Ֆլորենս Այիսի

Ֆլորենս Այիսի;
Ծնվել է	1962
Ծննդավայր	Կումբա, Հարավարևմտյան շրջան, Կամերուն
Քաղաքացիություն	Կամերուն
Կրթություն	Յաունդեի համալսարան, University of Sunderland?, Հալի համալսարան և Լիդսի քաղաքային համալսարան
Մասնագիտություն	կինեմատոգրաֆ, համալսարանի դասախոս, ակադեմիկոս և կինոռեժիսոր
Աշխատավայր	Հարավային Ուելսի համալսարան
Անդամություն	Black Female Professors Forum?

Ֆլորենս Այիսի (անգլ.՝ Florence Ayisi, 1962, Կումբա, Հարավարևմտյան շրջան, Կամերուն^[1]), կամերունցի կինոռեժիսոր, գիտական գործիչ, մանկավարժ, պրոֆեսոր։

Կենսագրությունը և գործունեությունը

Ֆլորենս Այիսին ծնվել է Կամերունի Հանրապետության Կումբա քաղաքում, 1964 թվականին (ըստ որոշ աղբյուրների՝ 1962 թվականին)^[3]։ Միջնակարգ կրթությունն ստացել է հայրենի բնօրրանում, ապա ուսումը շարունակել է Մեծ Բրիտանիայում, որտեղ հիմնավոր բարձրագույն կրթություն է ստացել՝ ավարտելով մի շարք հեղինակավոր կրթօջախներ, այդ թվում՝ Սանդերլենդի համալսարանը, Լիդսի Մետրոպոլիտեն համալսարանը, Հալլի համալսարանը, Լոնդոնի հեռուստատեսության ուսումնափորձարարական կենտրոնը։ 1986 թվականին ավարտել է նաև հայրենի Կամերունի մայրաքաղաք Յաունդեի համալսարանը։ Ֆլորենս Այիսիի «Հարսնացուներ» կինոնկարը արժանացել է շուրջ երեսուն միջազգային կինոմրցանակների, այդ թվում՝ Կաննի 2005 թվականի կինոփառատոնի մրցանակին՝ «Արվեստ և էսսե» անվանակարգում^[4], ինչպես նաև՝ ոչ պակաս հեղինակավոր Peabody մրցանակի^[5])^[6]^[7]։ Բացի այդ, «Հարսնացուներ» ֆիլմը 2006 թվականին ներկայացվել է ամերիկյան կինոակադեմիայի «Օսկար» մրցանակի։

2008 թվականին Այիսիին շնորհվել է Մեծ Բրիտանիայի Թագավորության կինեմատոգրաֆիայի խորհրդի Breakthrough Brits մրցանակը՝ նրա «Տաղանդ» կինոնկարի համար^[6]^[8]։ Դրանից մեկ տարի առաջ նա արժանացել էր բարձր ընդունելության՝ հանդիպում ունենալով Մեծ Բրիտանիայի թագուհու հետ^[8] այս անգամ էլ գնահատել էին նրա ներդրած ավանդը բրիտանական համագործակցության երկրների միջև կապերի ամրապնդմանն ուղղված աշխատանքներում։

Սկսած 2000 թվականից՝ Ֆլորենս Այիսին դասավանդում է Հարավային Ուելսի համալսարանում^[9]։ Նրան շնորհվել է պրոֆեսորի պատվավոր կոչում։ Հայրենի Կամերունում նրան ընտրել են գիտությունների ազգային ակադեմիայի անդամ։

2005 թվականին Ֆլորենս Այիսին հիմնադրել է կինոարտադրության Iris Films ընկերությունը։

Որակավորումներ, հավաստագրեր

Բարձրագույն կրթության հավաստագիր (Cert Ed) (1997 թ.) – School of Education, University of Sunderland, U.K
Արվեստի վարպետ կինոարտադրությունում - (1992) Northern School of Film and Television, Leeds Metropolitan University, U.K
Արվեստի վարպետ թատրոնում և զանգվածային լրատվության բնագավառում - University of Hull, U.K
Ժուռնալիստիկայի և հեռուստատեսային արտադրության մասնագետի դիպլոմ - (1987 թ.), Television Training Centre, Fulham Studios, London
Անգլերենի մասնագետ - (1986 թ.) - Faculty of Modern Letters and Social Sciences – University of Yaoundé, Cameroon, Central Africa

Ֆիլմագրություն

Zanzibar Soccer Dreams (Florence Ayisi & Catalin Brylla, 2016 թ., տևողությունը՝ 64 րոպե) -
Transforming Lives: PNDP and Rural Development in Cameroon (2014 թ., 35 րոպե)
Handing Down Time – Cameroon (2012 թ., 55 րոպե)
Cameroonian Women in Motion (2012 թ., 10 րոպե)
Art of this Place: Women Artists in Cameroon (2011 թ., 40 րոպե)^[6]
Zanzibar Soccer Queens (2007/2008 թթ., 87 և 52 րոպե)^[6]^[10]
Our World in Zanzibar (2007 թ., 35 րոպե)^[6]
My Mother: Isange (2005 թ., 7 րոպե)^[6]^[11]
Sisters in Law (2005 թ.) (Florence Ayisi և Kim Longinotto, 2005 թ., 104 րոպե)
Reflections (2003 թ.)^[11]

Կարծիքներ

Մարշա Մաքսիմոնն ու Դորոթի Ք. Ռոյը, ծանոթանալով Ֆլորենս Այիսիի ստեղծագործությանը, գրել են. «Այիսին, պատկերելով ժամանակակից աֆրիկացի կանանց կյանքը, կոտրում է բոլոր պարզունակ կարծրատիպերը և առաջ մղում այն գաղափարը, որ գլոբալ աշխարհում չի կարելի թեթև ու հեշտ բաժանումներ կատարել միմիայն ըստ պետություններ-ազգություններ, արևելք-արևմուտք կամ «զարգացած երկրներ»-«զարգացող երկրներ» բաժանարար գծերի»։ 2012 թվականին հրատարակած իր մի հոդվածում Օլիվիե Ժան Չուաֆեն գրել է. «Ֆլորենս Այիսին և Քիմ Լոնգինոթոն իրենց ստեղծած «Հարսնացուներ» կինոնկարում աչքի են ընկնում ինքնատիպությամբ՝ յուրօրինակ կերպով պատկերելով ետգաղութային ժամանակաշրջանի դատավորին՝ իր անվստահ պահվածքով և միաժամանակ կերտելով երկու ուժեղ կանանց կերպարներ՝ որպես ապահովության և կայուն արդարադատության տիպարներ»։

Գրախոսական մեկ այլ հոդվածում «Հարսնացուներ» կինոնկարը բնութագրվում է իբրև «լավ մտածված և վարպետորեն նկարահանված մի ֆիլմ, որը անկեղծ ու տպավորիչ խոսակցություն է բացում մի ուրիշ, դեռևս քիչ ծանոթ մի մշակույթի և այն կերտող ժողովրդի, մարդկանց մասին»։ Իսկ Black Camera հանդեսում լույս ընծայված գրախոսությունում «Հարսնացուներ»-ը բնորոշվում է որպես մի ֆիլմ, որը «համընդհանրացնում է փորձը՝ առանց համընտրման փորձ անելու»։

Գրականություն

Ayisi, Florence; Brylla, Catalin (2013 թ․ մայիսի 8). «The Politics of Representation and Audience Reception: Alternative Visions of Africa». Research in African Literatures. 44 (2): 125–141. ISSN 1527-2044.

Ծանոթագրություններ

↑ ^1,0 ^1,1 ^1,2 https://www.wmm.com/filmmaker/Florence+Ayisi/
↑ https://blackfemaleprofessorsforum.org/professors/florence-ayisi/
↑ «Biography of Florence Ayisi». African Success. 2008 թ․ հունիսի 3. Արխիվացված է օրիգինալից 2018 թ․ նոյեմբերի 30-ին. Վերցված է 2017 թ․ փետրվարի 19-ին.
↑ «Cannes award for courtroom film». BBC News. 2005 թ․ մայիսի 24. Վերցված է 2017 թ․ մարտի 2-ին.
↑ «Winner 2007 Independent Lens: Sisters in Law». Peabody Awards (անգլերեն). Վերցված է 2017 թ․ մարտի 7-ին.
↑ ^6,0 ^6,1 ^6,2 ^6,3 ^6,4 ^6,5 «Florence Ayisi». Women Make Movies. Վերցված է 2017 թ․ մարտի 7-ին.
↑ «Hollywood embraces Britain's black film talent». The Independent (բրիտանական անգլերեն). 2008 թ․ մայիսի 10. Վերցված է 2017 թ․ մարտի 7-ին.
↑ ^8,0 ^8,1 «Honourees 2008». UK Film Council. 2012 թ․ փետրվարի 23. Արխիվացված է օրիգինալից 2012 թ․ փետրվարի 23-ին. Վերցված է 2017 թ․ մարտի 7-ին.
↑ «University of South Wales - Florence Ayisil». Վերցված է 2017 թ․ փետրվարի 19-ին.
↑ Mayer, Sophie (2015 թ․ հոկտեմբերի 22). id=APa5CwAAQBAJ&pg=PT163 Political Animals: The New Feminist Cinema (անգլերեն). I.B.Tauris. ISBN 9780857729941. {{cite book}}: Check |url= value (օգնություն); Missing pipe in: |url= (օգնություն)
↑ ^11,0 ^11,1 «Independent Lens . SISTERS IN LAW . The Filmmakers | PBS». www.pbs.org. Արխիվացված է օրիգինալից 2020 թ․ դեկտեմբերի 4-ին. Վերցված է 2017 թ․ մարտի 7-ին.

Արտաքին հղումներ

Florence Ayisi at Women Make Movies
Florence Ayisi at Internet Movie Database
Florence Ayisi on YouTube

[_a34e7249851e263b-1] 1,0 ^1,1 ^1,2 https://www.wmm.com/filmmaker/Florence+Ayisi/

[_0f0e15734dd5bdff-2] ttps://blackfemaleprofessorsforum.org/professors/florence-ayisi/

[3] «Biography of Florence Ayisi». African Success. 2008 թ․ հունիսի 3. Արխիվացված է օրիգինալից 2018 թ․ նոյեմբերի 30-ին. Վերցված է 2017 թ․ փետրվարի 19-ին.

[4] «Cannes award for courtroom film». BBC News. 2005 թ․ մայիսի 24. Վերցված է 2017 թ․ մարտի 2-ին.

[5] «Winner 2007 Independent Lens: Sisters in Law». Peabody Awards (անգլերեն). Վերցված է 2017 թ․ մարտի 7-ին.

[:0-6] 6,0 ^6,1 ^6,2 ^6,3 ^6,4 ^6,5 «Florence Ayisi». Women Make Movies. Վերցված է 2017 թ․ մարտի 7-ին.

[7] «Hollywood embraces Britain's black film talent». The Independent (բրիտանական անգլերեն). 2008 թ․ մայիսի 10. Վերցված է 2017 թ․ մարտի 7-ին.

[:2-8] 8,0 ^8,1 «Honourees 2008». UK Film Council. 2012 թ․ փետրվարի 23. Արխիվացված է օրիգինալից 2012 թ․ փետրվարի 23-ին. Վերցված է 2017 թ․ մարտի 7-ին.

[9] «University of South Wales - Florence Ayisil». Վերցված է 2017 թ․ փետրվարի 19-ին.

[10] Mayer, Sophie (2015 թ․ հոկտեմբերի 22). id=APa5CwAAQBAJ&pg=PT163 Political Animals: The New Feminist Cinema (անգլերեն). I.B.Tauris. ISBN 9780857729941. {{cite book}}: Check |url= value (օգնություն); Missing pipe in: |url= (օգնություն)

[:1-11] 11,0 ^11,1 «Independent Lens . SISTERS IN LAW . The Filmmakers | PBS». www.pbs.org. Արխիվացված է օրիգինալից 2020 թ․ դեկտեմբերի 4-ին. Վերցված է 2017 թ․ մարտի 7-ին.

[1]

[2]

[3]

[4]

[5]

[6]

[7]

[8]

[9]

[10]

[11]