Ֆինիստեր (դեպարտամենտ)

Ֆինիստեր (ֆրանսերեն՝ Finistère), դեպարտամենտ Ֆրանսիայի հյուսիսարևմտյան ծայրամասում։

• Ֆինիստեր դեպարտամենտի կարգային թիվն է՝ 29։

Ֆինիստեր Finistère
Դրոշ Զինանշան
Երկիր	Ֆրանսիա
Կարգավիճակ	Դեպարտեման
Մտնում է	Բրետան
Վարչկենտրոն	Քեմպեր
Ամենաբարձր կետ	Roc'h Ruz?
Օրենսդրական մարմին	departmental council of Finistère?
Հիմնական լեզու	Ֆրանսերեն
Բնակչություն (2007)	886 500 (24րդ տեղ)
Խտություն	130
Տարածք	6 733
Հիմնադրված է	մարտի 4, 1790 թ.
Սահմանակցում է	Կոտ դ'Արմոր և Մորբիան
Ժամային գոտի	CET (UTC+1)
ISO 3166-2 կոդ	FR-29
cg29.fr/conseil-general/fonctionnement/index.html
Ֆինիստեր Վիքիպահեստում

Պատմություն

Ֆինիստեր Finistère անունը ծագում է լատիներեն Finis Terræ-ից, որը նշանակում է «աշխարհի վերջ»։ Անգլիայում նման մի տարածքի անունն ունի նույն իմաստը՝ «երկրի վերջը». Ֆինիստերի անունը հարկավոր է չշփոթել Իսպանիայում գտնվող Ֆինիստեր հրվանդանի անվան հետ։

Աշխարհագրական տվյալներ

Ամենամեծաթիվ բնակչությունով քաղաքն է Բրեստը։ Մյուս խոշոր բնակավայրերն են Քիմպեր (մայրաքաղաքը), Մորլե և Դուարնեն քաղաքները։ Ֆինիստերի մեջ է մտնում նաև Ուսան (բրետոներեն` Eusa, ֆրանսերեն` Ouessant) կղզին։

Ֆինիստեր դեպարտամենտի ռելիեֆային քարտեզը։

Լոկրոնան

Ֆինիստերը Ֆրանսիայի ամենաարևմտյան տարածքն է (ներառյալ՝ անդրծովյան տարածքները)։ Այն նաև ամենաերկարաձիգ ափերով դեպարտամենտն է։ Նրա 283 համայնքներից 118-ը գտնվում են ծովի եզերքին։ Ափագծի ընդհանուր երկարությունը 1250 կմ է, որն ամբողջ Բրետան երկրամասի ափագծի համարյա քառորդն է։
Տարածքը 6 733 կմ² է։

Տնտեսություն

Ֆիլիստերի Île Longue թերակղզում են գտնվում միջուկային սուզանավի և օդային ուժերի բազաները, ինչպես նաև՝ Բրեստի առաջատար DCNS նավաշինական գործարանը։
Ռոսկոֆի ծովային նավահանգիստը լաստանավային հաղորդակցությամբ կապված է Իրլանդիայի և Մեծ Բրիտանիայի հետ։

Մշակույթ

Ֆինիստերը բրետոներենն ամենալավ պահպանած տարածքն է։ Բրետանախոս դպրոցներին այստեղ ասում են Դիվան, Դիվյեժ կամ Դիհուն։
Բրետոնական երաժշտության տոնակատարություն է Քորնուելի փառատոնը։ Ամռանը Կարե-Պլագերում տեղի ունեցող փառատոնն այստեղ է հավաքում տասնյակ հազարավոր հանդիսատեսների։

Հետաքրքիր փաստեր

Նոր դարաշրջանում Ֆինիստերը մեծ դեր խաղաց Մեծ Բրիտանիայի առևտրային օրենսդրության մեջ։ Մասնավորապես, Ադամ Սմիթը վկայում է, որ 18-րդ դարում մի շարք ապրանքների արտահանումը Մեծ Բրիտանիայի հյուսիսամերիկյան գաղութներից թույլ էր տրվում միայն այն երկրներ, որոնք տեղակայված էին Ֆինիստեր հրվանդանից հարավ։

Արտաքին հղումներ

• Պաշտոնական կայք

Վիքիպահեստն ունի նյութեր, որոնք վերաբերում են «Ֆինիստեր (դեպարտամենտ)» հոդվածին։