Ֆրանսուազ Բետանկուր-Մայերս
Ֆրանսուազ Բետանկուր-Մայերս (ֆր.՝ Françoise Bettencourt Meyers, հուլիսի 10, 1953[1], Նյոյի սյուր Սեն), ֆրանսիացի կին գործարար, 2017 թվականի սեպտեմբերին՝ մոր՝ Լիլիան Բետանկուրի մահից հետո, ստացել է 39,5 միլիարդ դոլարի չափով Ժառանգություն (եկամուտների թվում է նաև «L’Oréal» ընկերության բաժնետոմսերի 33 տոկոսը[2]։
| Ֆրանսուազ Բետանկուր-Մայերս | |
|---|---|
| Ծնվել է | հուլիսի 10, 1953[1] (71 տարեկան) |
| Ծննդավայր | Նյոյի սյուր Սեն |
| Քաղաքացիություն |  Ֆրանսիա |
| Մասնագիտություն | գործարար, գրող, ձեռնարկատեր և billionaire |
| Ամուսին | Jean-Pierre Meyers? |
| Ծնողներ | հայր՝ Անդրե Բետանկուր, մայր՝ Լիլիան Բետանկուր |
| Զբաղեցրած պաշտոններ | փոխնախագահ |
| Երեխաներ | Jean-Victor Meyers? |
2019 թվականի մարտին նրա կարողությունը գնահատվել է 49,3 միլիարդ դոլար, նա դարձել է մոլորակի ամենահարուստ կինը[3] և Երկրի ամենահարուստ մարդկանց վարկանիշում զբաղեցրել 20-րդ հորիզոնականը։
Կենսագրություն
խմբագրելՖրանսուազը ծնվել է 1953 թվականի հուլիսի 10-ին, Ֆրանսիայի Նյոյի սյուր Սեն քաղաքում։ Նա Անդրե և Լիլիան Բետանկուրների միակ երեխան է[4]։ Սովորել է կաթոլիկ դպրոցում։ Հրեաների և քրիստոնյաների միջազգային հարաբերությունների[5] և հունական դիցաբանության ուսումնասիրության համար ստացել է գիտական աստիճան։ Նաև Աստվածաշնչի՝ հինգ հատորից բաղկացած հետազոտությունների հեղինակ է։
«Բետանկուր-Շուլլերի հիմնադրամի» հիմնադիրներից մեկն է։ Կազմակերպությունն անվանվել է նրա պապի՝ «L’Oréal» ընկերության հիմնադիր Էժեն Շուլլերի պատվին։ Ամեն տարի կազմակերպությունը տաղանդավոր երիտասարդ գիտնականներին տրամադրում է դրամաշնորհներ։ Կազմակերպության տարեկան բյուջեն 250 միլիոն եվրո է, որից 55 տոկոսը գիտական հետազոտությունների և կրթական ծրագրերի համար է, 33 տոկոսը բաժին է ընկնում մարդասիրական և սոցիալական ոլորտին, իսկ 12 տոկոսը ստանում են մշակույթի և արվեստի ոլորտի նախագծերը։
2008 թվականին Ֆրանսուազը դիմում է ներկայացրել ոստիկանություն այն բանից հետո, երբ մայրը 1,3 միլիարդ դոլար և տարբեր եկամուտներ է փոխանցել իր սիրեկանին՝ լուսանկարիչ Ֆրանսուա Մարի Բանյեին։ Ֆրանսուազը Բանյեին մեղադրել է ֆիզիկական կամ հոգեբանական թուլությունն անձնական շահի նպատակներով շահագործելու համար։ Դատն ավարտվել է 2011 թվականին։ Լիլիանն Ալցհայմերի հիվանդության պատճառով հաշմանդամ է ճանաչվել։ Նրա խնամակալներ նշանակվել են որդին և դուստրը՝ Ֆրանսուազան[6]։
Մատենագիտություն
խմբագրել- The Greek gods. Genealogy (Les Dieux grecs. Généalogies), Paris, éd.
- A look at the Bible (Regard sur la Bible), 5 vol., Introduction by Alain Decaux, Published, November 2008, awarded the prix des Lauriers Verts (section « Spirituality ») in 2009:
- Words and expressions originating in the Bible
- From one Testament to the other, Judaism and Catholicism
- Family Tree of Adam Eve, and the Tribes of Israel
- Animals, Plants, Measures, money, and numbers in the Bible
- Genealogic section
Ծանոթագրություններ
խմբագրել- ↑ 1,0 1,1 Munzinger Personen (գերմ.)
- ↑ «The Richest People in the World». Money. Արխիվացված է օրիգինալից 2019 թ․ ապրիլի 29-ին. Վերցված է 2020 թ․ ապրիլի 14-ին.
- ↑ «The Richest People in the World» (անգլերեն). Money. Վերցված է 2019 թ․ մարտի 9-ին.
- ↑ «L'Oréal Finance : Share Ownership». www.loreal-finance.com. Վերցված է 2017 թ․ սեպտեմբերի 21-ին.
- ↑ Les Échos Արխիվացված 2010-07-15 Wayback Machine, December 2009.
- ↑ La Tribune December 2010.