Ֆրեդերիկ Ստյուարտ Չարչ
Ֆրեդերիկ Ստյուարտ Չեչչ (անգլ.՝ Frederick Stuart Church, 1842[1][2][3][…], Գրանդ Ռապիդս, Միչիգան, ԱՄՆ - 1924[1][2][3][…], Նյու Յորք, Նյու Յորք, ԱՄՆ[4]), ամերիկացի նկարիչ, աշխատել է հիմնականում որպես պատկերազարդող, հատկապես հայտնի է կենդանիների իր պատկերներով։
Ֆրեդերիկ Ստյուարտ Չարչ | |
|---|---|
 | |
| Ծնվել է | 1842[1][2][3][…] |
| Ծննդավայր | Գրանդ Ռապիդս, Միչիգան, ԱՄՆ |
| Վախճանվել է | 1924[1][2][3][…] |
| Մահվան վայր | Նյու Յորք, Նյու Յորք, ԱՄՆ[4] |
| Քաղաքացիություն | .svg){kind=small} ԱՄՆ |
| Կրթություն | Նյու Յորքի արվեստի ուսանողական լիգա |
| Մասնագիտություն | գրաֆիկական դիզայներ և նկարիչ |
ստորագրություն | |
 Frederick Stuart Church Վիքիպահեստում | |
Կենսագրություն
խմբագրելԾնվել է 1842 թվականի դեկտեմբերի մեկին Միչիգան նահանգի Գրանդ-Րապիդս քաղաքում[5]։ Նրա հայրը հայտնի փաստաբան էր, քաղաքական կարևոր գործիչ։ 13 տարեկանում Ֆրեդերիկն ավարտել է դպրոցը և աշխատանքի անցել Չիկագոյի American Express նոր ստեղծված թղթատար կազմակերպությունում, նպատակ ունենալով զարգացնել բիզնես կարիերա։ 13 տարեկանում նա ծառայել է Միության Բանակում անգլ.՝ Union Army` Միացյալ Նահանգներում քաղաքացիական պատերազմի ժամանակ։ Դեմոբլիզացիայից հետո նա վերադարձել է Չիկագո և որոշել է իր կյանքը նվիրել արվեստին, Չիկագոյի արվեստի ինստիտուտում Վոլտեր Շիրլոուի ղեկավարությամբ սկսել է ուսումնասիրել նկարչություն։ 1870 թվականին նա որոշել է շարունակել իր ուսումը Նյու Յորքում, որը դարձել է նրա տունը կյանքի հետագա տարիների համար։ Չեչչը ընդունվել է Դիզայնի ազգային ակադեմիա, որտեղ սովորել է Լեմուելա Ուիլմետրայի հետ։ Ավելի ուշ նա միացել է Նյու Յորքի արվեստի ուսանողական լիգայի դպրոցին, որը ղեկավարում իր ուսուցիչ Վոլտեր Շիրլոուն, և այնտեղ աշխատել է իր ողջ կյանքի ընթացքում։ 1870-ականներին Ֆրեդրիկ Չեչչն արդեն հայտնի էր որպես տաղանդավոր նկարիչ։ Նրա աշխատանքները տպագրվել են թերթերում և ամսագրերում, ինչպես նաև` տարբեր ալմանախներում և բացիկներում։ 1883 թվականին նա ընտրվել է Դիզայնի ազգային ակադեմիայի թղթակից անդամ, իսկ 1885 թվականին դարձել է ակադեմիայի լիիրավ անդամ։ 1924 թվականի փետրվարի 16-ին հիվանդանում է և տեղափոխվում հինգերորդ պողոտայում գտնվող հիվանդանոց։ Մահացել է նույն ամսի փետրվարի 18-ին Նյու Յորքում, նրա մարմինը դիակիզվել է, իսկ մոխիրը` ոչնչացվել։ 1924 թվականի մայիսին Գրանդ-Րապիդս քաղաքում տեղի է ունեցել նրա հիշատակի ցուցահանդեսը։
Աշխատանքներ
խմբագրելՆկարչի աշխատանքները գտնվում են Ֆուլթոնի դեկորատիվ արվեստի պատկերասրահի և Վաշինգտոն նահանգի գեղարվեստի թանգարանի մշտական հավաքածուներում։ Չեչչի աշխատանքներից մի քանիսը գտնվում են Սմիթսոնյան ինստիտուտում։ 1979 թվականին նրա աշխատանքները ներկայացվել են American Imagination and Symbolist Painting ցուցահանդեսում։
- Որոշ աշխատանքներ
-
-
-
Ծանոթագրություններ
խմբագրել- ↑ 1,0 1,1 1,2 1,3 1,4 Union List of Artist Names
- ↑ 2,0 2,1 2,2 2,3 2,4 Swartz A. Open Library — 2007.
- ↑ 3,0 3,1 3,2 3,3 3,4 Répertoire des artistes (ֆր.)
- ↑ 4,0 4,1 4,2 Union List of Artist Names — 2018.
- ↑ Frederick Stuart Church’s Bio Արխիվացված 2015-03-15 Wayback Machine(անգլ.)
Արտաքին հղումներ
խմբագրել- Frederick Stuart Church: A Brush with Imagination գիրքը Արխիվացված 2012-01-03 Wayback Machine (անգլ.)
- Crowdsourcing the Letters of Frederick Stuart Church (անգլ.)
- Frederick Stuart Church (անգլ.)
 | Վիքիպահեստն ունի նյութեր, որոնք վերաբերում են «Ֆրեդերիկ Ստյուարտ Չարչ» հոդվածին։ |