հանգել, օգնում զերծ մնալ երկարատև իրավա-քաղաքական հակամարությունից, և արդյունքում` ֆինանսա-նյութական կորուստից ու պարտության ռիսկից։
Ծանոթագրություններ
խմբագրել- ↑ (PDF) https://narfu.ru/university/library/books/2958.pdf.
{{cite web}}: Missing or empty|title=(օգնություն) - ↑ https://www.twirpx.com/file/575445/.
{{cite web}}: Missing or empty|title=(օգնություն)(չաշխատող հղում)