Ֆելիքս Մելոյան

Վիքիպեդիայում կան հոդվածներ Մելոյան ազգանունով այլ մարդկանց մասին։

Ֆելիքս Հակոբի Մելոյան (փետրվարի 23, 1940(1940-02-23), Երևան, Հայկական ԽՍՀ, ԽՍՀՄ - դեկտեմբերի 15, 2017(2017-12-15), Երևան, Հայաստան), հայ գրաքննադատ, ՀՀ Գրողների միության անդամ 1977 թվականից։

Ֆելիքս Մելոյան
Ծնվել է	1940 փետրվարի 23
Ծննդավայր	Երևան
Մահացել է	դեկտեմբերի 15, 2017(2017-12-15) (77 տարեկան)
Մահվան վայր	Երևան, Հայաստան
Քաղաքացիություն	Հայաստան
Ազգություն	հայ
Կրթություն	Երևանի Խաչատուր Աբովյանի անվան հայկական մանկավարժական ինստիտուտ
Մասնագիտություն	գրաքննադատ
Աշխատավայր	Եղիշե Չարենցի անվան գրականության և արվեստի թանգարան և Գրական թերթ
Կուսակցություն	ԽՄԿԿ
Անդամություն	ՀԳՄ

Կենսագրություն

Ֆելիքս Մելոյանը 1962 թվականին ավարտել է Երևանի Խաչատուր Աբովյանի անվան հայկական մանկավարժական ինստիտուտի պատմալեզվագրական ֆակուլտետը։ 1962-1964 թվականներին եղել է «Մետալուրգ» թերթի պատասխանատու քարտուղարը։ 1964-1968 թվականներին աշխատել է Եղիշե Չարենցի անվան գրականության և արվեստի թանգարանում որպես կրտսեր գիտաշխատող։ 1966-1971 թվականներին եղել է «Գրական թերթի» քննադատության բաժնի վարիչը, 1971-1978 թվականներին «Գրական թերթի» խմբագրի տեղակալը։ 1978 թվականի օգոստոսից եղել է «Սովետական գրականություն» ամսագրի գլխավոր խմբագրի տեղակալը։ 1996-2001 թվականներին եղել է ՀԳՄ վարչության քարտուղար։ ՀԳՄ «Նորք» հանդեսի խմբագիրն էր։

Ստեղծագործական կյանք

Գրական մամուլում տպագրվել են նրա բազմաթիվ հոդվածները, որոնց մեծ մասը վերաբերում է ժամանակակից հայ գրականությանը։

Երկեր

• Ընթացք, Երևան, 2003։
• 20-րդ դարի անգլիագիր արձակ։ Լուսակն, 2002, էջ 219։

Թարգմանություններ (ռուսերենից)

Այս հեղինակի կատարած թարգմանությունների ցանկը կարող եք որոնել «Թարգմանչաց արվեստ» շտեմարանի «Թարգմանիչներ» բաժնում

• Բոլշակով Լեոնիդ։ Վահան Տերյանի վերջին գործուղումը։ Էսսե.- Երևան։ Սովետական գրող, 1985.- 79 էջ։
• Մարգարյան Մուրադ։ Երինջը.- Երևան։ Սովետական գրող, 1983.- 190 էջ։
• Մեժելայտիս Էդուարդաս։ Իմ կրկնակի Արարատը։ Բանաստեղծություններ; Պոեմներ; Ակնարկներ.- Երևան։ Սովետական գրող, 1984.- 277 էջ.- Բովանդ-ից՝ Հոգու և քարտեզի միջորեականներ։
• Պարամոնով Յան։ Նոստրադամուսից մինչև Գլոբա։ Աստղագուշակություն.- Երևան։ Վահան, 1992.- 80 էջ։
• Օստրովսկի Ալեքսանդր։ Պիեսներ.- Երևան։ Սովետական գրող, 1987.- 607 էջ.- (Ռուս դասականների գրադարան).- Բովանդ-ից՝ Անտառը; Գայլեր և ոչխարներ; Անօժիտը; Անմեղ մեղաորներ։

Պարգևներ

• ՀՀ Կառավարության և ՀԳՄ Հրանտ Մաթևոսյանի անվան համատեղ մրցանակ, 2010
• «Ընթացք» ժողովածուն արժանացել է ՀԳՄ Նիկոլ Աղբալյանի անվան մրցանակի, 2003

Արտաքին հղումներ

• Հայկ Խաչատրյան (1986). Գրական տեղեկատու. Երևան: «Սովետական գրող». էջ էջ 376.
• Ֆելիքս Մելոյան, Մարդու ժամանակը

Վիքիդարանն ունի նյութեր, որոնք վերաբերում են «Ֆելիքս Մելոյան» հոդվածին։