Օլգա Բոզնանսկա
Օլգա Բոզնանսկա (լեհ.՝ Olga Boznańska, ապրիլի 15, 1865[1][2][3][…], Կրակով, Ավստրիական կայսրություն[1] - հոկտեմբերի 26, 1940[3][4][5][…], Փարիզ, Ֆրանսիա[6]), լեհ նկարչուհի, իմպրեսիոնիստ[8]։
Օլգա Բոզնանսկա լեհ.՝ Olga Boznańska | |
|---|---|
 | |
| Ծնվել է | ապրիլի 15, 1865[1][2][3][…] |
| Ծննդավայր | Կրակով, Ավստրիական կայսրություն[1] |
| Վախճանվել է | հոկտեմբերի 26, 1940[3][4][5][…] (75 տարեկան) |
| Մահվան վայր | Փարիզ, Ֆրանսիա[6] |
| Քաղաքացիություն |  Ավստրո-Հունգարիա, .svg){kind=small} Լեհաստանի Երկրորդ Հանրապետություն և  Ֆրանսիա |
| Մասնագիտություն | նկարչուհի |
| Ժանր | դիմապատկեր |
| Թեմաներ | գեղանկարչություն[7] և դիմանկար[7] |
| Ուշագրավ աշխատանքներ | Սպիտակ հագած երիտասարդ կինը, Երիտասարդ կնոջ դիմանկարը, Կնոջ դիմանկար և Աղջիկը քրիզանթեմներով |
| Պարգևներ |    և  |
 Olga Boznańska Վիքիպահեստում | |
Կենսագրություն
խմբագրելՕլգա Բոզնանսկան ծնվել է 1865 թվականի ապրիլի 15-ին Կրակովում, երկաթգծի ինժեների ընտանիքում։ Նրա հայրը եղել է լեհ, մայրը՝ ֆրանսուհի։ Օլգա Բոզնանսկան նկարել սովորել է մանկուց, մասնավոր դասեր է առել Անտոնի Պիոտրովսկու և Կազիմիր Պոխվալսկու մոտ[9]։ 1886 թվականից մինչև 1890 թվականը Օլգա Բոզնանսկան ապրել է Մյունխենում։ Քանի որ Մյունխենի Գեղարվեստի ակադեմիայում կանանց սովորելու չէին ընդունում, Օլգա Բոզնանսկան մասնավոր դասերի է հաճախել Կարլ Կրիխենդորֆի ու Վիլհելմ Դյուրի մոտ։
Օլգա Բոզնանսկան նկարել է մեծ մասամբ դիմանկարներ, նատյուրմորտներ, բնանկարներ ու կենցաղային տեսարաններ։ Կրթությունն ավարտելուց հետո՝ 1890-ական թվականներին, Օլգա Բոզնանսկան իր նկարները ներկայացրել է Մյունխենում, Վարշավայում, Բեռլինում, Վիեննայում անցկացվող ցուցահանդեսներում։ «Նկարիչ Պավել Նաումենի դիմանկարը» աշխատանքի համար Օլգա Բոզնանսկան Վիեննայում արժանացել է ոսկե մեդալի, իսկ նրա «Միս Մերի Բրեմի դիմանկարը» մրցանակի է արժանացել Լոնդոնում։ 1896 թվականին Օլգա Բոզնանսկային շնորհվել է Փարիզի Գեղեցիկ արվեստների միության մրցանակ։
1898 թվականին Օլգա Բոզնանսկան դարձել է Լեհ նկարիչների «Արվեստ» միության անդամ։ Նույն թվականին նա մեկնել է Փարիզ։ 1900 թվականին Լոնդոն Նոր պատկերասրահում անցկացված ցուցահանդեսում Օլգա Բոզնանսկան արժանացել է ոսկե մեդալի, ինչպես նաև ստացել է Փարիզում անցկացված Համաշխարհային ցուցահանդեսի մրցանակ։ Նույն թվականին Օլգա Բոզնանսկան բաժանվել է նկարիչ Յուզեֆ Չայկովսկուց, ում հետ երկար տարիներ մտերիմ հարաբերությունների մեջ էր։
1901 թվականին Պիտսբուրգում տեղի է ունեցել Օլգա Բոզնանսկայի նկարների ցուցահանդես։ 1907 թվականին նա արժանացել է Պիտսբուրգի Քարնեգիի ինստիտուտի արծաթե մեդալի։ 1912 թվականին Օլգա Բոզնանսկան Կլոդ Մոնեի ու Օգյուստ Ռենուարի հետ համատեղ ներկայացրել է Ֆրանսիան Պիտսբուրգում անցկացված ցուցահանդեսում։ 1932 թվականին նկարչուհին վերջին անգամ այցելում է Կրակով։ 1937 թվականին Փարիզում անցկացված Համաշխարհային ցուցահանդեսում Օլգա Բոզնանսկան արժանանում է Գրան պրիի։ 1938 թվականին նա մասնակցում է Վենետիկի բիենալեին։
1912 թվականին Օլգա Բոզնանսկան արժանացել է ֆրանսիական Պատվո լեգեոնի շքանշանի։ 1936 թվականին նա Լեհաստանի գրականության ակադեմիայի կողմից ստացել է Ոսկե դափնեպսակ, իսկ 1938 թվականին պարգևատրվել է Լեհաստանի Վերածննդի շքանշանով։
Օլգա Բոզնանսկան մահացել է 1940 թվականի հոկտեմբերի 26-ին Փարիզում 75 տարեկան հասակում։
Պատկերասրահ
խմբագրել-
«Ճապոնական հովանոցով կինը»
(1886) -
«Կնոջ դիմանկար (Գնչուհի)»
(1888) -
«Բրետոնուհի»
(1889) -
«Տատիկի անվանակոչության օրը»
(1889) -
«Նկարիչ Պավել Նաումենի դիմանկարը»
(1893) -
«Աղջիկը քրիզանթեմներով»
(1894) -
«Պանի Դիգատի դիմանկարը»
(1903) -
«Սպիտակ հագած երիտասարդ կնոջ դիմանկար»
(1912) -
«Նատյուրմորտ վազով»
(1918) -
«Ծաղիկներ»
(1921)
Պարգևներ
խմբագրել- Պատվո լեգեոնի շքանշան (1912)
- Լեհաստանի Վերածննդի շքանշան (1938)
Ծանոթագրություններ
խմբագրել- ↑ 1,0 1,1 1,2 1,3 1,4 Anguera J. E. Enciclopedia universal ilustrada europeo-americana (իսպ.) — Editorial Espasa, 1905. — Vol. apéndice 2. — P. 477. — ISBN 8423945723
- ↑ 2,0 2,1 Olga Boznanska (նիդերլ.)
- ↑ 3,0 3,1 3,2 3,3 3,4 Olga Boznanska — OUP, 2006. — ISBN 978-0-19-977378-7
- ↑ 4,0 4,1 4,2 Բրոքհաուզի հանրագիտարան (գերմ.)
- ↑ 5,0 5,1 5,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 6,0 6,1 6,2 Deutsche Nationalbibliothek Record #124806082 // Gemeinsame Normdatei (գերմ.) — 2012—2016.
- ↑ 7,0 7,1 Չեխիայի ազգային գրադարանի կատալոգ
- ↑ «Boznańska Olga». Malarstwo, Europa; początek XX w. Encyklopedia WIEM, Onet.pl. Արխիվացված է օրիգինալից 2016 թ․ հունիսի 3-ին. Վերցված է 2012 թ․ նոյեմբերի 6-ին.
- ↑ Irena Kossowska, Instytut Sztuki Polskiej Akademii Nauk (2002 թ․ հուլիս). «Olga Boznańska». Sztuki wizualne. Warsaw: Instytut Adama Mickiewicza Culture.pl. Արխիվացված է օրիգինալից 2013 թ․ ապրիլի 9-ին. Վերցված է 2012 թ․ նոյեմբերի 6-ին.
Արտաքին հղումներ
խմբագրել- Օլգա Բոզնանսկայի կենսագրությունն ու աշխատանքները Արխիվացված 2006-04-12 Wayback Machine (լեհ.)
- Աշխատանքների համառոտ նկարագրություն և պատկերասրահ (լեհ.)
 | Վիքիպահեստն ունի նյութեր, որոնք վերաբերում են «Օլգա Բոզնանսկա» հոդվածին։ |