Ֆեոդոր Ռեշետնիկով (նկարիչ)
Ֆեոդոր Պավլովիչ Ռեշետնիկով (ռուս.՝ Фёдор Па́влович Реше́тников, հուլիսի 15 (28), 1906, Sursko-Lytovske, Եկատերինոսլավսկի գավառ, Եկատերինոսլավի նահանգ, Ռուսական կայսրություն - դեկտեմբերի 13, 1988, Մոսկվա, ԽՍՀՄ), խորհրդային գեղանկարիչ և գրաֆիկ, սոցիալիստական ռեալիզմի գլխավոր ներկայացուցիչներից մեկը, ԽՍՀՄ ժողովրդական նկարիչ (1974), 1953 թվականից ԽՍՀՄ Գեղարվեստի ակադեմիայի գործող անդամ, փոխնախագահ (1974-1987 թվականներին), Ստալինյան մրցանակի կրկնակի դափնեկիր (1949, 1951)։
Ֆեոդոր Ռեշետնիկով | |
|---|---|
.jpg) | |
| Ծնվել է | հուլիսի 15 (28), 1906 |
| Ծննդավայր | Sursko-Lytovske, Եկատերինոսլավսկի գավառ, Եկատերինոսլավի նահանգ, Ռուսական կայսրություն |
| Վախճանվել է | դեկտեմբերի 13, 1988 (82 տարեկան) |
| Մահվան վայր | Մոսկվա, ԽՍՀՄ |
| Քաղաքացիություն |  ԽՍՀՄ և  Ռուսական կայսրություն |
| Կրթություն | Վխուտեին և Վխուտեմաս |
| Մասնագիտություն | նկարիչ և գծանկարիչ |
| Ժանր | political cartoon? և դիմապատկեր |
| Պարգևներ |       և  |
| Անդամակցություն | ԽՍՀՄ նկարիչների միություն |
| Կուսակցություն | ԽՄԿԿ |
Անվան այլ կիրառումների համար տե՛ս՝ Ֆեոդոր Ռեշետնիկով (այլ կիրառումներ)
Կենսագրություն
խմբագրելՖ. Պ. Ռեշետնիկովը ծնվել է 1906 թվականի հուլիսի 15 (28)-ին Ռուսական կայսրության Եկատերինոսլավի նահանգի Սուրսկո-Լիտովսկոե գյուղում (Ուկրաինայի Դնեպրոպետրովսկի մարզ)՝ սրբանկարչի ընտանիքում։
Աշխատել է ՈՒԽՍՀ Դնեպրոպետրովսկի մարզի Գրիշինո երկաթուղային կայարանում։
Սովորել է Մոսկվայի արվեստի աշխատանքային ֆակուլտետում, ընդունվել Գեղարվեստա-տեխնիկական բարձրագույն ինստիտուտ, որտեղ սովորել է 1929-1934 թվականներին, մասնավորապես Դմիտրի Մոորի մոտ։
«Չելյուսկին» շոգենավով մասնակցել է արկտիկական արշավախմբին։
1945 թվականից եղել է ԽՄԿԿ անդամ։
Ֆ. Պ. Ռեշետնիկովի «Եկել է արձակուրդ» նկարով (1948, Տրետյակովյան պատկերասրահ) թողարկված բացիկների ընդհանուր տպաքանակը կազմել է ավելի քան 13 միլիոն։ Դա ավելին է, քան Խորհրդային Միությունում մինչ այդ թողարկված որևէ այլ բացիկինը[1]։
Նկարչի մյուս հայտնի նկարը «Նորից երկուս» կտավն է (1952)։
Ֆ. Պ. Ռեշետնիկովը մահացել է 1988 թվականի դեկտեմբերի 13-ին։ Թաղված է Վագանկովյան գերեզմանատանը[2]։
Ընտանիք
խմբագրել- Կինը – ԽՍՀՄ ժողովրդական նկարիչ Լիդիա Բրոդսկայա (1910-1991), նկարիչ, դիմանկարիչ Իսաակ Բրոդսկու դուստրը[3]։
- Դուստրը – Լյուբով Ֆեոդորովնա Ռեշետիկովա (ծնված՝ 1943):
- Զարմիկ – Խորհրդային Միության հերոս, հեռավոր ավիացիայի գլխավոր հրամանատար Վասիլի Վասիլևիչ Ռեշետնիկով։
Պարգևներ
խմբագրել- Երկրորդ աստիճանի Ստալինյան մրցանակ (1949) – «Խորհրդային Միության գեներալիսիմուս Ի. Վ. Ստալին» և «Եկել է արձակուրդ» նկարների համար
- Երրորդ աստիճանի Ստալինյան մրցանակ (1951) – «Հանուն խաղաղության» (ռուս.՝ «За мир!», 1950) նկարի համար
- ՌԽՖՍՀ ժողովրդական նկարիչ (սեպտեմբերի 13, 1956)
- ԽՍՀՄ ժողովրդական նկարիչ (հոկտեմբերի 10, 1974)
- Լենինի շքանշան (հուլիսի 30, 1976)
- Հոկտեմբերյան հեղափոխության շքանշան (օգոստոսի 22, 1986)
- Աշխատանքային կարմիր դրոշի շքանշան (նոյեմբերի 27, 1932) – «Սիբիրյակ» սառցահատով արկտիկական արշավախմբին մասնակցելու համար
- Կարմիր աստղի շքանշան (ապրիլի 20, 1934) – «Չելյուսկին» շոգենավով արշավախմբին մասնակցելու համար
- «ԽՍՀՄ լուսավորության առաջավոր» կրծքանշան – ժողովրդական կրթության բնագավառում ունեցած մեծ հաջողությունների և հասարակական-քաղաքական կյանքին ակտիվ մասնակցելու համար
- մեդալներ
Հիշատակ
խմբագրելՖ. Պ. Ռեշետնիկովի հայրենի գյուղում՝ Սուրսկո-Լիտովսկոեում, 1990 թվականից գործում է Ֆ. Ռեշետնիկովի անվան թանգարան[4]։
Ծանոթագրություններ
խմբագրել- ↑ Н. С. Тагрин. Мир в открытке. М, «Изобразительное искусство», 1978. с.112
- ↑ Могила Ф. П. Решетникова
- ↑ А. Васильев «Художники Ф. П. Решетников и Л. И. Бродская»
- ↑ «Информация на сайте Днепропетровского исторического музея». Արխիվացված է օրիգինալից 2010 թ․ հուլիսի 1-ին. Վերցված է 2009 թ․ հուլիսի 17-ին.